قازاقستاندا 3D پرينتەر جاسالادى

"تەحنولوگيالىق دامۋ جونىندەگى ۇلتتىق اگەنتتىك" اق تەحنولوگيانى كوممەرتسيالاۋ ءۇشىن «3DInnovations» جشس-عا 4,3 ملن تەڭگە كولەمىندە گرانت تاعايىندادى. كومپانيا 3D پرينتەرلەرىن شىعارۋمەن اينىلىسادى, دەپ حابارلايدى اگەنتتىكتىڭ ءباسپاسوز قىزمەتى. 3D پرينتەرىنىڭ ءپروتوتيپى RepRap (Replicating Rapid Prototyper) تەحنولوگياسىن ىسكە اسىرۋ ءۇشىن جاسالماقشى. قۇرىلعى كومپيۋتەرمەن جيناقتالعان مودەل نەگىزىندە وزىندىك بولشەكتەرىن جاساي الادى. جوبا اۆتورلارى رەسەيلىك "كيپاريس" ستارتابىنىڭ تاجىريبەسىن زەرتتەگەن. «سونىمەن قاتار ءبىز "سكولكوۆو" يننوۆاتسيالىق ورتالىعىندا بولدىق. رەسەيدىڭ 3D پرينتەر ءوندىرىسىنىڭ كوشباسشىسى Picaso3D كومپانياسىنىڭ تەحنيكالىق قىزمەتكەرلەرىنەن كەڭەس الدىق. ناتيجەسىندە قۇرىلعىنى جاساۋ مەن ونى ساتۋ جولدارى بويىنشا بىلىكتىلىگىمىزدى ارتتىردىق", - دەيدى «3D Innovations» جشس ديرەكتورى يگور ناسونوۆ. ايتا كەتەرلىگى, اتالعان قۇرىلعىلاردىڭ باسەكەگە قابىلەتتىلىگىن قامتاماسىز ەتەتىن ەڭ باستى قاسيەتى ونىڭ وزىندىك باعاسى. ويتكەنى, اقش, ەۋروپا مەن قىتاي ونىمدەرىنىڭ باعاسى ارزان بولۋىمەن قاتار, ولاردى قۇراستىرۋ ۋاقىتى دا جىلدام كورىنەدى. قازىرگى تاڭدا ستارتاپ ايىنا 4 پرينتەرگە دەيىن شىعارا الادى. الداعى ۋاقىتتا ايىنا سەگىز پرينتەر جاساي الاتىن دەڭگەيگە جەتپەك.