گەولوگيالىق بارلاۋ جۇمىستارىن قارجىلاندىرۋ كوبەيەدى

كەن ورىندارىن بارلاۋعا بولىنەتىن قارجى كولەمىن ۇلعايتۋ ماسەلەسى ينۆەستيتسيالار جانە دامۋ مينيسترلىگىندە قارالىپ جاتىر, دەپ حابارلايدى egemen.kz 24.kz - كە سىلتەمە جاساپ. قۇزىرلى ورگان باسشىسى بۇعان قازىنادان قارجى سۇرامايمىز دەپ وتىر. كەرىسىنشە, قولدانىستاعى كەيبىر باعدارلامالار ماڭىزدىلىعىنا قاراي سارالانىپ, گەولوگيالىق بارلاۋعا باسىمدىق بەرۋ كوزدەلەدى. مينيسترلىك الدىمەن بارلاۋ جۇمىستارىن وتكىزىپ, كەيىن دايىن جوبالاردى ترانسۇلتتىق كومپانيالارعا ۇسىنۋدى جوسپارلاپ وتىر. ءدال وسى جاڭاشىلدىقتار ەنگىزىلگەن جەر قويناۋى تۋرالى كودەكس جوباسى كەلەر جىلى پارلامەنت قاراۋىنا ۇسىنىلادى. "بارلاۋ جۇمىستارىنا كەتەتىن شىعىننىڭ 10%-ىن مەملەكەت كوتەرىپ, قالعان 90%-ىن ءىرى كومپانيالار ءوز موينىنا السا, وندا ءبىز كەن ورىندارىن ينۆەستورلارعا نارىقتاعى باعامەن ساۋدالاي الامىز. بۇگىنگى تاڭدا «قازگەولوگيا» كومپانياسىمەن بىرلەسە جۇمىس جاساپ جاتقان 7 ءىرى ترانسۇلتتىق كومپانيا بار. بۇل ماسەلە سول كومپانيالارمەن كەلىسە وتىرىپ شەشىلۋدە. سوندىقتان ءبىز گەولوگيالىق بارلاۋ جۇمىستارىنىڭ ەڭ باستاپقى كەزەڭدەرىندە مەملەكەتتىك قارجىلاندىرۋدى ارتتىرۋدى قاراستىرىپ جاتىرمىز", - دەدى قر ينۆەستيتسيالار جانە دامۋ ءمينيسترى جەڭىس قاسىمبەك.