«قاراپ وتىرساق, ويماقتاي عانا وسەتيادان وسى كۇنگە دەيىن كۇرەستەن 14 وليمپيادا چەمپيونى شىعىپتى. قازاقستان تۇگىلى جامبىل وبلىسىنان 3-4 ەسە كىشكەنتاي عانا ەلدىڭ كۇرەسكە, سپورتقا دەگەن قۇلشىنىستارى ەرەكشە. جانە وسەتيا بيلىگى دە سوعان ساي جاعداي جاساپ وتىر. مىنە, وسىنداي جاناشىرلىقتى سوڭعى كەزدەرى جامبىل وبلىسىنان كورىپ ءجۇرمىن. بۇل ءوڭىر باسشىلىعى سپورتتىڭ وسى تۇرىنە كوپ جاعداي جاساعان. ارنايى زال, مەكتەپ بار. جاستاردىڭ دا قىزىعۋشىلىعى جوعارى. مەن جامبىل جەرىنىڭ جاس بالۋاندارىنان كوپ ءۇمىت كۇتەمىن». ەلىمىزدەگى گرەك-ريم, ەركىن جانە ايەلدەر كۇرەسى فەدەراتسياسىنىڭ ايماقتىق دامۋ جونىندەگى ۆيتسە-پرەزيدەنتى باۋىرجان وسپانوۆ تارازعا كەلگەن ءبىر ساپارىندا وسىلاي دەپ اعىنان جارىلعانى بار ەدى. مىنە, سونىڭ دالەلىندەي بيىل تۇرىكمەنستاندا سامبو كۇرەسىنەن جاستار مەن ەرەسەكتەر اراسىندا وتكەن ازيا چەمپيوناتىندا اقتولقىن سماعانبەتوۆا مەن ارايلىم شەگەنوۆا ءبىرىنشى ورىن, داۋلەت احمەت ەكىنشى, لەيلا اقمولدا ءۇشىنشى ورىندى يەلەندى. ال, جاسوسپىرىمدەر اراسىندا VI حالىقارالىق «ازيا بالالارى 2016» سپورتتىق ويىندارىندا ەركىن كۇرەستەن نۇرتىلەك وڭداش 42 كيلو سالماق دارەجەسىندە ءى ورىن السا, دزيۋدودان 81 كيلو سالماق دارەجەسىندە ءىزباسار ەراليەۆ جانە 52 كيلودا راۋزا نۇرماحاممەتوۆا ءىىى ورىنعا تابان تىرەدى. ال ەركىن كۇرەستەن ەستۋ قابىلەتى تومەن تۇلعالار اراسىندا وتكەن الەم چەمپيوناتىندا (يران) جاسوسپىرىمدەر اراسىندا عاسىر تۇرعانباي – ءىى ورىن, جاستار اراسىندا عالىمبەت مولداشەۆ – ءىىى ورىن, ەرەسەكتەر اراسىندا عابيت ەسجانوۆ پەن نۇرسۇلتان دۇيسەمبيەۆ ءوز سالماق دارەجەلەرىندە ءىىى ورىندارعا يە بولدى.
سونداي-اق, ەلباسى ن.ءا.نازارباەۆتىڭ جۇلدەسى ءۇشىن وتكەن رەسپۋبليكالىق تۋرنيردە بەيبىت ىستىباەۆتىڭ ءۇشىنشى مارتە «قازاقستان بارىسى» اتانىپ جانە ريو-دە-جانەيرو (برازيليا) قالاسىندا وتكەن حححI جازعى وليمپيا ويىندارىندا دزيۋدودان ەلدوس سمەتوۆتىڭ كۇمىس جۇلدەگە قول جەتكىزگەنى دە جامبىل جەرىندە وسى سپورت تۇرلەرىنىڭ وتە قارقىندى دامىپ جاتقانىن بايقاتسا كەرەك. بۇل بايراقتى باسەكەگە وبلىستان 5 سپورتشى قاتىستى. ولار – بوكستان ولجاس ساتتىباەۆ, دزيۋدودان ەلدوس سمەتوۆ, تاەكۆوندودان رۋسلان جاپاروۆ, جەڭىل اتلەتيكادان ميحايل كراسيلوۆ پەن سۆەتلانا گولەندوۆا. ال ءزۇلفيا عابيدۋللينانىڭ XV جازعى پاراليمپيادا ويىندارىندا 100 مەتر قاشىقتىقتا ەركىن جۇزۋدە ەل تاريحىندا تۇڭعىش رەت پاراليمپيادا چەمپيونى اتانعانى بارىمىزگە بەلگىلى.
