كەلىنى جاقسىنىڭ – كەرەگەسى التىن

وسى ءسوزدىڭ توركىنىندە تە­رەڭ ءمان جاتىر. ويتكەنى, شا­ڭى­راقتىڭ بەرىكتىگى, وتبا­سىن­داعى ىنتىماق, باردىڭ باعا­سىن ءبىلۋ, ۇلاعاتتى ۇرپاق تار­بيە­لەۋ, ءبارى-ءبارى كەلىندەردىڭ بو­يىنداعى جاقسى قاسيەت­تەر­مەن استاسىپ جاتاتىنى انىق. دەمەك, ادەپتى كەلىن اۋىلدىڭ كوركى, اعايىن-تۋىستىڭ ۇيىتقىسى. وسى ماسەلەلەردىڭ استارى­نا ۇڭىلگەن اقشي اۋىلىنىڭ جۇرت­شىلىعى «پاي-پاي, قازاق­تىڭ كەلىندەرى-اي!» بايقاۋىن وتكىزىپ, وعان وسىنداعى ون ساۋ­ساعىنان ونەرى تامعان, حالقى­مىز­دىڭ باي ءداستۇرى مەن سال­تىن ساقتاۋدا وزگەلەردەن ەرەكشەلەنگەن كەلىندەر قاتىس­تى­رى­لىپتى. مادەنيەت ۇيىنە جينالعان­دار ۇستازدار نۇرجان جۇما­حان, ساۋلە وتەمۇراتوۆا, ءۇي شا­رۋاسىنداعى سالتانات ومە­شو­ۆا, مەيىربيكە اسەم جاپاەۆا جانە اۋىل اكىمدىگىنىڭ قىز­مەتكەرى نۇرسۇلۋ ءۋايىسوۆا تاعى باسقالارى كۇندەلىكتى تىرشىلىكتەگى ايەل قاۋىمىنا ءتان تۇر­مىستىق مالەلەلەردەن باستاپ, ونەرلەرىن, پاراسات-پايىم­دارىن ورتاعا سالدى. «بەسىككە تۇسكەن بوپەگە, ەسىككە دەيىن ەن دۇنيە» دەمەكشى, كەلىندەر ءوزىن-ءوزى تانىستىرۋدان باس­تاپ, قازاقتىڭ ۇمىتىلىپ بارا جاتقان داستۇرلەرىن, ۇلتتىق كيىم, ماقال-ماتەل جارىسى, قازاقتىڭ باي داس­تارقانى مەن قولونەر ءتا­رىزدى ءتۇ­يىن­دى ماسەلەلەردى ءار قىرىنان كور­سەتىپ, ۇمىتتەرىن ۇكىلەدى. جالپى اقشي اۋىلى قازاقي قالپىمەن تانىلاتىندىعىن ەسكەرسەك, ۇمىتكەرلەر شەتتەرىنەن ونەرلى, ءبىلىمدى, سالت-داستۇرگە جە­تىك ەكەندىكتەرىن تانىتتى. اري­نە مۇنداي سىنعا ەكىنىڭ ءبىرى تاۋەكەل ەتپەسى انىق قوي. كورەرمەندەر ءار كەلىنگە ورىن­دى باعالارىن بەرىپ, قوناعىمەن اجارلى, بالاسىمەن بازارلى, ءارى بايقاۋ تالاپتارىنان سۇرىنبەي وتكەن سالتانات «ۇلگىلى كەلىن», نۇر­جان «شەبەر كەلىن», ساۋلە «يناباتتى كەلىن», نۇرسۇلۋ «ونەرلى كەلىن», اسەم «ىسمەر كەلىن» اتانىپ, باقتارى جاندى. ءبىر قىزىعارلىعى, نۇرجان ءوزىن-ءوزى تانىستىرۋ كەزىندە وز­گەلەردەن ەرەكشەلەنۋىمەن قا­تار ۇمىتىلا باستاعان ۇزا­تى­لاتىن بويجەتكەننىڭ اۋجار مەن سىڭسۋ ايتۋىن ادەمى ورىن­داپ, تۋعان-تۋىس, اتا-اناعا دەگەن جۇرەك ءلۇپىلىن شەبەر جەتكىزدى. ول دومبىرامەن سازگەر نۇرعيسا تىلەنديەۆتىڭ «اققۋ» كۇيىن ورىنداپ, سۋرەت سالۋداعى شەبەرلىگى جانە ءتۇرلى-ءتۇستى سىر­ماق تەكەمەتتەرى دە كوپ­شىلىكتى قىزىقتىردى. كەلىنى جاقسىنىڭ – كەرەگەسى التىن دەگەن وسى. جالپى وتباسىنىڭ ىن­تى­ماعى جايلى كوپ ايتقاننان گورى وسىنداي ەل جۇرەگىنەن ورىن الاتىن شارالاردىڭ انا­عۇرلىم ءتيىمدى ەكەنىنە كوپشى­لىك تاعى ءبىر كوز جەتكىزدى. كۇمىسجان بايجان. الماتى وبلىسى.