قىتاي ۇلكەن دەلەگاتسيامەن كەلەدى

قىسقى ۋنيۆەرسياداعا كەلەتىن قىتاي مەملەكەتى ءوز تاري­حىندا تۇڭعىش رەت الماتىعا ەڭ كوپ سپورتشى اتتان­دىرۋعا بەل بايلاپ وتىر. جاستار اراسىنداعى سپورت دوداسىنا بۇل ەلدەن 119 سپورتشى ستۋدەنت قاتىساتىن بولادى. اسپاناستى ەلىنىڭ وكىلدەرى ۋنيۆەرسيادا-2017 ويىندارىندا 12 قىسقى سپورت تۇرىنەن جۇلدەلى ورىندارعا تالاسادى. ال بۇل دەرەكتەر 2017 جىل­­دىڭ 5 قاڭتارىندا حار­بين­دەگى سپورت ۋنيۆەرسيتەتىندە الما­تىداعى ستۋدەنتتىك ويىن­دارعا قاتى­ساتىنداردىڭ ەسىم­دەرى جاريا­لانعاننان كەيىن ايان بولدى. كورشى ەلدىڭ سپورتشىلارى قى­تايدىڭ 7 پروۆينتسياسى مەن اۆتو­نوميالىق ايماعىندا ورنا­لاسقان 17 ۋنيۆەرسيتەتتىڭ ستۋدەنت­تەرى بولىپ تابىلادى. وسى­لايشا قىتاي بۇكىل تاريحىندا ەڭ كوپ سپورتشى سانىن وسى ستۋدەنتتىك سپورت دەلەگاتسياسى قۇرامىندا جىبەرۋگە شەشىم قابىلداعان. قىتايدىڭ ستۋدەنتتىك سپورت فەدەراتسياسى ءوز سپورت­شى­­لا­رىنىڭ الەۋەتىن جوعا­رى باعا­لاپ, مىقتى قۇراما جينال­عانىن ايتادى. قىتايلىقتار الما­تىداعى قىسقى ۋنيۆەر­سيا­دا كەزىندە 12 سپورت تۇرىنەن 60-تان اسا جارىسقا قاتىساتىن بولادى. قازاقستان ءباسپاسوز كلۋبى تاراتقان اقپارات كوزدەرىنىڭ حابارلاۋىنشا, ۋنيۆەرسيادا-2017 ويىندارى كەزىندە قىتاي سپورت دەلەگاتسياسىنا جەتەكشىلىك ەتەتىن يانگ ليگۋو سپورتتاعى جەتىس­تىكتەرمەن قاتار, ءارتۇرلى ەل­دەردىڭ جاستارى اراسىنداعى دوس­تىق قاتىناس اسا ماڭىزدى ەكە­نىن, سونداي-اق دوستىقتىڭ ىرگە­تاسى وسىندا قالاناتىنىن اتاپ ءوتتى. – ءبىزدىڭ سپورتشىلار قازاق­ستان مادەنيەتىمەن تانىسىپ, شەتەلدىك جاستارمەن دوستىق باي­لانىستار ورناتا­دى دەپ ءۇمىت­تەنەمىن. قابىل­داۋشى جاق كۇندە دەرلىك بىرلەس­كەن كەزدە­سۋ­لەردى ۇيىمداس­تى­راتىن­دىقتان, ءتۇرلى ەلدەردەن كەلگەن جاستار ءبىر-بىرىمەن دوستاسىپ كەتەدى دەپ ويلايمىن, – دەدى يانگ ليگۋو. سول سياقتى قىتايدىڭ سپورت­­تاعى جاس دارىندارى ءوز ەل­دە­­رىن­دەگى 300 ميلليوننان اسا تۇر­عى­­نىن شاڭعى مەن كونكيدى ۇيرە­­نۋگە جىگەرلەندىرمەك كورى­نەدى. ۋنيۆەر­سيادا-2017 قاتى­سۋ­شى­لارى قى­تايداعى كوللەدج­دەر مەن ۋنيۆەرسيتەتتەردە قىسقى سپورت تۇرلەرىن ناسيحات­تاۋدى جالعاستىرادى. قىتاي­دىڭ ستۋدەنتتىك سپورت فەدەرا­تسياسى دا سپورتشىلاردىڭ وسى يدەياسىن قولداي وتىرىپ, ەل اۋماعىنداعى وقۋ مەكە­مەلەرىندە قىسقى سپورت تۇرلەرى بويىنشا جارىستاردى ءجيى وتكىزىپ تۇرماق. ايناش ەسالي, «ەگەمەن قازاقستان» الماتى