2017 جىلى ايلىق ەسەپتىك كورسەتكىش (اەك) مولشەرىنىڭ وسۋىنە بايلانىستى (1 اەك – 2 269 تەڭگە) جول-كولىك ەرەجەلەرىن بۇزۋشىلارعا سالىناتىن ايىپپۇل كولەمى دە كوتەرىلگەن, دەپ جازادى turkystan.kz.
اتاپ ايتقاندا,
– جىلدامدىقتى 20-40 شاقىرىم ساعاتقا ارتتىرعاندار – 22 690 تەڭگە, 20-40 شاقىرىم ساعاتقا دەيىن جوعارىلاتقاندار – 34 035 تەڭگە, ال 40 شاقىرىم ساعاتتان جوعارى بولسا 68 070 تەڭگە;
– وتكىنشى جولاق, بۇرىلىستا, باعدارشامعا باعىنباي ءوتىپ كەتكەن جاعدايدا 22 690 تەڭگە;
– وتكىنشى جولاقتا جولاۋشىلارعا جول بەرمەگەن جۇرگىزۋشىلەر – 22 690 تەڭگە;
– ارتقا ءجۇرۋ جانە كەرى بۇرىلۋعا تىيىم سالىنعان جەرلەردە ءتارتىپ بۇزعان جۇرگىزۋشىلەر – 15 883 تەڭگە;
– بۇرىلىس كەزىندە جارىق بەلگىسىن قوسپاي بۇرىلعاندار – 11 345 تەڭگە;
– تروتۋاردا جانە جالعىزاياق جولدارعا شىعىپ كەتكەندەر, سوندا كولىگىن قاڭتارىپ قويعاندار – 35 035 تەڭگە;
– جول بويىندا اپاتتى جاعداي تۋعىزعان جۇرگىزۋشىلەر – 22 690 تەڭگە;
– تەمىر تۇلپارىن جۇرگىزۋشى كۋالىگىنسىز نەمەسە ۋاقىتشا كۋالىكسىز باسقارعان جۇرگىزۋشىلەر 11 345 تەڭگە ايىپپۇل تولەيدى.
