پروكۋرورلار الاياقتارعا الدانباۋ جولدارىن اتادى

وڭتۇستىك قازاقستان وبلىسىنىڭ پروكۋراتۋراسى ءوزىنىڭ رەسمي سايتىندا الاياقتاردىڭ قۇربانىنا اينالماۋدىڭ امالدارىن ۇسىندى, دەپ xابارلايدى قازاقپارات. جالپى, الاياقتاردىڭ ارباۋىنا ءتۇسىپ قالماۋدىڭ جولى قايسى؟ 1. ءۇيدىڭ ەسىگىن بەيتانىس ادامدارعا اشپاۋ, ءتىپتى ولار ارنايى قىزمەت, پوليتسيا, ەمxانا, تۇرعىن-ءۇي كوممۋنالدىق شارۋاشىلىعى قىزمەتكەرلەرى دەپ تانىستىرسا دا, الدىمەن مىندەتتى تۇردە تەلەفون ارقىلى ولاردىڭ ءدال سول ورگانداردان كەلگەنىن مۇقيات انىقتاپ الىڭىز; 2. ەگەر سىزدەردى كوشەدە بەيتانىس ادامدار سوزگە تارتۋعا تىرىسسا, اسقان ساقتىق تانىتىڭىز. ولاردىڭ ۇسىنىستارىنا كەلىسپەڭىزدەر, ءوز ۇيلەرىڭىزگە ول كىسىنى ەش  شاقىرماڭىزدار; 3. ءتىل, كوز تيۋدەن ارىلتىپ, بولاشاقتى بولجايمىن دەپ كەلگەن ادامدارمەن ارالاسپاۋعا تىرىسىڭىز, بۇل - سەنگىش ادامداردىڭ قاراجاتىن يەمدەنىپ كەتۋدىڭ جاقسى امالى; 4. ءسىزدىڭ تۋىسىڭىز نەمەسە تانىسىڭىز الدەبىر قيىندىققا تاپ بولدى جانە ونى الىپ شىعۋ ءۇشىن ءىرى سوما كەرەك دەگەن اقپاراتقا ەش سەنبەڭىز; 5. سىيلىق ويناتىلاتىن ويىندارعا, ءجۇز دەرتكە شيپا ءدارى-دارمەكتەردى, قۇرىلعىلار مەن ارزان زاتتاردى ساتىپ الۋعا كونبەڭىز; 6. ايىپپۇل تولەۋ جانە كوممۋنالدىق تولەم جاسار الدىندا تۇبىرتەكتى مۇقيات تەكسەرىڭىز; 7. بانك كارتوچكاسىن بۇعاتتاۋ تۋرالى اقپاراتتى تەكسەرگەن ابزال, ول ءۇشىن تەك بانك بولىمشەسىنە قوڭىراۋ شالۋ جەتكىلىكتى; 8. ەگەر ءسىزدى الدايتىنىن سەزسەڭىز, پوليتسياعا xابارلاسۋدان ۇيالماڭىز,  - سىزگە مىندەتتى تۇردە كومەكتەسەدى. قازاقستاندا الاياقتىق ءۇشىن قىلمىستىق جاۋاپكەرشىلىك بەلگىلەنگەن. قىلمىستىق كودەكستىڭ 190-بابىنا سايكەس وسى قىلمىس ءۇشىن ولار جاۋاپقا تارتىلادى. الاياقتىق ءۇشىن بەرىلەتىن ەڭ جوعارى جازا - باس بوستاندىعىنان 10 جىلعا دەيىن ايىرۋ. الاياقتىقتىڭ نەگىزگى ءپرينتسيپى - ءوزى قۇربان ەتىپ وتىرعان ادامدى الداۋ, سول ارقىلى وزىنە اقشا, م ۇلىك, باسقاداي نارسەلەردىڭ قۇقىن ەرىكتى تۇردە بەرگىزۋ بولىپ تابىلادى.