استانادا ۋنيۆەرسيادا الاۋى ەستافەتاسى كەزىندە بىرنەشە كوشە جابىلادى

استانادا 28-ءشى دۇنيەجۇزىلىك قىسقى ۋنيۆەرسيادا-2017 الاۋىنىڭ ەستافەتاسى 25 قاڭتاردا وتەدى. بۇل تۋرالى قالا اكىمدىگىنىڭ فەيسبۋكتاعى پاراقشاسىندا حابارلاندى. «وسىعان وراي 2017 جىلدىڭ 25 قاڭتار ساعات 10:00-دەن 12:30-عا دەيىن: * قابانباي باتىر داڭعىلىندا تۇرار رىسقۇلوۆ كوشەسىنەن باستاپ, دوستىق كوشەسىنە دەيىن; * دوستىق كوشەسىندە قابانباي باتىر داڭعىلىنان باستاپ, تۇركىستان كوشەسىنە دەيىن كولىكتىڭ بارلىق تۇرلەرىنە قوزعالىس ءىشىنارا شەكتەلەتىنىن ەسكەرتەمىز. سونداي-اق, 2017 جىلدىڭ 25 قاڭتار كۇنى ساعات 12:45-تەن 15:00-گە دەيىن: * د. قوناەۆ كوشەسىندە تۇركىستان كوشەسىنەن باستاپ, قابانباي باتىر داڭعىلىنا دەيىن; * قابانباي باتىر داڭعىلىندا د. قوناەۆ كوشەسىنەن باستاپ, «رامستور» سو-نىڭ اۆتوتۇراق اۋماعىنا دەيىن (رەسپۋبليكا داڭع.); * رەسپۋبليكا داڭعىلىندا «رامستور» سو-نىڭ اۆتوتۇراق اۋماعىنان باستاپ, كەنەسارى كوشەسىنە دەيىن; * كەنەسارى كوشەسىندە رەسپۋبليكا داڭعىلىنان باستاپ, استانا قالاسىنىڭ ەسكى الاڭىنا دەيىنگى اۋماقتا قوزعالىستار شەكتەلەتىن بولادى», دەلىنگەن حابارلامادا. استانا قالاسىنىڭ ءىىد جەرگىلىكتى پوليتسيا قىزمەتى ۋاقىتشا شەكتەۋگە جۇرگىزۋشىلەردەن تۇسىنۋشىلىكپەن قاراپ, اينالىپ ءوتۋدىڭ بالاما جولدارىن الدىن-الا جوسپارلاۋدى سۇرايدى.