اقتوبەدە گىر سپورتىنان الەم بىرىنشىلىگى ءوتىپ جاتىر. جارىسقا الەمنىڭ 37 ەلىنەن 440 سپورتشى قاتىسادى. ولاردىڭ اراسىندا رەسەي, اقش, انگليا, گەرمانيا, اۆستراليا, ۇندىستەن جانە وڭتۇستىك افريكا سياقتى ەلدەر بار.
الەم چەمپيوناتىنىڭ اشىلۋ سالتاناتىندا وبلىس اكىمى بەردىبەك ساپارباەۆ: «تاۋەلسىزدىكتىڭ 25 جىلدىعى قارساڭىندا الەمدىك دەڭگەيدەگى سپورت جارىسىن وتكىزۋ ءوڭىر ءۇشىن ۇلكەن قۇرمەت. تاۋەلسىزدىك جىلدارى قازاقستان سپورتتا دا بەدەرلى بيىكتەن كورىنىپ ءجۇر. ەلباسىنىڭ ساياساتىنىڭ ارقاسىندا سپورت ەلىمىزدە ارقاشان باسىمدىققا يە بولىپ كەلەدى», - دەدى.
الەم بىرىنشىلىگىنە دايىندىق شتابىنىڭ جەتەكشىسى ۆلاديمير كورەنكوۆتىڭ ايتۋىنشا, جارىس وتەتتىن «قونىس» سپورت سارايى جوندەۋدەن وتكىزىلگەن. بىرىنشىلىكتى وتكىزۋگە وبلىستىڭ وننان استام ءىرى كاسىپورىندارى دەمەۋشىلىك كورسەتكەن. ءبىر عانا اقتوبە وبلىسىنان جارىسقا 18 سپورتشى قاتىسادى.
ساتىبالدى ءساۋىرباي,
«ەگەمەن قازاقستان»
