ۇلتتىق قۇراما سپورتشىلارى شىمكەنتتە جاتتىعادى

وڭتۇستىك قازاقستان وبلىسىنىڭ اكىمى جانسەيىت تۇيمەباەۆ شىمكەنت قالاسى, «تاسساي» شاعىناۋدانىندا ورنالاسقان «بيىك» سپورت كەشەنىندە دزيۋدودان ايەلدەر جانە اۋىر اتلەتيكادان ەرلەر اراسىنداعى قر ۇلتتىق قۇرامالارىمەن كەزدەستى, دەپ حابارلايدى وڭىرلىك اكىمدىكتىڭ ءباسپاسوز قىزمەتى. «وزدەرىڭىزبەن وڭتۇستىكتە جۇزدەسكەنىمە قۋانىشتىمىن. ءبىزدىڭ وڭىردە زاماناۋي ۇلگىدەگى بازالىق سپورت ورتالىقتارى از ەمەس. «بيىك» سپورت كەشەنى سولاردىڭ بىرەگەيى. سوندىقتان سىزدەردىڭ وسى ورتالىقتا  جاتتىعىپ, ءدۇبىرلى دودالارعا دايىندىق جۇرگىزۋلەرىڭىز ءبىز ءۇشىن ۇلكەن قۋانىش. بايراقتى باسكەلەردە قارسىلاستارىڭىزدان ارقاشان باستەرىڭىز بيىك بولسىن!»,-  دەدى ءوڭىر باسشىسى. جيىن بارىسىندا وبلىستىق دەنە شىنىقتىرۋ جانە سپورت باسقارماسىنىڭ باسشىسى الىبەك نۇرتاەۆ بيىل رەسپۋبليكالىق جانە حالىقارالىق جارىستارعا قاتىساتىن وبلىس سپورتشىلارىنىڭ دايىندىعى تۋرالى باياندادى. «بيىك» سپورت كەشەنىنىڭ جۇمىستارىمەن تانىسقان جانسەيىت قانسەيىت ۇلى بريزيليادا وتكەن ءحححى وليمپيادا ويىندارىنىڭ اۋىر اتلەتيكادان ايەلدەر اراسىنداعى كۇمىس جۇلدەگەرى جازيرا جاپپارقۇل مەن دەيۋدو كۇرەسىنەن ايەلدەر اراسىنداعى قولا جۇلدەگەرى گالبادراح وتگونتسەگتسەگتى ەل تاۋەلسىزدىگىنىڭ 25 جىلدىعى مەدالىمەن ماراپاتتادى. ايتا كەتەيىك, وڭتۇستىكتە 4 وبلىستىق جانە 4 اۋداندىق بالالار مەن جاسوسپىرىمدەر سپورت مەكتەپتەرىندەگى اۋىر اتلەتيكا بولىمدەرىندە 41 باپكەر 600-گە جۋىق بالانى جاتتىقتىرادى. سوڭعى 25 جىلدا الەمدىك جارىستاردا, ازيا بىرىنشىلىكتەرىندە وبلىستىڭ 11 اۋىر اتلەتى توپ جارسا, ونىڭ 6-اۋى جازعى وليمپيادا ويىندارىنا قاتىسقان. ال, وبلىستىق, قالالىق, اۋداندىق دەڭگەيدەگى 35 سپورت مەكتەبىنىڭ دزيۋدو بولىمدەرىندە 150 جاتتىقتىرۋشى 3 مىڭنان استام بالانى تاربيەلەۋدە.