قازاقستان رەسپۋبليكاسى ادىلەت مينيسترلىگىنىڭ بۇيرىعى  №103

  2016 جىلعى 29 اقپان, استانا قالاسى «نوتاريۋستاردىڭ نوتارياتتىق ءىس-ارەكەتتەر جاساۋ قاعيدالارىن بەكىتۋ تۋرالى» قازاقستان رەسپۋبليكاسى ادىلەت ءمينيسترىنىڭ 2012 جىلعى 31 قاڭتارداعى № 31 بۇيرىعىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ «نوتاريات تۋرالى» زاڭىنىڭ 32-بابىنىڭ 2) تارماقشاسىنا سايكەس بۇيىرامىن: 1. «نوتاريۋستاردىڭ نوتارياتتىق ءىس-ارەكەتتەر جاساۋ قاعيدالارىن بەكىتۋ تۋرالى» قازاقستان رەسپۋبليكاسى ادىلەت ءمينيسترىنىڭ 2012 جىلعى 31 قاڭتارداعى № 31 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7447 بولىپ تىركەلگەن, 2012 جىلعى 26 مامىرداعى «ەگەمەن قازاقستان» گازەتىندە جاريالانعان, № 154-156 (26973-26975)) مىناداي وزگەرىستەر مەن تولىقتىرۋلار ەنگىزىلسىن: وسى بۇيرىقپەن بەكىتىلگەن نوتاريۋستاردىڭ نوتاريات­تىق ءىس-ارەكەت جاساۋ قاعيدالارىندا: 1-تارماق مىناداي رەداكتسيادا جازىلسىن: «1. وسى قاعيدالار: 1) مامىلەلەردى كۋالاندىرۋ; 2) م ۇلىكتى يەلىكتەن شىعارۋ تۋرالى شارتتاردى كۋالاندىرۋ; 3) م ۇلىكتى پايدالانۋ ءتارتىبى تۋرالى شارتتاردى كۋالاندىرۋ; 4) نەكە شارتتارىن كۋالاندىرۋ; 5) وسيەتتەردى كۋالاندىرۋ; 6) سەنىمحاتتاردى كۋالاندىرۋ; 7) شارۋاشىلىق سەرىكتەستىكتەرىنىڭ قۇرىلتاي قۇجاتتارىن كۋالاندىرۋ; 8) مۇرانى سەنىمگەرلىك باسقارۋشىنى تاعايىنداۋ; 9) مۇراگەرلىككە قۇقىق تۋرالى كۋالىك بەرۋ; 10) جۇبايلاردىڭ جانە ورتاق بىرلەسكەن مەنشىك قۇقىعى نەگىزىندە مۇلكى بار وزگە ادامداردىڭ ورتاق م ۇلىكتەگى ۇلەسىنە مەنشىك قۇقىعى تۋرالى كۋالىك بەرۋ; 11) م ۇلىكتى يەلىكتەن شىعارۋعا تىيىم سالۋ جانە ونى شەشۋ; 12) قۇجاتتاردىڭ كوشىرمەلەرى مەن ولاردىڭ ءۇزىندى كوشىرمەلەرىنىڭ دۇرىستىعىن كۋالاندىرۋ; 13) قۇجاتتارداعى قويىلعان قولداردىڭ تولنۇسقا­لىعىن كۋالاندىرۋ; 14) قۇجاتتاردىڭ ءبىر تىلدەن ەكىنشى تىلگە اۋدارماسى­نىڭ دۇرىستىعىن كۋالاندىرۋ; 15) فاكتىلەردى كۋالاندىرۋ; 16) جەكە جانە زاڭدى تۇلعالاردىڭ وتىنىشتەرىن باسقا جەكە جانە زاڭدى تۇلعالارعا بەرۋ; 17) اقشالاردى دەپوزيتكە قابىلداۋ; 18) ۆەكسەلدەر نارازىلىقتارىن جاساۋ; 19) قۇجاتتاردى جانە باعالى قاعازداردى ساقتاۋعا قابىلداۋ; 20) تەڭىز نارازىلىقتارىن جاساۋ; 21) دالەلدەمەلەردى قامتاماسىز ەتۋ; 22) اتقارۋشىلىق جازبالاردى جاساۋ كەزىندە مەم­لە­كەتتىك نوتاريۋستاردىڭ جانە جەكە پراكتيكامەن اينالىساتىن نوتاريۋستاردىڭ (بۇدان ءارى - نوتاريۋس) نوتارياتتىق ءىس-ارەكەتتەر جاساۋ ءتارتىبىن بەلگىلەيدى. قازاقستان رەسپۋبليكاسىنىڭ زاڭنامالىق اكتىلە­رىندە نوتاريۋستار جاسايتىن وزگە دە نوتارياتتىق ءىس-ارەكەتتەر كوزدەلۋى مۇمكىن.»; 