ساباقتاستىق سوقپاعى

بوساعادان ەنگەن جاڭا جىلمەن بىرگە ەلىمىز بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى جۇمىسىن باستادى. قازاقستاننىڭ حالىقارالىق دەڭگەيدەگى ساياسي ميسسياسى بۇگىندە ابدەن ايقىندالعان, سونداي-اق الەمدىك قوعامداستىقتىڭ كوڭىلىنەن شىعىپ وتىرعانى بەلگىلى. مۇنىڭ باستاۋىن ءبىز سوناۋ تاۋەلسىزدىكتىڭ العاشقى جىلدارى ەل­با­سىنىڭ باتىل قابىلداعان شەشىم­دەرىنەن كورەمىز. ارينە, بۇل جاھاندى تىتىرەتكەن كەڭەس وداعى قۇلاعاننان كەيىنگى جاڭا مەملەكەتتىڭ قۋاتتى يادرولىق ارسەنالدان باس تارتۋى مەن سەمەي سىناق پوليگونىن تۇبەگەيلى جابۋى تۋرالى تولعاقتى شەشىمى بولاتىن. بيىلعى ەلىمىزگە جۇكتەلگەن ابىرويلى مىندەت وسى ساباقتاستىقتان تامىر تارتادى. ويتكەنى, وسى وقيعادان بەرى ءبىز جاھان جۇرتىن يادرولىق قارۋدان باس تارتۋعا شاقىرىپ كەلەمىز. ونىڭ ناقتى ءارى ناتيجەلى قادامدارى جاسالدى. اتوم قۋاتىن عىلىمي جانە بەيبىت ماقساتتا پايدالانۋ, الەمنىڭ باسقا ەلدەرىندەگى يادرولىق پوليگون وشاقتارىن جابۋ, يادرولىق قارۋعا قارسى ءىس-قيمىل كۇنىن بەكىتۋ سەكىلدى جانە باسقا دا ساياسي مامىلەگەرلىك جوبالاردىڭ باس­تاماشىسىنا اينالدىق. سونىمەن بىرگە, قازاق ەلىنىڭ بۇۇ سياقتى الەمدىك ۇيىمداعى وتە زور جاۋاپكەرشىلىكتى ارقالاۋى مەن ەلىمىزدىڭ اتالعان ۇيىمعا مۇشەلىگىنە 25 جىل تولۋىنىڭ قاتار كەلۋى دە كەزدەيسوقتىق ەمەس. بۇل قازاقستاننىڭ شيرەك عاسىردا مەملەكەت باسشىسى نۇرسۇلتان نازارباەۆتىڭ كوشباسشىلىعىمەن ىشكى جانە سىرتقى ساياساتتا قول جەتكىزگەن ءتيىمدى جەتىستىكتەرىنىڭ باعاسى ىسپەتتەس اسەر قالدىرادى. ەلباسىنىڭ بىرىككەن ۇلتتار ۇيى­مى­نىڭ قاۋىپسىزدىك كەڭەسىنە جول­داعان ساياسي ۇندەۋى قازاقستان­نىڭ تۇجىرىمدامالىق كوزقاراسىن تاعى دا ايشىقتاي ءتۇستى. بۇل ءۇن­دەۋ­دە ەلباسى ەلىمىزدىڭ بۇۇ قاۋىپ­سىزدىك كەڭەسى تۇراقتى ەمەس مۇشەسى رەتىندەگى وكىلەتتىلىكتەرىنىڭ باستا­لۋىنا وراي قاۋىپسىز, ءادىل جانە ءور­كەندەگەن الەم قۇرۋ ءۇشىن جاھان­دىق ارىپتەستىكتى كۇشەيتۋگە كۇش سالاتىنىن جەتكىزە كەلىپ, ناقتى ءىس-قيمىل باعىتتارىن جۇزەگە اسى­رۋعا ۇمتىلاتىنىن اتاپ كورسەتىپ وتىر. ماسەلەن, جوعارىدا ايتقا­نى­مىزداي, قازاقستان جەر پلانەتاسىندا يادرولىق جويقىن قارۋ­دان باس تارتقان العاشقى ەل رەتىن­دە اتالعان قارۋدى تاراتپاۋ تۋرالى ۇستانىمىن بەكەمدەي تۇسپەك. بۇل رەتتە يران مەن كورەي تۇبەگى ەلدەرىنىڭ يادرولىق باعدارلامالارى بويىنشا جانە الەمنىڭ وتتى وشاقتارىنداعى قاقتىعىستاردى  توقتاتۋ بويىنشا ناقتى جۇمىستار جۇرگىزىلەتىن بولا­دى. سونداي-اق, ورتالىق ازياداعى بەيبىتشىلىكتى نىعايتۋعا, اۋعان­ستان­داعى جاعدايدى وڭالتۋعا اتسالىسىپ, تەرروريزم مەن ەكسترەميزمگە قارسى كۇرەس سياقتى وتە وزەكتى ماقسات-مىندەتتەردى جۇزەگە اسىرماق. ەڭ باستىسى, بيىل ەلىمىزدە بۇكىل الەم كوز تىگىپ وتىرعان ەكسپو كورمەسى وتەدى. بۇل قازاقستاننىڭ الەمگە دامۋ تۇراقتىلىعىن قالىپ­تاستىرۋ باعىتىنداعى ناقتى ءىس-ارە­كەتىنىڭ ءبىر كورىنىسى بولماق. مىنە, قازاق ەلى عاسىرلار بويى قالىپ­تاسقان ءداستۇر-سالتى مەن ۇلتتىق بولمىسى سىندى ءححى عاسىر­داعى جاڭا ماقسات-مۇراتتارىن دا ىزگىلىكپەن ۇشتاستىرىپ وتىر. ءويت­كەنى, تۇراقتىلىق – قاي ۋاقىتتا دا دامۋ كەپىلى. ايتا كەتكەن ابزال, س.امانجولوۆ اتىنداعى شىعىس قازاقستان مەملە­كەتتىك ۋنيۆەرسيتەتىنىڭ وقى­تۋشى-پروفەسسورلار قۇرامى مەن ستۋدەنتتەر قاۋىمى ەلىمىزدىڭ جاڭا ساياسي ماقسات-مىندەتتەرىن ءار­دايىم سەرگەكتىكپەن قابىل الىپ, ءتۇرلى ءىس-شارالاردىڭ ارقاۋى ەتىپ كەلەدى. بۇل رەتتە ۋنيۆەرسيتەت جانىنداعى نازارباەۆتانۋ ورتا­لىعىندا القالى باسقوسۋلار, كەلەلى ماجىلىستەر مەن عىلىمي-ءتا­جى­ريبەلىك كونفەرەنتسيا­لار, تاقى­رىپتىق سەمينارلار مەن ءدارىس­تەر ءجيى وتكىزىلىپ تۇرادى. الىبەك قۋاندىقوۆ, س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ رەكتورى, ەكونوميكا عىلىمدارىنىڭ دوكتورى