بقو-دا باسقارما باسشىسى اۋىستى

باتىس قازاقستان وبلىسىنىڭ اكىمى التاي كولگىنوۆتىڭ وكىمىمەن ميرجان مۇنايدار ۇلى ساتقانوۆ بقو جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بولىپ تاعايىندالدى, دەپ حابارلايدى «قازاقپارات» حاا ءتىلشىسى. باسقارما ۇجىمىنا جاڭا باسشىنى وبلىس اكىمىنىڭ ءبىرىنشى ورىنباسارى ارمان وتەعۇلوۆ تانىستىرىپ, قىزمەتىنە ساتتىلىك تىلەدى. بقو اكىمىنىڭ ءباسپاسوز قىزمەتىنەن تۇسكەن مالىمەتكە قاراعاندا, م.م.ساتقانوۆ 1977 جىلى دۇنيەگە كەلگەن. ءبىلىمى جوعارى. تۇركيا رەسپۋبليكاسى دوكۋز ەيليۋل ۋنيۆەرسيتەتىن تامامداعان. 2001 جىلى ورال قالالىق قارجى ءبولىمىنىڭ جەتەكشى مامانى بولسا, 2001-2004  جىلدارى - باتىس قازاقستان وبلىسى كاسىپكەرلىكتى قولداۋ جانە دامىتۋ دەپارتامەنتىنىڭ باس مامانى, ءبولىم باستىعى,  2004-2005  جىلدارى - باتىس قازاقستان وبلىسى كاسىپكەرلىكتى قولداۋ جانە دامىتۋ باسقارماسى باستىعىنىڭ ورىنباسارى, 2005 جىلى - باتىس قازاقستان وبلىسى كاسىپكەرلىك جانە ونەركاسىپ باسقارماسىنىڭ ءبولىم باستىعى, 2005-2006 جىلدارى - باتىس قازاقستان وبلىسى كاسىپكەرلىك جانە ونەركاسىپ دەپارتامەنتى ديرەكتورىنىڭ ورىنباسارى, 2006-2010 جىلدارى - «قازاقستان حالىق بانكىنىڭ زەينەتاقى جيناقتاۋ قورى» اق-نىڭ باتىس قازاقستان وبلىسى فيليالى ديرەكتورىنىڭ ورىنباسارى قىزمەتىن اتقاردى. سونداي-اق 2010-2011 جىلدارى باتىس قازاقستان وبلىسى كاسىپكەرلىك جانە ونەركاسىپ باسقارماسى باستىعىنىڭ ورىنباسارى, 2011-2012 جىلدارى «بقو كاسىپكەرلەر قاۋىمداستىعى» زاڭدى تۇلعالار بىرلەستىگىنىڭ اتقارۋشى ديرەكتورى, 2012-2013 جىلدارى باتىس قازاقستان وبلىسى كاسىپكەرلىك جانە ونەركاسىپ باسقارماسى باستىعىنىڭ ورىنباسارى, 2013-2015 جىلدارى باتىس قازاقستان وبلىسى كاسىپكەرلىك جانە يندۋستريالدىق-يننوۆاتسيالىق دامۋ باسقارماسى باسشىسىنىڭ ورىنباسارى قىزمەتىن اتقارسا, 2015 جىلدىڭ 26 قازانىنان بۇگىنگە دەيىن باتىس قازاقستان وبلىسى كاسىپكەرلىك جانە يندۋستريالدىق-يننوۆاتسيالىق دامۋ باسقارماسىنىڭ باسشىسى بولدى.