2017 جىلى الەمدە جۇمىسسىزدار سانى 201 ملن-عا جەتەدى

2017 جىلى الەم بويىنشا جۇمىسسىزدار سانى 201 ملن-عا جەتەدى. بۇل تۋرالى حالىقارالىق ەڭبەك ۇيىمىنىڭ الەمدىك دەڭگەيدەگى جۇمىسپەن قامتۋ كورسەتكىشتەرى تۋرالى جاساعان بايانداماسىندا بەلگىلى بولدى, دەپ حابارلادى بۇۇ جاڭالىقتار قىزمەتى. "بۇل كورسەتكىشكە 2018 جىلى تاعى 2,7 ملن ادام قوسىلادى. ەڭبەك نارىعىنداعى اتالعان جاعدايدىڭ سەبەبى - جۇمىس ىستەۋگە جارامدى جاستاعى ادامدار سانى جۇمىس ورىندارىن اشۋ جىلدامدىعىنىنان دا قارقىندى وسۋدە", دەلىنگەن حابارلامادا. اتالعان ۇيىمنىڭ باس ديرەكتورى گاي رايدەردىڭ ايتۋىنشا, قازىرگى تاڭدا ءبىر ۋاقىتتا ەكى ماسەلەنى شەشۋ كەرەك: جاھاندىق ەكونوميكالىق جانە الەۋمەتتك داعدارىستىڭ ورنىن تولتىرۋ, جىل سايىن ەڭبەك نارىعىنا كەلەتىن ونداعان ميلليون ادامدارعا قوسىمشا جۇمىس ورىندارىن اشۋ. سونىمەن قاتار ول ەكونوميكالىق ءوسىم دە الەم بويىنشا تومەندەگەنىن ايتتى. "بۇل جاھاندىق ەكونوميكاداعى الاڭداتاتىن جاعداي. سەبەبى جۇمىس ورىندارىن ساقتاپ قالۋعا كەسىرىن تيگىزەدى", دەدى گ.رايدەر. بايانداما اۆتورلارى ەۋروپا مەن سولتۇستىك امەريكادا جۇمىسسىزدىق دەڭگەيى تۇسپەگەنىن ايتادى. ال باتىس ەۋروپادا جۇمىسسىزدىق سانى ءوسىمىن جالعاستىرۋدا. ونىڭ ايتۋىنشا, وسى جىلدىڭ سوڭىندا الەمدەگى جۇمىسىزدىق كورسەتكىشى 3,4 ملن-عا ارتادى. باياندامادا حالىقارالىق ەڭبەك ۇيىمىنىڭ ساراپشىلارى الداعى 2 جىلدا ءوز ەڭبەگى ءۇشىن كۇنىنە 3-10 دوللار جالاقى الاتىن كەدەيلەر سانى 5 ملن-عا جەتەتىنىن اتاپ ءوتتى.