"سامۇرىق-قازىنا" 2017 جىلعى مۇناي نارىعىنا بولجام جاسادى

"سامۇرىق-قازىنا" اق 2017 جىلعى مۇناي نارىعىنا بولجام جاسادى. بۇل تۋرالى "سامۇرىق-قازىنا" اق ءباسپاسوز قىزمەتى حابارلادى. 2016 جىلى مۇناي-گاز نارىعى بىرقاتار سىناقتاردى باسىنان كەشىردى. جاھاندىق نارىقتىڭ قۇبىلمالىعى مەن تۇراقسىزدىعى جاعدايدى ءتىپتى كۇردەلەندىرىپ جىبەردى. 2017 جىلعى مۇناي نارىعىن قالىپتاستىراتىن نەگىزگى سەبەپتەر 2016 جىلدىڭ اياعىندا-اق انىقتالدى دەۋگە بولادى. قاراشا, جەلتوقسان ايلارىندا وپەك پەن وعان كىرمەيتىن ەلدەردىڭ كەزدەسۋى ءوتتى. بۇل كەزدەسۋ جاھاندىق ينۆەستورلارعا 2017 جىلدىڭ 1 جارتىجىلدىعىنا جوسپار قۇرۋعا مۇمكىندىك بەردى. مۇناي ءوندىرۋدى تاۋلىگىنە 1,8 ميلليون باررەل دەڭگەيىندە ۇستاپ تۇرۋ كەلىسىمىنىڭ ارقاسىندا مۇناي باعاسى قاراشادا 5 پايىزعا, جەلتوقساندا 8 پايىزعا ءوستى. ولاردىڭ ايتۋىنشا, وپەك مۇناي ءوندىرۋدى قىسقارتقانىمەن, ونىڭ ورنى اقش-تاعى تاقتاتاس مۇنايىن ءوندىرۋ ەسەبىنەن تولىقتىرىلادى. ءتىپتى, اقش-تاعى بۇرعىلاۋ قوندىرعىلارىنىڭ قازىرگى سانىمەن-اق, تاقتاتاس مۇنايىن ءوندىرۋ كولەمى 2017 جىلعى 1 توقساننان باستاپ وسۋگە بەت الدى. 2017 جىلى مۇناي باعاسىنىڭ ءوسىمى قالىپتى بولادى, ياعني, ءبىزدىڭ بازالىق ستسەناري بويىنشا باررەلىنە ورتاشا 50-52 دوللار بولماق. ماڭىزدى فاكتورلار: 1.     جاھاندىق ءوسىم مەن مۇنايعا سۇرانىس بولجامى جاھاندىق ەكونوميكالىق ءوسىم مۇناي نارىعىنىڭ كەلەشەگىن بولجاۋداعى ماڭىزدى فاكتور بولىپ قالىپ وتىر. كەيبىر ەلدەردىڭ كورسەتكىشتەرى جاقسى بولعانىمەن, وزگەلەردە جاعداي وڭدى ەمەس. دەسە دە 2016 جىلمەن سالىستىرعاندا 2017 جىلى جوعارى ءوسۋ قارقىنى كۇتىلىپ وتىر. ءىجو 2016 جىلى 2,4-3,1 پايىز بولسا, 2017 جىلى 2,8-3,4 پايىزعا ءوسۋى مۇمكىن. مۇنايعا سۇرانىس 2017 جىلى تاۋلىگىنە ورتاشا ەسەپپەن 1,15 ملن باررەلگە, ياعني 96,5 ميلليون باررەلگە دەيىن ارتادى (2016: تاۋلىگىنە +1,23 ميلليون). 2016 جىلمەن سالىستىرعاندا وسۋدەگى ىركىلىستەر اقش-تا, ينديادا, ەۋروپادا بايقالاتىن بولسا (باعا يكەمدىلىگىنىڭ تومەندەۋىنە بايلانىستى), جاپونيا مەن برازيليادا سۇرانىس ارتادى. مۇناي سۇرانىسىنىڭ ارتۋىنا قىتايدىڭ ۇلەسى زور بولادى, 2016 جىلعى ساتىلعان كولىكتەر سانىنا قاراساق, جانارماي پايدالانۋ اناعۇرلىم ارتاتىنىنى بايقالادى. 