مىرزاعالي ايتجانوۆ: ەلەۋسىنوۆ گولوۆكيننىڭ جەتىستىكتەرىن قايتالاي الادى

بوكستان قازاقستان ۇلتتىق قۇراماسىنىڭ باس جاتتىقتىرۋشىسى مىرزاعالي ايتجانوۆ دانيار ەلەۋسىنوۆتىڭ كاسىپقوي بوكسقا اۋىسقاندىعى جونىندە ءوز ويىمەن ءبولىستى. بۇل تۋرالى vesti.kz حابارلادى. «دانياردىڭ كاسىبي دەڭگەيگە قادام باساتىنىن ءبىلىپ جۇردىك. ول اۋەسقوي بوكستا مۇمكىن بولعان جەتىستىكتىڭ بارىنە جەتتى. الەم, ازيا, وليمپيادا چەمپيونى اتاندى. تاجىريبەسى دە كوپ. گولوۆكيننىڭ دەڭگەيىنە جەتەدى دەپ سەنىمدى تۇردە ايتا الامىن. ارمانىن جۇزەگە اسىرۋ ءۇشىن بويىندا ءبارى بار», – دەدى ايتجانوۆ. «دانياردىڭ كەلىسىمشارتىن كورمەگەندىكتەن انىق-قانىعىن بىلمەيمىن. كەلەسى وليمپياداعا قاتىساتىندىعى بەلگىسىز. ارينە, ەلەۋسىنوۆتىڭ ورنى ەرەكشە. بىراق ۇلتتىق قۇرامادا 69 كيلودا لايىقتى ونەر كورسەتەتىن بوكسشىلارىمىز جەتكىلىكتى», – دەدى ول. قازاقستاندىق سپورتشىنىڭ جەكە باپكەرى بولىپ اكەسى مارات قالا بەرمەك. جاتتىعۋ لاگەرى اقش-تىڭ فلوريدا شتاتىندا ورنالاسقان. مۇندا ول قوسىمشا امەريكالىق ماماندارمەن جاتتىعادى. ايتا كەتەيىك, دانيار ورتا سالماقتا (66 كگ دەيىن) بوكستاسادى. پروموۋتەرلىك كومپانيامەن كەلىسىمشارتقا كەلەسى ايدا قول قويادى. ال العاشقى جەكپە-جەگى مامىر ايىندا قىتاي استاناسى پەكين قالاسىندا ءوتۋى مۇمكىن. پروموۋتەرى مايك التامۋرا ونىڭ ەكى جىل ىشىندە الەم چەمپيونى اتاعىنا قول جەتكىزەتىنىنە سەنىمدىلىك ءبىلدىردى.