وڭاي ولجا وپىندىردى

سوڭعى كەزدەرى وڭاي ولجا­عا باتۋعا قۇمارلار قاتارى كوبەيىپ بارادى. ءتىپتى, «بىرەۋ­­دىڭ الا ءجىبىن اتتاما», «كىسى اقى­سىن جەمە» دەيتىن ۇلكەن­دەر­دىڭ ناقىلى اياق استى بو­لىپ قالعانداي قازىر. كۇن سا­يىن «جەپ قويىپتى, وبىپ كەتىپ­تى» دەگەن حاباردى ەستيسىڭ, ءاي­تەۋىر. «تۇيەنى تۇگىمەن» جۇت­سا دا قاقالمايمىن دەپ وي­لاي­دى-اۋ دەيمىن ولار. ءبى­راق, ءتۇپ­تىڭ-تۇبىندە ەڭبەكسىز تابىس­تىڭ ەڭسەڭدى باساتىنى انىق. ءسوي­تىپ, ۇستالىپ, قولعا كى­سەن سالىن­عاندا عانا وپىق جەپ جاتا­تىن­د­ا­رىن قايتەرسىڭ, شىركىندەردىڭ. مۇعالجار اۋداندىق سوتى وسىنداي وڭاي وجاعا كەنەلمەك بولعان «قاندىاعاش مۇناي ونىمدەرى» LTD» جشس-نىڭ ديرەكتورى ايبات سۋسينوۆكە ۇكىم شىعاردى. 30 جاستاعى كاسىپورىن باسشىسى وزىنە سەنىپ تاپسىرىلعان بوتەن م ۇلىكتى يەمدەنگەنى ءۇشىن ايىپتى بولىپ وتىر. سوت ماتەريالدارىنان بەلگىلى بولعانداي, ول 2015-2016 جىلدارى 3,3 مىڭ توننا مۇناي ۇرلاعان. ديزەل وتىنى مەن جانار-جاعارماي مۇناي قويماسىنان «كاماز» اۆتوكولىكتەرىنە ەش كەدەرگىسىز تيەلىپ, شىعارىلىپ وتىر­عان. كاسىپورىن باسشىسى جۇمىسشىلارىنا ۇرلانعان «قارا التىندى» جۋرنالعا تىركەمەۋ جونىندە تاپسىرما بەرىپ كەلىپتى. سالدارىنان كاسىپورىن قۇرىلتايشىسى «قازمۇنايگاز ونىمدەرى» جشس-نا 445 ميلليون تەڭگە­دەن استام شىعىن كەلتىرىلگەن. قىلمىستىق كودەكستىڭ 189-بابىنىڭ 4-بولىگىمەن ايىپ تاعىلعان سەرىكتەستىك ديرەك­تورى ايبات ءسۋسينوۆتىڭ ءمۇل­كى تاركىلەنىپ, 7 جىلعا سوت­تال­دى. سونداي-اق, ول كوم­مەر­تسيالىق ۇيىمداردا ماتە­ريال­دىق جاۋاپكەرشىلىگى بار لاۋا­زىم­داردى اتقارۋ قۇقىعىنان ءومىر بويىنا ايىرىلدى. «قاسقىرعا قوي باق­تىر­عانداي» دەپ وسىندايدا ايتسا كەرەك. ساتىبالدى ءساۋىرباي, «ەگەمەن قازاقستان» اقتوبە وبلىسى, مۇعالجار اۋدانى