اباي تەاترى گرەكياعا گاسترولمەن بارادى

قازاقستان رەسپۋبليكاسى تاۋەل­سىزدىگىنىڭ 25 جىلدىعىنا وراي قازاقستاننىڭ گرەكياداعى ەلشىلىگى مەن گرەكيانىڭ قا­زاق­­ستانداعى ەلشىلىگى ەكى مەم­لەكەتتىڭ مادەنيەت جانە سپورت مينيسترلىكتەرىنىڭ قولداۋىمەن گرەكيا استاناسى – افينادا ءۇس­تى­­مىزدەگى جىلدىڭ 2 قازانىندا قازاقستان رەسپۋبليكاسىنىڭ ەڭبەك سىڭىرگەن قايراتكەرى اسقار بورىباەۆتىڭ باسشىلىعىمەن اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ گاسترولدەرى وتە­­تىن بولادى. گرەكيالىق كو­رەر­مەندەر نازارىنا ەكى بالەت ۇسىنۋ جوس­پارلانۋدا, ولار – « ۇلى دالا اڭىزدارى» (قازاق حاندىعىنىڭ 550 جىلدىعىنا ارنالعان) مەن ايگىلى ن.ريمسكي-كورساكوۆتىڭ «شاحەرەزاداسى». قويىلىمدار گرەكيانىڭ ەڭ تانىمال كونتسەرتتىك زال­دا­رىنىڭ ءبىرى سانالاتىن, وتكەن عاسىردىڭ 30-شى جىلدارى فرانتسۋز ارحيتەكتۋراسىنىڭ ەڭ ۇزدىك داستۇرىمەن سالىنعان «پاللاس تەاترىندا» وتەدى. گاس­ترولدەردىڭ باس دەمەۋشىسى – «كازكوممەرتسبانك» اق. «ەگەمەن-اقپارات»