ريو وليمپياداسىندا دوپينگ قابىلداعاندار بەلگىلى بولدى

بۇكىلالەمدىك دوپينگكە قارسى اگەنتتىكتىڭ (WADA) دەرەكقورىن بۇزىپ كىرگەن Fancy Bear حاكەرلەر توبى ريو وليمپياداسىندا دوپينگ سىنامالارىنان تىيىم سالىنعان زاتتار تابىلعان سپورتشىلاردىڭ ءتىزىمىن كوپشىلىككە جاريا ەتتى. حاكەرلەر توبى بۇل ءتىزىمدى بۇگىن ءوز سايتتارىندا جاريالاعان. تىزىمدە وليمپيا ويىندارىندا 52 كەلى سالماقتا كۇمىس جۇلدە العان رەسەيلىك بوكسشى ميشا الويان بار. ينتەرنەت جەلىسىندە جاريالانعان قۇجاتتارعا سايكەس, 21 تامىزدا تاپسىرىلعان ونىڭ دوپينگ سىناماسىندا تۋامينوگەپتان انىقتالعان. ول – S6 ساناتىنا جاتاتىن تىيىم سالىنعان پرەپارات. رەسەي بوكسشىسىنان بولەك, تىزىمدە كەلەسى سپورتشىلاردىڭ اتى اتالعان: بەتاني ماتتەك-ساندس (اقش, تەننيس), بريتتني گرينەر (اقش, باسكەتبول), دجون كونگەر (اقش, ءجۇزۋ), داگمارا ۆوزنياك (اقش, سەمسەرلەسۋ), دياننا پرايس (اقش, جەڭىل اتلەتيكا), كەيتيلين بەيكەر (اقش, ءجۇزۋ), ماككۋين بەيرون (اقش, ءجۇزۋ), ميشەل كارتەر (اقش, جەڭىل اتلەتيكا), سەم دورمان (اقش, سۋعا سەكىرۋ), تەرۆەل دلاگنەۆ (اقش, كۇرەس), برەدلي ۋيگگينس ( ۇلىبريتانيا, ۆەلوسپورت), چارلي حالل ( ۇلىبريتانيا, گولف), كريستوفەر فرۋم ( ۇلىبريتانيا, ۆەلوسپورت), حيزەر فيشەر ( ۇلىبريتانيا, رەگبي-7), سەم تاۋنسەند ( ۇلىبريتانيا, اكادەميالىق ەسۋ), پەرنيلا بلۋم (دانيا, ءجۇزۋ), ناتاليا ماداي (پولشا, اكادەميالىق ەسۋ), پەترا كۆيتوۆا (چەحيا, تەننيس), روكسانا كوگيانۋ (رۋمىنيا, اكادەميالىق ەسۋ), روبەرت حارتينگ (گەرمانيا, جەڭىل اتلەتيكا), فرانتسيسكا حەنتكە (گەرمانيا, ءجۇزۋ), كريستينا وبەرگفەلل (گەرمانيا, جەڭىل اتلەتيكا), كريستيان فوم لەن (گەرمانيا, ءجۇزۋ), كريستيان رايحەرت (گەرمانيا, سۋ مارافونى). ايتا كەتەيىك, 13 قىركۇيەك كۇنى اتالعان حاكەرلەر توبى بۇكىلالەمدىك دوپينگكە قارسى اگەنتتىكتىڭ رۇقساتىمەن تىيىم سالىنعان پرەپاراتتاردى قابىلداعان سپورتشىلاردىڭ ءتىزىمىن جاريالاعان بولاتىن. ولاردىڭ اقپارىنشا, امەريكالىق تەننيسشىلەر سەرەنا مەن ۆينۋس ۋيليامستار, گيمناستشى سيمونا بايلز, سونداي-اق باسكەتبولشى ەلەنا دەللە دونن ءار كەزدەرى دوپينگ قابىلداعان. دوپينگكە قارسى اگەنتتىك دەرەكقورعا شابۋىل جاسالعانىن راستادى جانە ونى رەسەيلىك حاكەرلەر ۇيىمداستىردى دەگەندى العا تارتۋدا. كەيىنىرەك امەريكالىق دوپينگكە قارسى اگەنتتىك (USADA) سپورتشىلاردىڭ تىيىم سالىنعان زاتتاردى تەراپيالىق ماقساتتا قابىلداعاندارىن مالىمدەدى. ايدار ورىسباەۆ