ماقسات – قاۋىپسىزدىك پەن دامۋدىڭ ۇيلەسىمىن ورنىقتىرۋ

قازاقستان وتكەن جىلى بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانعان كەزدە ەلىمىزدىڭ ناقتى نەمەن شۇعىلداناتىنى قازاقستاندىقتار ءۇشىن بەلگىسىزدەۋ جانە كومەسكىلەۋ سياقتى ەدى. دەگەنمەن, قانداي ءىستىڭ دە جۇزەگە اسۋىنىڭ بەلگىلى ءبىر ۋاقىتى, ءدال ۇرىمتال تۇسى بولاتىنىن دا ەسكەرگەن ءجون. مىنە, ءدال وسى سىندارلى ءسات بيىلعى جىلدىڭ باسىنا, ياعني قازاقستان جوعارىدا اتالعان حالىقارالىق ميسسياسىن باستاعان كەزگە تۇسپا-تۇس كەلىپ وتىر. بۇل قازاقستان پرەزيدەنتى نۇرسۇلتان نازارباەۆتىڭ بۇۇ قك-گە ساياسي ۇندەۋى بولىپ تابىلادى. ۇندەۋدە قازاقستاننىڭ قاۋىپسىز, ءادىل جانە وركەندەگەن الەم قۇرۋ ءۇشىن جاھاندىق ارىپتەستىكتى نىعايتۋ جونىندەگى تۇجىرىمدامالىق كوزقاراسى تايعا تاڭبا باسقانداي ايقىن كورسەتىلگەن. سونداي-اق, ۇندەۋدىڭ بۇۇ باس حاتشىسى انتونيۋ گۋتەررەش مىرزانىڭ ءوز قىزمەتىنە كىرىسكەن كەزىنە جانە قازاقستان رەسپۋبليكاسىنىڭ بۇۇ-داعى مۇشەلىگىنە 25 جىل تولۋ قارساڭىندا جاريالانۋىنىڭ دا ايتارلىقتاي سايكەستىلىگى بار ەكەنىن ايتقىم كەلەدى. قازاقستان پرەزيدەنتىنىڭ اتىنان ايتىلعان تۇجىرىمدامالىق كوزقاراس ارتىق تا ەمەس, كەم دە ەمەس, تۇپ-تۋرا جەتى باسىمدىقتان تۇرادى. جالپى ايتقاندا, جەتى سانىن حالقىمىز كيە تۇتاتىنىن, بۇل سان تەك ءساتتى, بىرىڭعاي جاقسىلىق پەن تەك وڭ نيەتتەگى جورامالدارمەن ساباقتاستىرىلا, بايلانىستىرىلا ايتىلاتىنىن دا ەسكەرگەن ءجون. تاعى ءبىر ايتايىن دەگەنىم, قاۋىپسىزدىك كەڭەسىنىڭ تۇراقتى جانە تۇراقتى ەمەس مۇشەلەرى بار ەكەنى بەلگىلى. قازاقستان ولارمەن بىرلەسكەن ءىس-قيمىلدى قالاي قالىپتاستىرا الادى؟ بۇل جونىندە ساياسي ۇندەۋدە كورسەتىلگەن ناقتى تۇجىرىمدار كەز كەلگەن ادامنىڭ سانا-سەزىمىنە تەز قوناقتاي قالاتى­نىنا ەشقانداي كۇمانىم جوق. ياعني, مۇنىڭ باستى جولى جاھاندىق جانە وڭىرلىك سىن-قاتەرلەردىڭ شەشىمىن بىرلەسىپ تابۋدى ىزدەستىرۋ جانە بىرلەسىپ شەشۋ بولماق. سونداي-اق, بۇل جونىنە ۇجىم­دىق جاۋاپكەرشىلىك قالىپ­تاستىرۋدىڭ قاجەتتىلىگى دە ورتاق ىسكە تەك تيىمدىلىك اكەلمەك. قازاق­ستان پرەزيدەنتى نۇرسۇلتان نازارباەۆ ساياسي ۇندەۋدە كور­سەتىلگەن جەتى باسىمدىق – قا­زاقستاننىڭ بۇۇ-دا الداعى ەكى جىلدىڭ ىشىندە اتقاراتىن قىزمەتىنىڭ ايقىن باعدارلاماسى ىسپەتتەس. بۇلاي دەۋ از. وسى جەتى باسىمدىق بۇۇ قىزمەتىنىڭ باستى ماقساتى – يادرولىق قارۋسىز الەم قۇرۋعا قوساتىن قازاقستاننىڭ قا­رىش­تى قادامىنىڭ قۇجات ءتۇرىن­دەگى كورىنىسى دەۋگە دە بولادى. وتكەن سەيسەنبى كۇنى قازاقستان العاش رەت بۇۇ قاۋىپسىزدىك كە­ڭەسىنىڭ تۇراقتى ەمەس مۇشەسى رەتىندە ونىڭ «شيەلەنىستەردىڭ الدىن الۋ جانە بەيبىتشىلىكتى ساقتاۋ» تاقىرىبىنداعى اشىق پىكىرتالاسىنا قاتىسقانى بەلگىلى. وسى پىكىرتالاس كەزىندە قازاقستان پرەزيدەنتىنىڭ ۇندەۋى وتىرىس قاتىسۋشىلارىنىڭ جوعارى باعاسىنا يە بولعانى ءارى وسى ۇندەۋدى بۇۇ قك-ءنىڭ رەسمي قۇجاتى رەتىنە تىركەۋ تۋرالى شەشىم قابىلدانعانى دا تەكتەن تەك ەمەس. بۇل, بىرىنشىدەن, ساياسي ۇندەۋدىڭ سالماعى مەن ماڭىزىنىڭ جانە وزەكتىلىگىنىڭ باستى بەلگىسى. بەيبىتشىلىك جانە قاۋىپسىزدىك پەن دامۋ ۇعىمدارىن ءبىر-بىرىنەن بولە-جارا قاراۋعا بولمايدى. بۇل ۇشەۋى قاشاندا ءبىر-بىرىمەن ۇندەسىپ جانە ءبىرىن-ءبىرى تولىقتىرىپ وتىرادى. قازاقستان پرەزيدەنتىنىڭ ساياسي ۇندەۋى سونىڭ ءبارىنىڭ بايلانىستىلىعىن ءدال ءارى ناقتى تۇردە تۇجىرىمداي بىلۋىمەن قۇندى دەپ بىلەمىز. حايدار قاپانوۆ, ساياساتتانۋشى