2.  وپەك پەن وعان كىرمەيتىن ەلدەردىڭ مۇناي ەكسپورتى 30 قاراشادا وپەك 2017 جىلعى 1 قاڭتاردان باستاپ مۇناي ءوندىرۋدى تاۋلىگىنە 1,2 ميلليون باررەلگە ازايتۋعا, ياعني تاۋلىگىنە 32,5 ميلليون باررەلگە دەيىن قىسقارتۋ تۋرالى شەشىم قابىلدادى. كەلىسىم مەرزىمى - التى اي. 2017 جىلعى قىسقارتۋدىڭ وزىندە وپەك ءوندىرىسى 2016 جىلعى قاڭتارداعى دەڭگەيدە قالادى, بۇل دا, كەلىسىمدەرگە قاراماستان, 2017 جىلى وپەك كۇتكەن ناتيجەلەر. 9 جەلتوقساندا وپەك-كە كىرمەيتىن 11 ەل, وپەك شەشىمىنىە قولداۋ رەتىندە 2017 جىلى التى ايعا ءوندىرىس كولەمىن تاۋلىگىنە 558 000 باررەلگە تومەندەتۋدى ۇيعاردى. تيىسىنشە, مۇناي ءوندىرىسىنىڭ جالپى تومەندەتىلگەن كولەمى تاۋلىگىنە 1,8 ميلليون باررەل بولدى. سونداي-اق, ءباسپاسوز قىزمەتىندەگىلەردىڭ ايتۋىنشا, وپەك-كە كىرمەيتىن ەلدەردىڭ ءوندىرىسى 2017 جىلى تۇراقتالادى. ءوندىرۋ ەۋروپا مەن ازيا-تىنىق مۇحيت ايماعىندا  تومەندەپ, ونىڭ ورنىن برازيليا مەن كانادادا ارتادى. بولجام بويىنشا, ءوندىرىس كولەمى جاعىنان كانادا وپەك-كە كىرمەيتىن ەلدەردىڭ ىشىندە برازيليا مەن قازاقستاننان كەيى ءۇشىنشى ورىنعا شىعادى. 3. مۇناي باعاسىنىڭ يكەمدىلىگى مەن بولجامدار 2017 جىلعى مۇناي باعاسىنىڭ يكەمدىلىگى جوعارى بولادى دەپ كۇتىلەدى. بۇل وپەك پەن وعان كىرمەيتىن ەلدەردەگى تاۋەكەلدەر تومەندەدى, سونداي-اق گەوساياسي فاكتورلار دا مۇناي باعاسىنا اسەر ەتىپ جاتىر. وپەك-تەگى ءوندىرىستىڭ قىسقارۋى اقش-تاعى تاقتاتاس مۇنايىن ءوندىرۋ ەسەبىنەن تولىقتىرىلادى دەپ كۇتەمىز. تاقتاتاس مۇنايى ءوندىرىسىنىڭ ارتۋى مۇناي باعاسىنىڭ وسۋىنە شەكتەۋ قويادى. ءتىپتى, اقش-تاعى بۇرعىلاۋ قوندىرعىلارىنىڭ قازىرگى سانىمەن-اق, تاقتاتاس مۇنايىن ءوندىرۋ كولەمى 2017 جىلعى 1 توقساننان باستاپ وسۋگە بەت الدى. "سامۇرىق-قازىنا" اق وكىلدەرىنىڭ ايتۋىنشا, 2017 جىلى مۇناي باعاسىنىڭ ءوسىمى قالىپتى بولادى, ياعني, بازالىق ستسەناري بويىنشا باررەلىنە ورتاشا 50-52 دوللار بولماق.