ۋنيۆەرسيادا كەزىندە دوپينگتى باقىلاۋ قىزمەتىنە 35 ينسپەكتور تارتىلدى

2017 جىلعى دۇنيەجۇزىلىك قىسقى ۋنيۆەرسيادانىڭ دوپينگكە قارسى جۇيەسىن قۇرۋ بويىنشا تاجىريبەسى باسقا حالىقارالىق سپورت جارىستارىن وتكىزۋدە قولدانىلۋى مۇمكىن, دەپ حابارلايدى ۋنيۆەرسيادانىڭ رەسمي سايتى. ۋنيۆەرسيادانىڭ دوپينگكە قارسى كۇرەس جۇمىستارىن قامتاماسىز ەتۋ ءۇشىن ارنايى دايىندالدى. جارىستار كەزىندە قازاقستان رەسپۋبليكاسىنىڭ دوپينگكە قارسى ۇلتتىق ورتالىعىنىڭ تاجىريبەلى قىزمەتكەرلەرى جۇمىس ىستەيدى. سونداي-اق, ورتالىق ازيادان بىلىكتى ماماندار شاقىرىلادى. وسىلايشا قىسقى ۋنيۆەرسيادا كەزىندە دوپينگتى باقىلاۋ قىزمەتىنە 35 ينسپەكتور مەن 54 جەتەكشى تارتىلادى. 2017 جىلعى دۇنيەجۇزىلىك قىسقى ۋنيۆەرسياداعا دايىندالۋ جانە وتكىزۋ جونىندەگى ديرەكتسيانىڭ مەديتسينالىق قامتاماسىز ەتۋ جانە دوپينگتى باقىلاۋ دەپارتامەنتى FISU مەديتسينالىق كوميتەتىمەن بىرلەسە وتىرىپ, دۇنيەجۇزىلىك قىسقى ۋنيۆەرسيادا كەزىندە دوپينگتى باقىلاۋ ءراسىمىن وتكىزۋگە ارنالعان جوسپاردى, سونداي-اق, FISU ەرەجەلەرىنە سايكەس سپورتشىلاردى تەستىلەۋدى ۇلەستىرۋ جوسپارىن دايىندادى. دوپينگ باقىلاۋ قىزمەتىنىڭ جۇمىسىن جۇزەگە اسىرۋ ماقساتىندا جالپى العاندا 10 دوپينگ باقىلاۋ بەكەتى ۇيىمداستىرىلدى: 9 بەكەت 8 سپورتتىق نىساندا (سىنامالاردىڭ سانى مەن ورنالاسقان جەرىن ەسكەرە وتىرىپ, ءبىر سپورتتىق وبەكتە 2 بەكەت ۇيىمداستىرىلادى), 1 بەكەت اتلەتتەر اۋىلىندا ورنالاسادى. بارلىق بەكەتتەردىڭ جۇمىسىنا مونيتورينگ جاساۋ جانە ۇيلەستىرۋ ماقساتىندا اتلەتتەر اۋىلىنداعى مەديتسينالىق ورتالىق جانىندا دوپينگكە باقىلاۋ جۇرگىزەتىن كوماندالىق ورتالىق قۇرىلادى. دوپينگكە قارسى تالداۋ دۇنيەجۇزىلىك دوپينگكە قارسى اگەنتتىكتىڭ (WADA) اككرەديتتەۋىنەن وتكەن اۆستريانىڭ دوپينگكە قارسى زەرتحاناسىندا جۇرگىزى