KAZ Minerals شىعىس قازاقستانداعى كەنىشىن جاپتى

KAZ Minerals توبى  بالانستىق قورلاردىڭ تولىقتاي اياقتالۋىنا بايلانىستى شىعىس قازاقستان وبلىسىنداعى يۋبيلەينىي-سنەگيرينسكي كەنىشىندەگى ءوندىرۋ جۇمىسىن اياقتادى, دەپ حابارلادى كومپانيا. بۇل تۋرالى abctv.kz جازادى. "يۋبيلەينىي-سنەگيرينسكي كەن ورنى – توپتىڭ قۇرامىنداعى ەڭ كىشكەنتاي كەنىش. 2016  جىلدىڭ  9 ايى ىشىندە مۇندا قۇرامىندا 7,1 مىڭ توننا مىس بار 392 مىڭ توننا كەن ءوندىرىلدى.  كەنىشتە  جۇمىس ۆاحتالىق ادىسپەن جۇرگىزىلدى", – دەدى  KAZ Minerals توبىنىڭ شىعىس قازاقستان وبلىسى بويىنشا بۇقارامەن بايلانىس مەنەدجەرى ەرمەك دۇزكەنوۆ. ءوندىرۋ جۇمىسى اياقتالعان سوڭ كەنىشتىڭ قىزمەتكەرلەر قۇرامىنا وڭتايلاندىرۋ جۇرگىزىلدى. 2016 جىلدىڭ 1 جەلتوقسانىنداعى جاعداي بويىنشا كەنىشتە 158 ادام ەڭبەك ەتتى. ونىڭ  35-ءى «ۆوستوكتسۆەتمەت» جشس-نىڭ وزگە كاسىپورىندارىنا جۇمىسقا ورنالاستىرىلسا,  59 ادام ءوز ەركىمەن جۇمىستان كەتۋدى ۇيعاردى. وڭتايلاندىرۋ شاراسى 27 ادامعا جۇرگىزىلدى. تاعى 37 ادام قازىرگى تاڭدا كۇزەت رەجيمى مەن كەنىشتە سۋ اعىزۋ جۇيەسىنە باقىلاۋ جۇرگىزۋگە تارتىلعان. ولارمەن ەڭبەك شارتى جويۋ جۇمىسى اياقتالعانعا دەيىن ۇزارتىلعان. كومپانيادا بەكىتىلگەن جوسپارعا سايكەس, يۋبيلەينىي-سنەگيرينسكي كەن ورنىن جويۋ جوباسى ازىرلەنىپ, وزدىگىمەن جۇرەتىن جانە ستاتسيونارلىق قوندىرعىلاردى كومپانيانىڭ وزگە كاسىپورىندارىنا كوشىرۋ جۇمىسى جۇرگىزىلىپ جاتىر. بۇل كەنىشتە پوليمەتالدىق مىس-مىرىش جانە قورعاسىن كەنى جابىق ادىسپەن ءوندىرىلىپ كەلدى. كەندى وڭدەۋ نيكولاەۆ كەن بايىتۋ كومبيناتىندا جۇرگىزىلدى. كەنىش «ۆوستوكتسۆەتمەت» جشس قۇرامىنا كىرەدى جانە وبلىستىڭ گلۋبوكوۆ اۋدانىندا ورنالاسقان. كەن ورنى 1959 جىلى اشىلىپ, بارلاۋ جۇرگىزىلىپ, 1975 جىلى مەملەكەت مەنشىگىنە تاپسىرىلعان. پايدالانۋعا  2002 جىلى بەرىلدى.