ستاتسيونارلىق ساحنا بوي كوتەرەدى

ماڭعىستاۋ وبلىستىق ءماد­ە­ني­ەت باسقارماسىنىڭ باسشىسى ب.با­زار­­­باەۆتىڭ ايتۋىنشا, اقتاۋ قا­لا­سىنىڭ 4 جانە 15 شاعىن­ ­اۋ­دان­­دار تۇسىنداعى تەڭىز جاعا­­لا­­ۋى­نان سالىناتىن ەكى نىسان­نىڭ قۇنى 260 ملن تەڭگەنى قۇرايدى. ماڭعىستاۋ وبلىسى مەن وبلىس ورتالىعى – اقتاۋ قالاسىنىڭ باستى شارالارى وتەدى دەپ جوسپارلانعان جوباعا ساي, نىساننىڭ جەرتولە قاباتىندا ارتىستەر ءۇشىن گريمەرلىك بولمە مەن كوستيۋمدەر بولمەسى ورنالاسادى, سونداي-اق, ساحنا الدىنداعى الاڭدا كورەرمەندەر ءۇشىن ورىندار قارالعان. – قازىرگى تاڭدا 15 شاعىن اۋدانداعى ساحنا قۇرىلىسىنىڭ جوبالىق-سمەتالىق قۇجاتتارى دايىندالدى, ەكىنشى جوبانىڭ قۇجاتتارىن دايىنداۋ جۇمىستارى باس­تالۋدا. قاراجات بولىنىسىمەن, قۇرىلىس جۇمىستارى باستالادى, – دەيدى باسقارما باسشىسى. قازىر ءاربىر شارانى وتكىزۋ ءۇشىن ساحنانى تاسىمالداۋ, ونى قۇرۋ جانە جيناۋ, تاعى دا باسقا قاجەتتى جۇمىستارعا جارتى ميلليونعا جۋىق اقشا جۇمسالادى ەكەن. ستاتسيونارلىق ساحنا شىعىندى اقتايدى جانە تيىسىنشە قىسقارتادى دەپ وتىر ماماندار. قۇرىلىس اياقتالعان سوڭ ساحنا جوبانىڭ تاپسىرىس بەرۋشىسى بولىپ تابىلاتىن  اقتاۋ قالالىق اكىمدىگىنىڭ قۇزىرىنا بەرىلەتىن بولادى. اقتاۋدا وتەتىن ءىرى شارالاردا تەڭىز جاعاسىنداعى الاڭداردا ىعى-جىعى حالىقپەن بىرگە, ارتىستەردىڭ كيىنىپ-شەشىنۋىنە جانە گريمەرلەنۋىنە اۆتوبۋستار قىزمەت ەتەتىن. حالىقتىڭ ەركىن ءجۇرىپ-تۇرۋىنا كەدەرگى كەلتىرەتىن اۆتوبۋستار شوعىرىن ەندى ستاتسيونار ساحنالار الماستىراتىنى قۋانتادى. بۇل – قارجىلىق ۇنەمدەۋ جاعىن ايتپاعاندا,  حالىق ءۇشىن دە, ارتىستەر ءۇشىن دە قۋانىشتى جاڭالىق. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى