سەرپىندى, مانەرلى, ەڭ باستىسى, وپەرانىڭ بارلىق قاعيداسىنا ساي اۋەندى كەلگەن ە. برۋسيلوۆسكيدىڭ «قىز جىبەك» سپەكتاكلىن «استانا وپەرا» ۇسىنادى. تۇساۋكەسەر 10 جانە 11 اقپاندا وتەدى, دەپ حابارلادى استانا اكىمدىگىنىڭ ءباسپاسوز قىزمەتى.
وتاندىق كلاسسيكالىق ونەردىڭ تاريحىندا سيمفونيالىق وركەسترمەن بىرگە وپەرادا العاش رەت قازاقتىڭ ۇلتتىق اسپاپتارى قولدانىلادى.
قويۋشى رەجيسسەر – بەلارۋس ۇلكەن تەاترى مەن سامارالىق وپەرالىق تەاتردىڭ باس رەجيسسەرى ميحايل پاندجاۆيدزە (رەسەي), جاڭا مۋزىكالىق رەداكتسيانىڭ اۆتورى, قويۋشى ديريجەر – قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆ.
ەستەرىڭىزگە سالا كەتسەك, قازاقتىڭ تۇڭعىش وپەراسى – ە. برۋسيلوۆسكيدىڭ «قىز جىبەگى» 1934 جىلى قويىلعان.
