بۇل تۋرالى ريا نوۆوستي باسىلىمىنا قىرعىزستاننىڭ توتەنشە جاعدايلار مينيسترلىگىنىڭ داعدارىس جاعدايىندا باسقارۋ ورتالىعىنىڭ باسشىسى مۋحاممەد سۆاروۆ حابارلادى. قازىرگى ۋاقىتتا اۋە اپاتىنا ۇشىراعان ۇشاقتىڭ Turkish Airlines كومپانياسىنا تيەسىلى ەكەنى بەلگىلى. "گونكونگتان كەلە جاتقان تۇركيالىق كومپانيانىڭ جۇك تاسىمالداۋشى ۇشاعى قىرعىزستان استاناسىنداعى "ماناس" اۋەجايىندا اۋا رايىنىڭ قولايسىزدىعىنان اپاتقا ۇشىرادى. ۇشاق قۇلاعان جەردە ورنالاسقان ەكى ءۇي ورتەنىپ جاتىر", - دەدى سۆاروۆ. ول ۇيلەردە ادامدار بولدى ما, جوق پا - ازىرشە بەلگىسىز.
قازىر وقيعا ورنىندا توتەنشە جاعدايلار قىزمەتى تولىقتاي جۇمىس ىستەپ جاتىر. "ۇشاق باتىستان شىعىسقا قاراي قونباقشى بولدى, الايدا بەلگىسىز سەبەپتەرگە بايلانىستى ۇشقا وندا قونا الماي, سول اۋماقتا قايتا اينالدى. ۇشاق قۇلاعان كەزدە اۋەجاي اۋماعىندا قولايسىز اۋا رايى بايقالعان", - دەدى قۇتقارۋ ۆەدومستۆوسىنىڭ وكىلى. سونداي-اق, اۋەجاي وكىلى "ماناستىڭ" ادەتتەگى تارتىپتە جۇمىس ىستەپ جاتقانىن ايتتى. ەسكە سالا كەتەيىك, وسىعان دەيىن بىشكەك اۋەجايىندا ۇشاقتىڭ اپاتقا ۇشىراعانى حابارلانعان بولاتىن.
