قازاقستاندىق عالىم راكتى ەمدەۋدە ماڭىزى بار جاڭالىق اشتى

Nazarbayev Laboratory Astana وقۋ ورنىنىڭ اعا عىلىمي قىزمەتكەرى دانا اقىلبەكوۆا قاتەرلى ىسىك جاسۋشالارىن باعدارلامالاۋ جوباسىن جۇزەگە اسىردى. بۇل تۋرالى ءبىلىم جانە عىلىم مينيسترلىگىنىڭ عىلىم كوميتەتى حابارلادى. «ءبىز ءتۇرلى قوسپالاردىڭ قۇرامىنا بايلانىستى اتالعان جاسۋشىلارعا قانداي دا ءبىر ىقپال ەتۋگە بولاتىندىعىن دالەلدەي الدىق. بۇل بولاشاقتا قاتەرلى ىسىككە قارسى ەم-دومدى قالاي ءبىر ارناعا توعىستىرۋعا بولاتىندىعىن بىلۋگە مۇمكىندىك بەرەتىن فۋندامەنتالدى ءبىلىم», - دەدى دانا اقىلبەكوۆا. عالىم قىز فيزيكتەردىڭ وتباسىندا تۋعان جانە جاستايىنان عىلىمعا قۇمار بولعان. دوكتورانتۋرا ستۋدەنتى بولا وتىرىپ ول ءتىرى كلەتكالاردىڭ ينسۋلين شىعارۋىن قامتاماسىز ەتەتىن پوليمەرلى بولشەكتەردى دايىنداۋ تاجىريبەسىنە قاتىستى. ءدارى-دارمەكتەردىڭ جەتكىزۋدىڭ مۇنداي ءتاسىلى ينسۋلين ەكپەسىنسىز جارتى جىل جۇرۋگە مۇمكىندىك بەرەدى. جاس عالىم ءوزىنىڭ فيزيكا مەن ينجەنەريا سالاسىنداعى جەتىستىكتەرى قازاقستاننىڭ بيومەديتسينا سالاسىندا پايدالى بولادى دەگەن سەنىمدە. ال, دانانىڭ ءوزى قازاقستاننىڭ جاس عالىمدارىن ىنتالاندىرۋعا ىقپال ەتەدى.