مادەنيەت كىتاپ وقۋدان باستالادى

بۇگىن ەلورداداعى تاۋەلسىزدىك سارايىندا «الەم. ءححى عاسىر. وقۋ ارقىلى رۋحاني ۇندەستىك پەن مادەنيەتكە» دەگەن تاقىرىپتا حالىقارالىق كىتاپحاناشىلار كونگرەسى جۇمىسىن باستادى. كونگرەسس جۇمىسىنا الەم جانە تمد ەلدەرى, اتاپ ايتقاندا رەسەي, مولدوۆا, گرۋزيا, ءازىربايجان, تاجىكستان, يران يسلام رەسپۋبليكاسى ۇلتتىق كىتاپحانالارىنىڭ وكىلدەرى, ەۋرازيا كىتاپحانالارى اسسامبلەياسى وكىلدەرى, عالىمدار, اقىن-جازۋشىلار مەن باسپاگەرلەر, مادەنيەتتانۋشىلار جانە كىتاپحاناشىلار قاتىسۋدا. العاشقى قۇتتىقتاۋ ءسوز مادەنيەت جانە سپورت ءمينيسترى ارىستانبەك مۇحامەدي ۇلى تاراپىنان ايتىلدى. ول شارانىڭ وتكىزىلۋى كىتاپحانالار اراسىنداعى مادەني, عىلىمي, جانە بىلىمدىك بايلانىستاردى نىعايتۋ جولىندا ەرەكشە ماڭىزعا يە بولاتىنىن اتاپ كورسەتتى. جيىننىڭ ماقساتى – قوعام نازارىن كىتاپحانالاردى دامىتۋ ماسەلەلەرىنە, مادەنيەتتىڭ اسا ماڭىزدى قۇبىلىسى رەتىندەگى وقۋعا اۋدارۋ, ەلەكتروندى اقپاراتتىق رەسۋرستاردى قالىپتاستىرۋ ماسەلەلەرى بويىنشا تاجىريبە الماسۋ جانە ونى اقپاراتتىق-كىتاپحانالىق مەكەمەلەردە پايدالانۋ, كىتاپحاناشى كاسىبىنىڭ ءيميدجىن كوتەرۋ. ەكى كۇندىك كونگرەسس جۇمىسىنا پلەنارلىق ءماجىلىس, ەلىمىزدە تۇڭعىش رەت وتكىزىلىپ وتىرعان ەۋرازيا كىتاپحانالارى اسسامبلەياسى مۇشەلەرىنىڭ ءحىح جالپى جينالىسى, «ءبىر ەل – ءبىر كىتاپ اكتسياسى» اكتسياسى. 2016 جىل كىتابى – «دۋلات باباتاي ۇلى شىعارمالارى», «حاكىم اباي دانالىعى» تاقىرىپتارىنداعى دارىستەر, «اباي» عىلىمي-زەرتتەۋ ينستيتۋتى شىعارعان كىتاپتاردىڭ تۇساۋكەسەرى جانە شىعىس قازاقستان وبلىستىق كىتاپحاناسىنىڭ «ءبىزدىڭ اباي» ەلەكتروندى كىتاپحاناسىنىڭ تانىستىرىلىمى, كىتاپ كورمەلەرى جانە بەس سەكتسيا كىرىستىرىلەدى. ايگۇل سەيىلوۆا فوتو: ورىنباي بالمۇرات