اقوردادا قازاقستان رەسپۋبليكاسى پرەزيدەنتىنىڭ شەشىمىمەن قۇرىلعان مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى جۇمىس توبىنىڭ العاشقى وتىرىسى بولىپ ءوتتى, دەپ حابارلادى پرەزيدەنتتىڭ ءباسپاسوز قىزمەتى.
جۇمىس توبى مۇشەلەرى ۇيىمداستىرۋ ماسەلەلەرىن تالقىلادى. بيلىك وكىلەتتىكتەرىن قايتا ءبولۋ جونىندەگى ۇسىنىستاردى ازىرلەۋ بارىسىندا جيناقتالعان وتاندىق جانە شەتەلدىك تاجىريبە, قولدانىستاعى زاڭنامانىڭ جانە قازاقستان رەسپۋبليكاسى كونستيتۋتسياسىنىڭ نورمالارىن قولدانۋ پراكتيكاسى زەردەلەنىپ, تالداۋ جاسالادى.
جۇمىس توبىنىڭ قىزمەتىنە زاڭگەر, عىلىمي-ساراپتامالىق قاۋىمداستىعى, سونداي-اق قالىڭ جۇرتشىلىق بەلسەنە تارتىلاتىن بولادى.
مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى جۇمىس توبىنىڭ مۇشەلەرى.
- جاقسىبەكوۆ ادىلبەك رىسكەلدى ۇلى – قازاقستان رەسپۋبليكاسى پرەزيدەنتى اكىمشىلىگىنىڭ باسشىسى, جۇمىس توبىنىڭ جەتەكشىسى.
- اسانوۆ جاقىپ قاجمان ۇلى – قازاقستان رەسپۋبليكاسىنىڭ باس پروكۋرورى.
- بەكەتاەۆ مارات باقىتجان ۇلى – قازاقستان رەسپۋبليكاسىنىڭ ادىلەت ءمينيسترى.
- گروموۆ سەرگەي نيكولاەۆيچ – قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى.
- دوناقوۆ تالعات سوۆەتبەك ۇلى – قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى.
- جالايري ءومىرالى شاقاراپ ۇلى – د.ا. قوناەۆ اتىنداعى ەۋرازيالىق زاڭ اكادەمياسىنىڭ رەكتورى.
- يسيمباەۆا گۇلميرا يستايبەكقىزى – قازاقستان رەسپۋبليكاسى پارلامەنتى ءماجىلىسى ءتوراعاسىنىڭ ورىنباسارى.
- قاۋدىروۆ تولەش ەردەن ۇلى – قازاق گۋمانيتارلىق زاڭ ۋنيۆەرسيتەتى ازاماتتىق-قۇقىقتىق زەرتتەۋلەر عىلىمي-زەرتتەۋ ينستيتۋتىنىڭ ديرەكتورى.
- ءمامي قايرات ابدىرازاق ۇلى – قازاقستان رەسپۋبليكاسى جوعارعى سوتىنىڭ توراعاسى.
- مۇقاشەۆ راقمەت جەلدىباي ۇلى – «قازاقستان زاڭگەرلەر وداعى» رەسپۋبليكالىق قوعامدىق بىرلەستىگىنىڭ توراعاسى.
- روگوۆ يگور يۆانوۆيچ – قازاقستان رەسپۋبليكاسى كونستيتۋتسيالىق كەڭەسىنىڭ توراعاسى.
- فەدوتوۆا زينايدا لەونتەۆنا – قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەميياسىنىڭ پروفەسسورى.
