ەكسپو الەمىن ارالادى

قازىر ەكسپو-2017 حالىقارالىق كورمەسى جاقىنداعان سايىن, ۇلكەننىڭ دە, كىشىنىڭ دە ول تۋرالى بىلسەم دەگەن ىنتىزارى مول. جەرگىلىكتى فوتوگراف, قازاقستان جۋرناليستەر وداعىنىڭ مۇشەسى گەورگي شاپوۆالوۆ «ەكسپو الەمى» اتتى كوركەم فوتوگرافيالار كورمەسىن اشقاندا جەرلەستەرىنىڭ وسى تىلەگىن قاپەرگە الىپتى. گ.شاپوۆالوۆتىڭ كوشپەلى فوتو كورمە­سىن­دە ول دايىنداعان جيىرمادان استام سۋرەت بار. ونىڭ بارلىعى دا وركەنيەتتىڭ وسكەنىن بىلدىرەتىن وسىناۋ حالىقارالىق كورمەنىڭ تاريحىنان سىر شەرتەدى. كورمەنى الدىمەن قوستاناي قالاسىنداعى ى.التىنسارين اتىنداعى دارىندى بالالارعا ارنالعان مەك­تەپ-ينتەرناتتىڭ وقۋشىلارى تاماشالادى. استانادا «بولاشاق ەنەرگياسى» دەگەن اتپەن 10 ماۋسىم مەن 10 قىركۇيەك اراسىندا 100 ەلدىڭ قاتىسۋىمەن وتەتىن الەمدىك كورمە قازاقستاندى جەر جۇزىنە تانىتا تۇسەرى حاق. «ەكسپو الەمى» فوتوسۋرەت كورمەسىنە ءار جىلدارى, ءار زاماندا وتكەن كورمەنىڭ سول ۋاقىتتىڭ سيمۆولىنا اينالعان ايگىلى تۇستارى تاڭدالىپ الىنىپتى. ەڭ ءبىرىنشى لوندوندا وتكەن كورمە – گاۋھار ساراي, ءپاريجدىڭ بەت بەينەسىندەي ەيفەل مۇناراسى, استانا پاۆيلونى سەكىلدى ەكسپو تاماشالارىن كورەرمەن تاپجىلماي تاماشالايدى. وبلىستىق تاريحي-ولكەتانۋ مۋزەيى مامان­دارىنىڭ باستاماسىمەن ۇيىم­داستىرىلعان بۇل كوشپەلى كورمەنىڭ كورەرمەندەر ءۇشىن تا­نىمدىق, اعارتۋ­شىلىق تا ماڭىزى زور بولدى. ءنازيرا جارىمبەتوۆا, «ەگەمەن قازاقستان»  قوستاناي