مايبۇرشاقتان پايدا مول

تۇگىن تارتساڭ مايى بىرگە شىعا­تىن جەتىسۋ جەرىندە بەرەكەسىن تاسىتا ونەتىن ءونىمنىڭ ءبىرى – ماي­بۇر­شاق. قۇنارلى توپىراقتا ءوزىن­دىك قۇرامىن تولىق ساقتاي ءوسى­رى­لەتىن مايلى داقىلعا رىنوك سۇرانىسى جىلدان-جىلعا ارتۋ­دا. سوندىقتان الماتى وبلىسى, كوكسۋ اۋدانى, تەرەكتى اۋىلىندا يندۋس­تريالاندىرۋ كارتاسى شەڭ­بەرىندە مايبۇرشاق سىعۋ زاۋىتىنىڭ نەگىزى قالانىپ, 2012 جىلى «ۋىز ماي Industry» جاۋاپكەرشىلىگى شەكتەۋلى سەرىكتەستىگى بولىپ قايتا قۇرىلعان ەدى. راس, العاشقى جىلدارى جەتە كوڭىل بولىنبەگەندىكتەن ءوندىرىس ور­نى تاسباقا اياڭمەن جۇمىسىن ءجۇر­گىزە بەرگەن. بىراق ۋاقىت تالا­بى­­نا ساي وڭىردەگى شارۋا قوجا­لىق­­تارى مايلى داقىل سەبەتىن ا­ل­قاپ­تارىن ۇلكەيتكەن سايىن ءونىم بەرە­كەلىلىگى ارتتى. زاۋىت العا­شىن­دا 2 ملرد تەڭگەگە جۋىق قارا­جات­قا قىتاي ەلىندە جاسالعان ماي سى­عاتىن قوندىرعىنى اكەلىپ ىسكە قوس­قان ەدى. قالاي دەسەك تە, تەح­ني­كا­نىڭ اتى تەحنيكا ەمەس پە. قۇداي ءساتىن سالىپ ءجۇرىپ بەردى. ءناتي­جە­سىندە بىلتىرعى جىلى 4675,7 ملن تەڭگەگە 4469 توننا تو­­لىق مايلى مايبۇرشاق, 3272 تون­­نا مايبۇرشاق مايى, 20333 تون­­نا مايبۇرشاق شروتى وسى ءون­د­ىرىس ور­نىنان شىعارىلدى. نەگىز­گى تۇ­تىنۋ­­­شىلارى الماتى قالا­سىن­داعى «اپەل اگرو», وسكەمەن قۇس فاب­ريكاسى, شىعىس قازاقستان و­ب­لى­سىن­داعى ۇن تارتاتىن قۇراما­جەم كومبيناتى, پەتروپاۆل قالا­سىن­داعى برويلەر فابريكاسى بولىپ تابى­لادى. اتالعان ۇجىمدارمەن زاڭ­ناما تالابىنا ساي كەلىسىمشارت جاسالعان. «جىل سايىن 36 مىڭ توننا مايبۇرشاق ءونىمىن وڭدەپ, ساتۋ­دامىز. مايبۇرشاق مايىنىڭ ءبىر تونناسىن – 300 000 تەڭگەگە, ال شروت­­تىڭ ءار تونناسىن 200 000 تەڭ­گەگە باعالاعان. جالپى, زاۋى­­تى­­مىز­­دىڭ قۋاتتىلىعى ءبىر جىل­دا 60 مىڭ توننا ءونىم وڭدەۋ­گە جەتەدى. بىراق شيكىزات جەتىس­پەي­دى», دەدى «ۋىز ماي Industry» جاۋاپكەرشىلىگى شەكتەۋلى سەرىك­تەس­تىگى ديرەكتورىنىڭ ورىنباسارى قاناعات بوسقانوۆ. قالدىقسىز ءونىم ءتۇرى بولىپ سانا­لاتىن مايبۇرشاقتان بار­لىعى 18 پايىز ماي سىعىلىپ الى­نادى. ودان قالعانى قۇس, ءىرى جانە ۇساق مالدارعا ارنالعان جەم ءونىمى – مايبۇرشاق شروتى دەپ اتالادى. مايبۇرشاق شروتى­نىڭ 100 گرامىندا 40 پايىز اقۋىز, 15 پايىز مايلىلىق ساقتا­لا­تىن­دىق­تان, ارنايى دايىندالاتىن قۇس ازى­­عىنىڭ 30-35 پايىزىن ماي­بۇر­شاق شروتى قۇراپ, قالعانىنا وزگە ءداندى داقىلدار قوسىلادى. مۇن­­­داي جەممەن قورەكتەنەتىن بروي­­لەر بالاپاندارى 35 كۇندە ءوسىپ, جە­تى­لىپ, پايدالانۋعا دايىن بولادى. «ۋىز ماي Industry» جشس-ءنىڭ جالپى ينۆەستيتسيالار كولەمى 2010 جىلى 315 ملن تەڭگە بولسا, ەكىن­شى كەزەڭدە بۇل سوما 502,3 ملن تەڭ­گەگە كوتەرىلدى. جىلدان-جىلعا سالى­نا­تىن قاراجات كولەمى وسكەن سا­يىن قۋاتتىلىعى دا ارتىپ, 2010 جىل­عى 16 مىڭ توننادان بىلتىر 36 مىڭ تونناعا جەتىپ وتىر. ءوندىرىس ور­نىن­دا تۇراقتى جۇمىس ورنىمەن قام­تىل­عان 120 ادامنىڭ ورتاشا اي­لىق جالاقىلارى 75 مىڭ تەڭگە دەپ ناق­تىلانعان. ال كاسىپورىن دامۋى­نىڭ ءۇشىنشى كەزەڭىندە ءوسىم­دىك مايىن دەزودوراتسيالاۋ جانە رافي­ناد­­تاۋ جەلىسىن ىسكە قوسۋ, ءتورتىن­­شى كەزەڭىندە مارگارين جانە سپرەد شىعاراتىن جەلىنى ىسكە قوسۋ, بەسىن­شى كەزەڭدە تومات سىقپا­سىن شى­عا­را­تىن زاۋىتتى ىسكە قوسۋ بەلگىلەنگەن. نۇربول الدىباەۆ, «ەگەمەن قازاقستان» الماتى وبلىسى