اسكەري-تەڭىز كۇشتەرىنىڭ كورابلدەرى كاسپي تەڭىزىنە شىعارىلادى

قازاقستان اسكەري-تەڭىز كۇشتەرىنىڭ ارتەكتى كورابلدەرىنىڭ ديۆيزيونىندا كۋرستىق تاپسىرمانى پىسىقتاۋ, ياكي كورابلدەردى ۇرىس پەن جورىققا ازىرلەۋ باستالدى. بۇل تۋرالى قر قورعانىس مينيسترلىگىنىڭ ءباسپاسوز قىزمەتىنەن حابارلادى. كۋرستىق تاپسىرماعا «سارىارقا», «قازاقستان» «ورال» زىمىران-ارتيللەريالىق كورابلدەرى جانە «جايىق» گيدروگرافيالىق كەمەسى قاتىسادى. كۋرستىق تاپسىرما بار-جوعى ءۇش ەلەمەنتتى قامتيدى: كۇندەلىكتى ۇيىمداستىرۋ, جاۋىنگەرلىك ۇيىمداستىرۋ جانە كورابلدى ۇرىس پەن جورىققا دايىنداۋ بولىپ تابىلادى. 21814 اسكەري ءبولىمى كومانديرىنىڭ جاۋىنگەرلىك جانە دەنە دايارلىعى جونىندەگى ورىنباسارى 3-دارەجەلى كاپيتان رۋستام ءجۇنىسوۆتىڭ ايتۋىنشا, ەكيپاج كورابلدەردى باپتاۋ, قارۋ مەن تەحنيكالىق قۇرالداردى پايدالانۋ, كورابلدى, ارنايى كەزەكشىلىك جانە ۆاحتالىق قىزمەتتەردى ۇيىمداستىرۋ, قارۋدىڭ بارلىق تۇرلەرىنىڭ وق-دارىلەر جيىنتىعىن, جارىلعىش, ۋلى جانە ورتكە قاۋىپتى زاتتاردى قابىلداۋ, ورنالاستىرۋ, كۇندەلىكتى باپتاۋ جانە پايدالانۋ ماسەلەلەرىن رەگلامەنتتەيتىن قۇجاتتاردى ازىرلەۋمەن اينالىساتىن بولادى. ودان باسقا, كۋرستىق تاپسىرمانى پىسىقتاۋ شەڭبەرىندە كورابلدى, جاۋىنگەرلىك بولىكتى, بولىمشەنى, تۇراقتاعى بارلىق كورابلدى كەستەلەر بويىنشا جەكە قۇرامنىڭ ءىس-ارەكەتتەرىن باسقارۋ سۇراقتارىن زەردەلەۋ قاراستىرىلعان. اسكەري-تەڭىز كۇشتەرىندە كۋرستىق تاپسىرمانى تاپسىرۋ ءسۋۇستى كورابلدەر مەن قوسالقى كەمەلەردى جاۋىنگەرلىك تۇرعىدا دايىنداۋدىڭ نەگىزگى ەلەمەنتى بولىپ تابىلادى. اتالعان ساباقتار ءجيى وتكىزىلىپ تۇرادى. سەبەبى, ءاربىر اسكەري كورابلدە جورىققا دايىنداۋدىڭ وزىندىك ەرەكشەلىكتەرى بولادى. ونى جەكە قۇرام جىلدان جىلعا جەتىلدىرىپ تۇرعانى ابزال.