اتىراۋدىڭ الاۋىن الماتىعا جەتكىزەدى

اتىراۋ وبلىسىن ارالاپ وتەتىن ۋنيۆەرسيادا الاۋىن الماتىعا جەتكىزۋ بوكسشى ستۋدەنت نازىم يششانوۆاعا تاپسىرىلدى. ونىڭ مۇنداي ميسسيا اتقارۋى كوپ تولعاۋدان سوڭ تاڭداپ الىندى. ەلىمىزدىڭ سپورتسۇيەر قاۋى­مىنا نازىمنىڭ ەسىمى جاق­سى تانىس. ول ۆەتنامدا وتكەن ايەل­دەر اراسىنداعى ازيا چەم­پيو­ناتىندا قولا جۇلدە­گەر اتانعان. بۇعان قوسا, قازاق­ستان­نىڭ ءتورت دۇركىن چەمپيونى, حالىقارالىق جارىستاردىڭ جەڭىمپازى. اتىراۋ وبلىسىندا الاۋ ەس­تا­فەتاسى 27 قاڭتار كۇنى وتە­تىن بولىپ بەلگىلەنگەن. ول ەكى ساتى­دان تۇرادى. الاۋ­گەر­لەر­دىڭ ءبىرىنشى توبى اتىراۋ مەم­لەكەتتىك مۇناي جانە گاز ۋني­ۆەر­سيتەتىنەن ماحامبەت اتىن­داعى دراما تەاترىنا دەيىن ءجۇ­رىپ وتسە, ەكىنشى توپ دراما تەات­­رى­نان ح.دوسمۇحامەدوۆ اتىن­­داعى اتىراۋ مەملەكەتتىك ۋني­ۆەر­سي­تەتىنە دەيىنگى باعىتتا بارادى. ۋنيۆەرسيادا الاۋىن الىپ جۇرە­تىندەر قاتارىندا وب­لىس­تىڭ بۇرىنعى جانە قازىرگى تانى­مال سپورتشىلارى, وقۋ وزات­تارى, ۇزدىك ستۋدەنتتەر جانە قوعام بەلسەندىلەرى بار. ولار ح.دوسمۇحامەدوۆ اتىن­داعى اتىراۋ مەملەكەتتىك ۋني­ۆەرسي­تە­تى­نىڭ الدىندا الاۋدى نازىم يششا­نو­ۆاعا تابىس ەتەتىن بولادى. ونى قابىلداپ العان نازىم 29 قاڭتاردا الماتىدا وتەتىن ءدۇ­نيە­جۇزىلىك قىسقى ۋنيۆەرسيادانىڭ اشىلۋىنا اتىراۋ وبلىسىنىڭ اتىنان قا­تىسادى. ءسويتىپ, ءار وبلىستان تاڭدالعان 16 الاۋ كوتەرۋشى ۋنيۆەرسيادا تورىندە الاۋدى ءبىر توستاعاندا بىرىكتىرەدى. ۋنيۆەرسيادا الاۋى قازاق­ستان­نىڭ 22 مىڭ شاقىرىمدىق اتى­رابىن كوكتەي وتەدى. ونىڭ 200 شاقى­رىمىندا الاۋدى ادامدار الىپ ءجۇرىپ وتەدى دەپ جوسپارلانىپ وتىر. جولداسبەك شوپەعۇل, «ەگەمەن قازاقستان» اتىراۋ