جالپى العاندا وبلىس سپورتشىلارى بيىل الەم, ازيا چەمپيوناتتارى مەن كۋبوكتارىندا 71 مەدالعا (ونىڭ ىشىندە 34 التىن, 19 كۇمىس جانە 18 قولا), قازاقستان رەسپۋبليكاسى چەمپيوناتتارى مەن كۋبوكتارىندا 588 مەدالعا (ونىڭ ىشىندە 203 التىن, 177 كۇمىس جانە 208 قولا) جانە حالىقارالىق تۋرنيرلەردە 69 مەدالعا (ونىڭ ىشىندە 28 التىن, 18 كۇمىس جانە 23 قولا) قول جەتكىزدى.
اتاپ ايتار بولساق, ۆەلوسپورتتان ازيا چەمپيوناتىندا (جاپونيا) ءدىنمۇحامەد ۇلىسباەۆ چەمپيون اتانىپ, الەم كۋبوگىنىڭ (شۆەيتساريا) 2 كەزەڭىنىڭ قورىتىندىسى بويىنشا ءىى ورىنعا يە بولدى. ال قول كۇرەسىنەن ينتەركونتينەنتال چەمپيوندىق بەلبەۋى PAL (Professional Arm Wrestling League) ءۇشىن جارىستا (اقش) ءابسوليۋتتى سالماق دارەجەسىندە دميتري ترۋبين ينتەركونتينەنتال چەمپيونى تيتۋلىن جەڭىپ, وسى بەلبەۋ يەگەرى اتاندى. پاراتاەكۆوندودان مۇمكىندىگى شەكتەۋلى سپورتشىلار اراسىندا اشىق ازيا چەمپيوناتىندا (فيليپپين) ءومىرالى نىشان جەڭىمپاز اتاندى. اقتوبە قالاسىندا وتكەن جۇزۋدەن ەرەسەكتەر اراسىندا قازاقستان رەسپۋبليكاسىنىڭ چەمپيوناتىندا 7 قاشىقتىقتا ەلميرا يبرايم-ايعاليەۆا 7 التىن مەدال ولجالادى.
بۇگىنگى تاڭدا بۇقارالىق سپورتتى دامىتۋ ماقساتىندا دا بىرقاتار اۋقىمدى ىستەر جۇزەگە اسىرىلۋدا. وڭىردە دەنەشىنىقتىرۋ جانە سپورتپەن جۇيەلى تۇردە شۇعىلدانۋشىلار قاتارى 26,1 پايىزعا (290,4 مىڭ ادام) جەتتى. بيىلعى جىلدىڭ قىركۇيەگىنە دەيىن وبلىس بويىنشا 1973 سپورتتىق ءىس-شارا وتكىزىلىپ, وعان 348 مىڭنان استام ادام تارتىلدى. جىل باسىنان تاۋەلسىزدىكتىڭ 25 جىلدىعىنا وراي, قازاقستان پرەزيدەنتى جۇلدەسىنە ارنالعان قازاق كۇرەسىنەن «قازاقستان بارىسى» رەسپۋبليكالىق تۋرنيرىنە اۋىلدىق, اۋداندىق جانە وبلىستىق ىرىكتەۋ جارىستارى, مەكتەپ وقۋشىلارى اراسىندا مەكتەپ ليگاسى, «التىن ساقا» وبلىستىق ءتۋرنيرى, «اكە, انا جانە مەن» سپورتتىق وتباسىلىق ويىندارىنىڭ اۋىلدىق, اۋداندىق ىرىكتەۋ جارىستارى, وبلىستىق جەرگىلىكتى اسكەري باسقارۋ ورگاندارىنىڭ قىزمەتكەرلەرى اراسىنداعى سپارتاكياداسى, قازاقستان رەسپۋبليكاسى سۋديالار وداعىنىڭ رەسپۋبليكالىق ايماقتىق سپارتاكياداسى, مەملەكەتتiك قىزمەتشىلەر كۇنىنە وراي وبلىستىق سپارتاكياداسى جانە تاعى باسقا كوپتەگەن ءىس-شارالار وتكىزىلدى.
سونىڭ ىشىندە, اسىرەسە, «كوشە ويىندارى – 2016» جانە «اۋلا ويىندارى – 2016» وبلىس چەمپيوناتتارىن ايرىقشا اتاپ وتۋگە بولادى. اۋلا ويىندارى سپورتتىڭ 5 ءتۇرى بويىنشا وتكىزىلدى. جالپى جارىستىڭ ءبىرىنشى كەزەڭىنە 13 مىڭنان استام سپورتشى, اۋداندىق, قالالىق ىرىكتەۋ جارىستارىنا (2-كەزەڭى) 2,5 مىڭنان استام سپورتشى, ال, وبلىستىق ىرىكتەۋ جارىسىنا 150-گە جۋىق جاسوسپىرىمدەر مەن جاستار قاتىستى. ال كوشە ويىندارىنىڭ وبلىس چەمپيوناتى سپورتتىڭ 6 ءتۇرى بويىنشا وتكىزىلىپ, جارىستىڭ اۋداندىق ىرىكتەۋ كەزەڭىنە 1700, وبلىستىق ىرىكتەۋ جارىسىنا 500-گە جۋىق سپورتشى قاتىستى.
