ءتورت پاراليمپياداشى سەنساتسيا جاسادى

ريو-دە-جانەيرودا ءوتىپ جات­قان پاراليمپيالىق ويىن­داردا بۇدان ءبىر اي بۇرىن وليم­پيادا جۇلدەگەرلەرى اتانعان­دار كورسەتكىشتەرىنەن دە ارتىق ناتيجەگە جەتىپ, سەنساتسيا جاسا­عان سپورتشىلار شىقتى. اتاپ ايتقاندا, 1 500 مەترگە جۇگىرگەن 4 ءبىر­دەي پاراليمپياداشى ويىن­داردا وسى قاشىقتىقتا چەمپيون بولعان 26 جاستاعى امەريكالىق مەتتيۋ تسەنتروۆيتسكە التىن مەدال الىپ بەرگەن ۋاقىتتان دا جىلدام جۇگىرىپ ءوتتى. وليمپيادادا باسەكە­لەس­تەرىنىڭ بارىنەن دەسى باسىم بولۋ ءۇشىن مەتتيۋگە 3:50,00 مينۋت جەتىپ جاتىر ەدى. ال ارادا اي وتكەن سوڭ سول قاشىقتىقتا العاشقى 4 ورىندى العان پاراليمپياداشى جىگىتتەردىڭ ءبارى دە بۇدان وزىق ناتيجە كورسەتتى. ايتالىق, پاراليمپيادانىڭ التىن مەدالىن جەڭىپ العان ال­جير­لىك ابدەللاتيف باكا بۇل مەجەنى 3:48,29 مينۋتتا باعىندىردى. ونىڭ سوڭىنداعى ەفيوپيالىق تاميرۋ دەميسسە 3:48,49 مينۋت كورسەتكىشىمەن – كۇمىس, كەنيا­لىق گەنري كيرۆا 3:49,59 مينۋت كورسەتكىشىمەن قولا مەدالدارعا قول جەتكىزسە, الجيرلىك فۋاد باكا 3:49,59 مينۋتپەن ءجۇل­دەسىز قالدى. بايقاپ وتىرعان بول­سا­ڭىز­دار, مۇنىڭ ءوزى ريودا توپ جارعان تسەنتروۆيتستى ارتتا قال­دىرىپ كەتەدى! ايتقانداي, وليمپيادادا وسى قاشىقتىقتا كۇمىس مەدال جەڭىپ العان دا ءالجيردىڭ ماحلۋفي تاۋفيك ەسىمدى اتلەتى ەدى. ول بۇعان 3:50,11 مينۋت ناتيجەسىمەن جەتتى. راس, تسەنتروۆيتستىڭ جەكە ۇزدىك كور­سەتكىشى بۇلاردىڭ بارىنەن ءال­دە­قايدا جوعارى – 3:30.40 مينۋت. دەگەنمەن, فاكتىنىڭ اتى فاكت. ولاردىڭ سول جولى مۇمكىن­دىگى شەكتەۋلى سپورتشىلاردان قالىپ قويعاندارى شىندىق.   رۋسلان يگىلىك