قازاقستاندا «Hanum سollection» قول سومكەلەرى شىعارىلا باستادى

قازاقستاننىڭ بەلگىلى سانگەرى حانۋم ايداش الەمدىك تانىمال برەندپەن العاش رەت جوعارى ساپاداعى قول سومكەلەر شىعارۋدى باستادى, دەپ جازادى abctv.kz. ناقتىراق ايتقاندا, Prada, Gucci, Debenhams, Whistless, ناۋks and Spencer سىندى كەڭىنەن بەلگىلى برەندتەرمەن ىنتىماقتاستىقتا جۇمىس ىستەيتىن تۇركيانىڭ «Desa» زاۋىتى اراسىندا كوپىر ورناتىپ, اتالعان برەندتەر ساپاسىنان كەم ەمەس قازاقستاندىق «Hanum سollection» برەندىمەن ايەلدەرگە ارنالعان قول سومكەلەرىن شىعارۋ مۇمكىندىگىنە يە بولدى. سانگەر مۇنى جاڭا جىلداعى قازاقستاندىق ءسان الەمىنىڭ ەڭ ۇزدىك وقيعاسى دەپ سانايدى. ويتكەنى ول ءبىرىنشى بولىپ الەمگە ايگىلى اتالعان كاسىپورىنمەن كەلىسىم ورناتىپ, تۇڭعىش رەت قازاقستاندىق برەند اتاۋىمەن ساپالى سومكە شىعارۋعا جول اشتى. ازىرگە ءبىر-بىرىنە ۇقسامايتىن 12 دانا سومكە جاسالىپتى. ونىڭ التاۋى سومكەنىڭ العاشقى تانىستىرىلىمىندا ساتىلىپ كەتكەن. سومكە قۇنىنا كەلسەك, ونى كەز-كەلگەننىڭ قالتاسى كوتەرە بەرمەسى انىق. دەگەنمەن حانىم ايداشتىڭ ايتۋىنشا, قازاقستاننىڭ 20-30% ايەلدەرى وسىنداي جوعارى ساپاداعى تانىمال برەند سومكەلەردى ەۋروپادان وتە قىمبات باعاعا ساتىپ الادى. مۇنداي سومكەلەردىڭ قۇنى 300 مىڭ تەڭگەدەن جوعارى كەتە بەرەدى. ال ساپاسى دا سول باعاسىنا تۇرارلىق. وتە ساپالى, 100 پايىز تەرى, ءتۇرلى وڭدەۋدەن وتكەن, پرەستەلگەن تەرىدەن جاسالعان. شىعىس ۇلگىسىندەگى ءبىزدىڭ سومكەلەردىڭ تاستارى تابيعي, سۆاروۆ تاستارىمەن كومكەرىلگەن. ەلىمىزدە ارزانقول سومكە جاساۋ ءوندىرىسى بار شىعار. بىراق ءبىزدىڭ ماقساتىمىز ول ەمەس. ءبىز تەك تازا جوعارى ساپانى كوزدەدىك. قولجەتىمدىلىك تۋرالى دا ەشتەڭە ايتا المايمىن. سەبەبى ءبىز قولجەتىمدى سومكە جاساۋدى جوسپارلامادىق. ەڭ باستىسى, الەمدىك برەند جانە ساپا, جاڭا دەڭگەيدى باعىندىرۋ. اتالعان تۇركيالىق كاسىپورىنمەن كەلىسىم جاساۋ, ودان سوڭ سومكە ديزاينىن قورعاپ شىعۋ وڭاي بولمادى. تاعى دا شىعارا بەرەمىز. بىراق ولار ءبىر-ءبىرىن قايتالامايتىنداي ەتىپ شىعارىلادى. ازىرگە شەتەلدە تىگىلىپ جاتىر, بولاشاقتا ءوز ەلىمىزدە وندىرۋگە جۇمىستانۋىمىز كەرەك , - دەيدى سانگەر. تانىمال سانگەردىڭ ءوزى سوڭعى جىلدارى سونداي الەمدىك برەندتەگى سومكەلەردى ەلگە الىپ كەلىپ ساتۋمەن اينالىسقان. سول كەزدەرى نەگە وسىنداي ساپالى دۇنيەنى ءوز ەلىمىزدىڭ اتىنان شىعارماسقا, ءسويتىپ ءوز قارجىمىزدى وزىمىزدە قالدىرماسقا دەپ ارمانداعانىن, سول ارمانىنا جايلاپ قول جەتكىزىپ جاتقانىن ايتادى. حانىم ايداش باسقاراتىن «Hanum» اگەنتتىگى قازاقستاندىق ديزاينەرلەر ونىمدەرىنىڭ باسىن قوسىپ, «FASHION HANUM  collection»  ۇلتتىق برەندتەر دۇكەنىن بىلتىر اشقان بولاتىن. دۇكەن ديرەكتورى ايدانا تولەگەنوۆانىڭ ايتۋىنشا, بۇگىندە اتالعان دۇكەننىڭ 5 مىڭداي تۇراقتى كليەنتى بار, كۇنىنە وعان 10-20 ادام كەلەدى. كەزىندە 90-شى جىلداردىڭ ورتاسىندا قازاقتىڭ روزا رىمباەۆا, ماقپال ءجۇنىسوۆا باستاعان ەڭ تانىمال 200-دەي ەسترادا انشىسىنە ساحنالىق كيىمدەر ۇسىنعان سانگەر, قر ەڭبەك سىڭىرگەن قايراتكەرى, ەتنولوگ, ديزاينەردىڭ جاڭا سومكەلەرىن قازاقستاندىق سىلقىم قىز-كەلىنشەكتەر استاناداعى وسى دۇكەننەن عانا تابا الادى.