پەتروپاۆلدا قۇرىلىس ماتەريالدارى زاۋىتى اشىلادى

قر پارلامەنتى ءماجىلىسىنىڭ دەپۋتاتتارى پەتروپاۆل اۋىر ماشينا جاساۋ زاۋىتىنىڭ قىزمەتكەرلەرىمەن كەزدەستى, دەپ حابارلادى ءماجىلىستىڭ ءباسپاسوز قىزمەتى. كەزدەسۋدە ماجىلىسمەندەر ماۋلەن اشىمباەۆ, قۋانىش سۇلتانوۆ, سەرگەي زۆولسكي, پەتر شاراپاەۆ جانە مۇرات تەمىرجانوۆ ەڭبەكشىلەرمەن بىرقاتار ماسەلەلەردى تالقىلادى جانە زاڭ شىعارۋ قىزمەتى تۋرالى اڭگىمەلەدى. بۇگىنگى تاڭدا كاسىپورىن قازاقستان نارىعىندا سۇرانىسقا يەنىڭ ءبىرى بولىپ تابىلادى. بۇل 50 جىل بويى مۇناي ءوندىرۋشى كومپانيالار ءۇشىن, تەحنيكانى جانە مۇناي-حيميا مەن مۇناي وڭدەۋ كاسىپورىندارى ءۇشىن, جابدىقتار شىعاراتىن ەلىمىزدەگى جالعىز زاۋىت. زاۋىت قىتاي, رەسەي, جاپونيا, گەرمانيا, نورۆەگيا, انگليا, اقش, كانادا, يتاليا, بەلارۋس ءىرى كومپانيالارىمەن ىنتىماقتاسادى. وسىندا 1000-عا جۋىق ادام ەڭبەك ەتۋدە, ورتاشا جالاقى – 95 مىڭ تەڭگەنى قۇرايدى. ءوندىرىس سالاسىنىڭ جۇمىسشىلارىمەن كەزدەسۋ كەزىندە, ماجىلىسمەندەر ونەركاسىپتىك ءوندىرىستىڭ ەلەۋلى ءوسۋىن جانە سولتۇستىك قازاقستاندا بىرقاتار مەملەكەتتىك باعدارلامالاردىڭ ىسكە اسىرۋدا تابىستىلىعىن اتاپ ءوتتى. مىسالعا, 2014 جىلى «ەنەرگەتيكالىق قازاندىق جابدىعىن دايىنداۋ بويىنشا ءوندىرىسىن قۇرۋ» يندۋستريالاندىرۋ كارتاسىندا كىرىستىڭ ينۆەستيتسيالىق جوباسى ىسكە اسىرىلدى. جوبانىڭ ارقاسىندا زاۋىتتا 46 قوسىمشا جاڭا جۇمىس ورنى قۇرىلدى. قىزمەتكەرلەرمەن اڭگىمە بارىسىندا حالىق قالاۋلىلارى كاسىپورىن قىزمەتىنە جوعارى باعا بەردى جانە وتاندىق مۇناي سالاسىنىڭ دامۋىنا قوسقان ۇلەستەرى تۋرالى زاۋىت قىزمەتكەرلەرىنىڭ ەڭبەكتەرى ارقاسىندا ەكەنىن  اتاپ ءوتتى. «بۇگىنگى تاڭدا  پارتيا كوشباسشىسى, مەملەكەت باسشىسى ن.ءا. نازارباەۆ جاستاردىڭ تەحنيكالىق ماماندىقتاردى يگەرۋىنە ەرەكشە نازار اۋدارادى. ءبىز كورىپ وتىرعانداي: پەتروپاۆل اۋىر ماشينا جاساۋ زاۋىتىندا كوپتەگەن جاس ادامدار جۇمىس ىستەيدى. قازىرگى تاڭدا ەلىمىزدە يندۋستريالاندىرۋدىڭ جاڭا كەزەڭى جالعاسۋدا. جاستار ءبىر جەردە وتىرۋعا ءتيىس ەمەس. ءوز الەۋەتىن ىسكە اسىرۋ ءۇشىن, كوپتەگەن مۇمكىندىكتەر جاسالعان. مىسالعا, جاڭا جۇمىس ورنى اشىلادى», - دەپ باسا ايتتى ءماجىلىس دەپۋتاتى پەتر شاراپاەۆ. وسى كۇنى دەپۋتاتتار وبلىس اكتيۆىنىڭ جينالىسىنا قاتىستى, «نۇر وتان» پارتياسى ايماقتىق فيليالىنىڭ قوعامدىق قابىلداۋ بولمەسىندە ازاماتتاردى جەكە قابىلدادى جانە اگرارلىق كومپانيالار: «دامۋ» قورىنىڭ جانە كاسىپكەرلەر پالاتاسىنىڭ وكىلدەرىمەن كەزدەستى. تالقىلاعان تاقىرىپتارى – اۋىل شارۋاشىلىعى تاۋارىن وندىرۋشىلەردى مەملەكەتتىك قولداۋ ماسەلەسى. ءماجىلىس دەپۋتاتتارى سولتۇستىك قازاقستان وبلىسىنا جۇمىس ساپارىمەن 5 قاڭتاردان باستاپ كەلدى. وسى كەزەڭدە ولار ەلدى مەكەندەردىڭ تۇرعىندارىمەن بىرنەشە كەزدەسۋلەر وتكىزدى, بىرقاتار ونەركاسىپ كاسىپورىندارىنا باردى جانە الەۋمەتتىك ينفراقۇرىلىم نىساندارىنىڭ اشىلۋىنا قاتىستى.