بۇگىندە وبلىستا 2016 سپورت نىسانى بار. وبلىس بويىنشا تۇرعىنداردىڭ سپورتپەن جۇيەلى تۇردە شۇعىلدانۋ ءۇشىن قولجەتىمدى 1024 سپورت نىسانى انىقتالدى. ونىڭ 398-ءى تاراز قالاسىندا, 626-سى اۋدانداردا ورنالاسقان. بۇل نىسانداردا تۇرعىنداردىڭ سپورتپەن شۇعىلدانۋى ءۇشىن ارنايى كەستەلەر جاسالىپ, ول جەرگىلىكتى بۇقارالىق اقپارات قۇرالدارىندا جاريالاندى. سونىمەن قاتار, ساباقتان تىس بوس ۋاقىتتا ورتا مەكتەپتەردىڭ سپورت زالدارىن پايدالانۋ ءۇشىن جامبىل وبلىسى اكىمدىگىنىڭ دەنەشىنىقتىرۋ جانە سپورت, ءبىلىم باسقارمالارى, تاراز قالاسى مەن اۋدان اكىمدىكتەرى اراسىندا 3 جاقتى مەموراندۋم جاسالدى. دەمەۋشىلەر تاراپىنان قورداي اۋدانىنىڭ قاراكەمەر اۋىلىندا جاڭا سپورت نىسانى ەسىگىن ايقارا اشتى. ەندى جاقىندا شۋ قالاسىندا سالىنىپ جاتقان سپورت نىسانى دا پايدالانۋعا بەرىلەدى.
تاراز قالاسىندا 7 ستريتۆوركاۋت كوشە سپورت قوندىرعىلارى ورناتىلدى. قازىرگى تاڭدا وبلىستا مۇمكىندىگى شەكتەۋلى ادامداردىڭ سانى 33 643 ادامدى قۇرايدى, سونىڭ ىشىندە 707 ادام نەمەسە 2,1 پايىزى سپورتتىڭ ءار تۇرىمەن شۇعىلدانۋدا. جالپى العاندا, 2013 جىلى قۇرىلعان دەنە مۇمكىندىگى شەكتەۋلى ادامدارعا ارنالعان سپورت كلۋبى بۇگىندە تابىستى قىزمەت اتقارىپ كەلەدى. ءبىزدىڭ بۇل اراداعى باستى ماقساتىمىز – تاعدىردىڭ اۋىر جولى يىقتارىنا تۇسكەن مۇمكىندىگى شەكتەۋلى ازاماتتاردىڭ ومىردەن ءوز ورىندارىن تاۋىپ, سپورتپەن تۇراقتى اينالىسۋلارىنا قامقورلىق جاساۋ, العان نيەتتەرىنە قولداۋ كورسەتۋ. سپورت كلۋبى اشىلعاننان بەرى ۋاقىتتا كلۋب مۇشەلەرى جازعى پاراليمپيا جانە سۋردليمپيالىق ويىندارىندا 2 التىن مەدالدى جەڭىپ الدى. ولار جۇزۋدەن ءزۇلفيا عابيدۋللينا جانە ەركىن كۇرەستەن عابيت ەسجانوۆ. الەم چەمپيوناتتارىندا 1 التىن, 3 كۇمىس, 9 قولا مەدالداردى جەڭىپ الدى. باسقا دا حالىقارالىق جارىستاردا, ونىڭ ىشىندە بۇكىلدۇنيەجۇزىلىك ويىندارىندا, ەۋروپا چەمپيوناتتارىندا, شەت مەملەكەتتەردىڭ اشىق چەمپيوناتتارى مەن كۋبوكتەرىندە 31 التىن, 13 كۇمىس, 11 قولا مەدالدى جەڭىپ الدى. بۇل – ۇلكەن جەتىستىك.
وبلىستا 45 سپورت مەكەمەسى جۇمىس اتقارادى. قازىرگى ۋاقىتتا وبلىستىڭ سپورت مەكەمەلەرىندە سپورتتىڭ 43 ءتۇرى قامتىلعان. ءبىر سوزبەن ايتقاندا, بۇل باعىتتا وڭىردە ماقساتتى جۇمىستار جۇرگىزىپ كەلەمىز.
گاملەت قايناربەكوۆ,
جامبىل وبلىستىق دەنەشىنىقتىرۋ جانە سپورت باسقارماسىنىڭ باسشىسى
تاراز
