قىزىلوردا وبلىسىندا 570 ادام راقىمشىلىققا ءىلىندى

قىزىلوردا وبلىسىندا 570 سوتتالۋشى راقىمشىلىققا ىلىگىپ وتىر. بۇل تۋرالى وبلىستىق پروكۋراتۋرانىڭباسپاسوز قىزمەتى حابارلادى. "2016 جىلى 14 جەلتوقساندا كۇشىنە ەنگەن قر تاۋەلسىزدىگىنىڭ 25 جىلدىعىنا بايلانىستى «راقىمشىلىق تۋرالى» زاڭى 6 ايعا دەيىن قولدانىلادى. راقىمشىلىق قولدانۋعا جاتاتىن 574 سوتتالعاننىڭ قازىرگى ۋاقىتتا سوتپەن 10-ى بوساتىلدى. سونىمەن قاتار, راقىمشىلىق زاڭى اياسىندا 234 قىلمىستىق قۇقىقبۇزۋشىلىقتار بويىنشا سوتقا دەيىڭگى تەرگەپ-تەكسەرۋ وندىرىستەن قىسقارتىلدى. ولاردىڭ 118-ءى ونشا اۋىر ەمەس, 32-ءى اۋىرلىعى ورتاشا قىلمىستاردى, 84-ءى قىلمىستىق تەرىس قىلىقتاردى قۇراعان", - دەلىنگەن xابارلامادا. وبلىس پروكۋراتۋراسىنىڭ ءباسپاسوز قىزمەتىنىڭ ءمالىم ەتكەنىندەي, ۆەدومستۆو وڭىردە تۇرمە رەفورمالارى جوبالارىن  جۇزەگە اسىرۋعا باسا نازار اۋداردى. تۇزەۋ مەكەمەلەرىندە 12 ءوندىرىس ورىندارى, سونىمەن قاتار, كىرپىش ءوندىرۋ زاۋىتى اشىلدى. زك-169/5 مەملەكەتتىك مەكەمەسىندە (قاۋىپسىزدىگى بارىنشا جوعارى مەكەمە) «ەرجاس» جشس-مەن شاعىن  قىش شىعارۋ تسەحى اشىلىپ, 16 سوتتالعان جۇمىسپەن قامتىلعان. سونداي-اق,  40 سوتتالعاندى جۇمىسپەن قامتۋ جوسپارلانعان وسىنداي ءوندىرىس ورنىن «جالعاسوۆ» جك-مەن ىسكە قوسىلۋ  ساتىسىندا, 40 سوتتالۋشىنى جۇمىسپەن قامتۋ جوسپارلانۋدا. جۇمىسپەن قامتۋ 75,2% قۇرادى. جەڭىل جازاعا اۋىستىرۋ تۋرالى قارالعان  300 ءوتىنىشتىڭ 244  قاناعاتتاندىرىلىپ, 81,3% قۇرادى. "سوتتالعانداردىڭ وتەلمەگەن جازالارىن ايىپپۇلعا اۋىستىرۋدى كەڭىنەن قولدانۋ قامتاماسىز ەتىلدى. ناتيجەسىندە, سوتپەن 92 سوتتالعاننىڭ وتەلمەگەن جازالارى ايىپپۇلعا  اۋىستىرىلىپ, 24 500 110 تەڭگە قۇرادى. پروباتسيالىق باقىلاۋدا تۇرعان سوتتى بولعاندارعا الەۋمەتتىك-قۇقىقتىق كورسەتۋ بويىنشا جۇمىستار جۇرگىزىلىپ, 360-ى جۇمىسقا ورنالاستىرىلىپ, كۆوتا بويىنشا جۇمىس ورنىن 31-دەن 50-گە كوبەيتۋگە قول جەتكىزىلدى", - دەپ جازادى ۆەدومستۆونىڭ ءباسپاسوز قىزمەتى. ۇيلەستىرۋ شارالارىمەن وبلىس ورتالىعىندا جازا وتەۋ ورىندارىنان بوساتىلعاندارعا ارنالعان وڭالتۋ جانە الەۋمەتتىك بەيىمدەۋ ورتالىعى اشىلىپ, بارلىعى 134 ادامعا الەۋمەتتىك كومەكتەر كومەكتەر كورسەتىلىپ, ونىڭ ىشىندە 39-ى تۇراقتى جۇمىسقا ورنالاستىرىلدى.