ىزدەگەنگە – سۇراعان

وڭتۇستىك قازاقستان وبلىسىنىڭ قازىعۇرت اۋداندىق ءماسليحاتىنىڭ ءبىر توپ دەپۋتاتى سەناتور ءالي بەكتاەۆقا حات جولداپ, اۋدان ورتالىعىنداعى «شىعىس» شاعىن اۋدانىنداعى 250 گا جەرگە ينجەنەرلىك-كوممۋنيكاتسيالىق قۇرىلىس جۇمىسىن جۇرگىزۋ ءۇشىن 2,4 ملرد تەڭگەنى رەسپۋبليكالىق بيۋدجەتتە قاراستىرۋعا ىقپال ەتىڭىز دەگەن ءوتىنىش ايتقان ەدى. بۇگىنگى كۇنى قازىعۇرت ەلدى مەكەنىنىڭ وزىندە عانا 10 مىڭعا جۋىق ازامات تۇر­عىن ءۇي سالۋ ءۇشىن جەر الۋ­ كەزە­گىندە تۇر ەكەن. ەگەر اتال­عان جەرگە ينجەنەرلىك-كوم­­مۋ­ني­كاتسيا­لىق جەلىلەر تارتىلسا, 6 مىڭ­داي تۇر­عىننىڭ جەر الۋ ءوتىنىشى قانا­­عاتتاندىرىلماق­شى. ونىڭ 2,4 ملرد تەڭگەنى قۇرايتىن جو­با­­لىق-سمەتالىق قۇجاتتارى ءازىر­­لەنىپ, 2015 جىلدىڭ 9 قاڭ­­تارىن­دا مەم­لە­كەت­تىك ساراپتامانىڭ وڭ قورى­­تىن­دىسىن دا الىپ قوي­عان. ماسەلە تەك رەسپۋب­ليكا­لىق بيۋدجەتتەن ءبولى­نەتىن قارا­جاتقا عانا تىرەلىپ تۇر. ۇكىمەتتىڭ سوڭعى كەڭەي­تىلگەن وتى­رىسىندا ەلباسى نۇرسۇلتان نازارباەۆ «نۇرلى جەر» تۇرعىن ءۇي قۇرى­لىسى باعدارلاماسىن ءازىر­لەۋدى تاپ­سىرعان ەدى. وندا جەكە­مەن­شىك قۇرىلىسشىلار­دى ىن­تالاندىرۋ ءىسى­نە باسا كو­ڭىل ءبولۋ كەرەكتىگى اي­تىل­عان. ەل­باسى جەكە­مەنشىك ءۇي سالۋ­­شىلاردىڭ شىعىن­دا­رىن ازاي­تىپ, مەملەكەت ين­جە­نەر­لىك جانە الەۋ­مەت­تىك ينفرا­قۇرى­لىمداردىڭ قۇ­نىن ءوز موينىنا الۋ كەرەكتىگىن اتاپ ايت­­قان. بۇل بارلىق شىعىننىڭ 30 پا­­يى­­زىن قۇرايتىنى دا ەسكەرتىلگەن. مىنە, وسى باعدارلاما ءازىر­لەن­­سە, قازىعۇرتتىقتاردىڭ ءوتىنى­­شى دە ورىندالارى ءسوزسىز. ونىڭ ءۇس­تى­نە, سەناتورلار ءالي بەكتاەۆ پەن اسقار بەيسەنباەۆ وسى ماسەلەنى وڭ شەشۋ­دى سۇراپ, پرەمەر-مينيسترگە دەپۋتاتتىق ساۋال دا جول­داپتى. ەن­دى سەناتورلاردا بۇل ساۋال ىزدەگەن­گە – سۇراعان بولىپ, «نۇرلى جەر» باعدارلاماسىن ءازىر­لەۋ بارىسىندا ەسكەرىلەر دەگەن سەنىم زور. «ەگەمەن-اقپارات»