ەڭ جاقسى ەم – ەڭبەك تەراپياسى

تاۋەلسىزدىك العان جيىر­ما بەس جىل ىشىندە ەگەمەن ەلىمىز ادام قۇقىقتارى مەن بوستاندىقتارىن, سونداي-اق مۇگەدەكتەردىڭ مۇددەسىن قورعاۋعا بايلانىستى ناقتى جەتىستىكتەرگە جەتتى. ونىڭ ايقىن كورىنىسى – ورال قالا­سىنىڭ شەتىندە ورنا­لاسقان «كرۋگلووزەرنىي پسيحو­نەۆرو­لوگيالىق مەدي­تسينالىق الەۋمەتتىك مەكەمەسى». 2010 جىلدان باستاپ مەكەمەدە الەۋمەتتىك باعىتتا كوپ­تەگەن شتات اشىلىپ, ولار تابىستى قىزمەت كورسەتىپ كەلەدى. ماماندار سەگىز باعىت بويىنشا جۇمىس اتقارادى. اتاپ ايتساق, الەۋمەتتىك مەديتسينالىق با­عىتتىڭ ماقساتى – قام­قور­لىققا الىنعان ادام­داردىڭ دەنساۋلىق جاعدايىن, ەمدىك ءىس-شارالاردىڭ ۋاقتىلى ءارى ساپالى بولۋىن باقىلاۋ. ال الەۋمەتتىك پسي­حولوگيالىق باعىتتا جۇمىس ىستەيتىن ماماندار ەمدە­لۋ­شى­لەرگە پسي­حولوگيالىق قول­داۋ كور­سەتەدى, ولاردىڭ قا­جەت­تى­لىگىن انىقتاپ, قوعام ءومى­رىنە كىرى­گۋىنە كومەكتەسەدى, پسي­حولوگيالىق فاكتورلارمەن ءتۇسى­نىك بەرەدى. الەۋمەتتىك ءبىلىم بەرۋ باعىتىنىڭ ماقساتى – ەم­دەلۋشىلەردىڭ دامۋى­نا كومەك كور­سەتۋ, ولاردى سپورت­تىق سايىس­تارعا قاتىس­تىرىپ, ويىن­دار مەن ساباقتار وتكىزۋ. الەۋمەتتىك مادەني با­عىت بويىنشا ءارتۇرلى مەرە­كەلىك شارالار, ويىن-ساۋىق ۇيىم­داستىرىلادى. الەۋمەتتىك تۇرمىستىق باعىتتاعى مامان­داردىڭ نەگىزگى ماقساتى – ەم­دە­لۋشىلەردىڭ تۇرمىستىق جاع­دايىنىڭ دۇرىس بولۋىن قا­داعالاۋ, ولاردىڭ كۇتىمى, ەمى مەن دامۋىنا بايلانىستى تۋعان-تۋىسقاندارىنا كەڭەس بەرۋ. ال, الەۋمەتتىك ەڭبەك باعىتىنىڭ پايداسى وتە جوعارى. ونى «ەڭ­بەك تەراپياسى» دەپ تە اتايدى. قامقورلىققا الىنعان ادامدار تىگىن تسەحىندا, شەبەرحانالاردا ەڭبەككە داعدىلانادى. الەۋمەتتىك قۇقىقتىق باعىت بويىنشا جۇمىس ىستەيتىن ماماندار قۇقىقتىق كەپىلدىكتەر تۋرالى كەڭەس بەرەدى. الەۋمەتتىك-ەكونوميكالىق باعىتتاعى ماماندار بۇگىنگى نا­رىقتىق قاتىناستار مەن دەمو­كراتيالىق قوعامنىڭ قاعي­دالارى مەن ەڭبەك قىزمەتىنە, وندىرىسكە ەكونوميكالىق تالداۋ جاسايدى. وسى سەگىز باعىت بويىنشا الەۋمەتتىك جۇمىس جونىندەگى مامانداردىڭ جەتىستىكتەرى دە جوق ەمەس. قامقورلىققا الىنعان ادامداردى ۋاقتىلى سكرينينگ ءادىسى ارقىلى تەكسەرىپ, قاتەرلى اۋرۋلاردىڭ باستاپقى كەزەڭىندە ەمدەپ, ءومىر جاسىن ۇزارتۋعا سەپ بولعان ماماندار دا بار. ەڭبەك تەراپياسى بويىنشا تىگىن تسەحىندا جۇمىس ىستەپ, شەبەرلىگىمەن كوزگە ءتۇسىپ, ماقتاۋ قاعازدارىنا يە بولىپ جۇرگەن اياكوز كەن­جەتاەۆا, اعاشتان ءتۇرلى ءمۇسىن جاسايتىن جادىگە بايمۇحانوۆ, مادەني شارالارعا قاتىسىپ, اۋەلەتە ءان سالىپ, جۇلدەگەرلەر ساپىنان كورىنىپ جۇرگەن قارا­شاش سارباەۆا مەكەمەنىڭ ماق­تانىشتارى. قامقورلىققا الى­نعان ادامدار ەڭبەككە داع­دىلانۋ, ءوز قولدارىمەن باۋ-باقشا, گۇل وتىرعىزۋ ارقىلى وزدەرىنىڭ قوعامعا قاجەت ەكەنىن سەزىنەدى, جاقسى ادامداردىڭ جانىندا جۇرگەنىن تۇيسىنەدى. ارينە, وسىنىڭ ءبارى مە­كەمە ديرەكتورى قايرە­دەن جاق­سى­عۇلوۆتىڭ ۇيىمداستىرۋ­شىلىق قابىلەتىنىڭ ارقاسىندا مۇمكىن بولىپ وتىر. ونىڭ ورىنباسارى اسەم داناعۇلوۆا دا جۇمىستىڭ جاي-جاپسارىن جاقسى بىلەتىن مىقتى مامان. مۇمكىندىگى شەك­­تەۋلى جان­داردىڭ قوعامعا بەيىم­دەلۋى جو­لىندا اسىلبەك قادىر­بەكوۆ, ماي­را حايرانوۆا جانە باسقا دا مامانداردىڭ قوسقان ۇلەسى زور. بولعاناي بەكماشەۆا   باتىس قازاقستان وبلىسى