نازارباەۆ ءابۋ-ءدابيدىڭ تاق مۇراگەرىمەن كەزدەستى

قر پرەزيدەنتى نۇرسۇلتان نازارباەۆ بىرىككەن اراب امىرلىگىنە رەسمي ساپارى بارىسىندا ءابۋ-دابي امىرلىگىنىڭ تاق مۇراگەرى, ءباا قارۋلى كۇشتەرى جوعارعى باس قولباسشىسىنىڭ ورىنباسارى, شەيح مۇحاممەد بەن زايد ءال ناھايانمەن كەزدەستى, دەپ حابارلادى اقوردانىڭ ءباسپاسوز قىزمەتى. كەزدەسۋ بارىسىندا قازاقستان پرەزيدەنتى مەن ءابۋ-ءدابيدىڭ تاق مۇراگەرى ەكى ەلدىڭ ساۋدا-ەكونوميكالىق, ينۆەستيتسيالىق, ەنەرگەتيكالىق, مادەني-گۋمانيتارلىق سالالارداعى ەكىجاقتى ىنتىماقتاستىق ماسەلەلەرى تۋرالى ايتتى. سونىمەن قاتار حالىقارالىق كۇنتارتىبىندەگى وزەكتى ماسەلەلەردى تالقىلادى. كەڭەيتىلگەن قۇرامداعى كەلىسسوزدەردىڭ ناتيجەسىندە بىرقاتار قۇجاتقا قول قويىلدى: - قازاقستان رەسپۋبليكاسى ۇكىمەتى مەن بىرىككەن اراب امىرلىكتەرى ۇكىمەتى اراسىندا قر-نىڭ ءباا-دەگى جانە ءباا-ءنىڭ قازاقستانداعى ەلشىلىكتەرىنىڭ قاجەتتىلىگى ءۇشىن استانا مەن ءابۋ-دابي قالالارىندا جەر تەلىمدەرىن قايتارىمسىز نەگىزدە ءوزارا ۇسىنۋ تۋرالى كەلىسىم; - قازاقستان رەسپۋبليكاسى ۇكىمەتى مەن بىرىككەن اراب امىرلىكتەرى ۇكىمەتى اراسىندا ديپلوماتيالىق تولقۇجاتقا يە ازاماتتاردىڭ ءوزارا ۆيزاسىز ساپارلارى تۋرالى كەلىسىمگە وزگەرتۋلەر ەنگىزۋ تۋرالى حاتتاما; - قر ءدىن ىستەرى جانە ازاماتتىق قوعام مينيسترلىگى مەن بىرىككەن اراب امىرلىكتەرى يسلام ءىسى جانە ۆاكۋف جونىندەگى باس اگەنتتىگى اراسىندا ءوزارا تۇسىنىستىك تۋرالى مەموراندۋم; - «استانا ەكسپو-2017» مەن «ەكسپودۋباي 2020» بيۋروسى اراسىندا ءوزارا تۇسىنىستىك تۋرالى مەموراندۋم; - ماڭعىستاۋ وبلىسى اكىمدىگى مەن DP World FZE  اراسىندا ءوزارا تۇسىنىستىك تۋرالى مەموراندۋم; - قر سىرتقى ىستەر مينيسترلىگى مەن بىرىككەن اراب امىرلىكتەرى اراسىندا كونسۋلدىق ماسەلەلەر بويىنشا بىرلەسكەن كوميسسيا قۇرۋ تۋرالى  ءوزارا تۇسىنىستىك تۋرالى مەموراندۋم; - قر ينۆەستيتسيالار جانە دامۋ مينيسترلىگى مەن بىرىككەن اراب امىرلىكتەرى ەكونوميكا مينيسترلىگى اراسىندا تۋريزم سالاسىنداعى ءوزارا تۇسىنىستىك تۋرالى مەموراندۋم; - قر ينۆەستيتسيالار جانە دامۋ مينيسترلىگى مەن ءباا جەر ءۇستى جانە سۋ كولىگى فەدەرالدى اگەنتتىگى اراسىندا حالىقارالىق جولاۋشىلار مەن جۇكتەردى اۆتوكولىكتەرمەن تاسىمالداۋ تۋرالى مەموراندۋم راسىمدەلدى.