34-تارماق مىناداي رەداكتسيادا جازىلسىن: «34. جىلجىمايتىن م ۇلىكپەن مامىلەلەردى كۋالان­دىرعان كەزدە جانە مەملەكەتتىك تىركەۋگە جاتاتىن كۋالىك­تەردى بەرگەن كەزدە نوتاريۋس «جىلجىمايتىن م ۇلىك تىركەلىمى» مەملەكەتتىك دەرەكقورىنان بناج ارقىلى تىركەۋ ورگانى باسشىسىنىڭ, ونى الماستىراتىن ادامنىڭ (بەلگىلەنگەن قىزمەتتىك مىندەتتەردى بولۋگە سايكەس) ەلەكتروندىق تسيفرلىق قولتاڭباسىمەن كۋالاندىرىلعان جىلجىمايتىن م ۇلىككە تىركەلگەن قۇقىقتار (اۋىرتپالىقتار) جانە ونىڭ تەحنيكالىق سيپاتتامالارى تۋرالى مالىمەتتەر الادى. وسى قاعيدالاردىڭ 52, 54, 140 جانە 160-تار­ماقتارىندا بەلگىلەنگەن جاعدايلاردى قوسپا­عاندا, جىلجىمايتىن م ۇلىكپەن مامىلەلەردى كۋالان­دىرۋعا جانە مەملەكەتتىك تىركەۋگە جاتاتىن كۋالىكتەر بەرۋگە اۋىرتپالىقتار بولماعان كەزدە رۇقسات ەتىلەدى. «جىلجىمايتىن م ۇلىك ءتىزىلىمى» مەملەكەتتىك دەرەك­قورىنان بناج ارقىلى جىلجىمايتىن م ۇلىككە تىركەلگەن قۇقىقتار (اۋىرتپالىقتار) جانە ونىڭ تەحنيكالىق سيپاتتامالارى تۋرالى مالىمەتتەر الۋ مۇمكىندىگى بولماعان كەزدە تىركەۋ ورگانى راستاعان ناقتى جىلجىمايتىن م ۇلىك وبەكتىسى جونىندەگى اقپارات جانە جەكە نەمەسە زاڭدى تۇلعانىڭ وزىندە بار جىلجىمايتىن م ۇلىك وبەكتىلەرىنە قۇقىقتارى تۋرالى جيناقتالعان دەرەكتەر نوتاريۋستىڭ ءۋاجدى سۇراۋ سالۋى بويىنشا تىركەۋشى ورگاندا بەرىلەدى.»; 102-تارماق مىناداي رەداكتسيادا جازىلسىن: «102. سەنىمحات ماتىنىندە سەنىم ءبىلدىرۋشىنىڭ جەكە كۋالىگىنىڭ جەرى مەن كۇنى, تەگى, اتى جانە اكەسىنىڭ اتى (ول بولعان كەزدە) تۋعان جىلى مەن كۇنى, جسن, تۇرعىلىقتى جەرى (زاڭدى تۇلعالار ءۇشىن – اتاۋى, بسن جانە زاڭدى تۇلعانىڭ ورنالاسقان جەرى) جانە سەنىم بىلدىرىلگەننىڭ تەگى, اتى, اكەسىنىڭ اتى جانە تۇرعىلىقتى جەرى كورسەتىلەدى. بناج ەلەكتروندىق تىزىلىمىنە سەنىم ءبىلدىرۋشىنىڭ جسن جانەجەكە باسىن كۋالاندىراتىن قۇجاتتىڭ دەرەكتەرى, سونداي-اق زاڭدى تۇلعانىڭ بسن ەنگىزىلەدى.»; مىناداي مازمۇنداعى 25-تاراۋمەن تولىقتىرىلسىن: «25 تاراۋ. اتقارۋشىلىق جازبالاردى جاساۋ» «217-234-تارماقتارمەن تولىقتىرىلسىن: «217. اتقارۋشىلىق جازبا ءوندىرىپ الۋشىعا تيەسىلى بەلگىلى ءبىر اقشا سوماسىن بورىشكەردەن ءوندىرىپ الۋ نەمەسە جىلجىمالى م ۇلىكتى تالاپ ەتۋ تۋرالى نوتاريۋستىڭ وكىمىن بىلدىرەدى. 218. اتقارۋشىلىق جازبالار نەگىزىندە بەرەشەكتى ءوندىرىپ الۋ داۋسىز تارتىپپەن جۇرگىزىلەتىن تالاپتار تىزبەسى قازاقستان رەسپۋبليكاسىنىڭ ازاماتتىق پروتسەستىك كودەكسى 135-بابىنىڭ 1), 2), 3), 4), 10), 11) جانە 17) تارماقشالارىندا بەلگىلەنگەن. 219. اتقارۋشىلىق جازبانى: ەگەر ۇسىنىلعان قۇجاتتار بەرەشەكتىڭ داۋسىزدىعىن نەمەسە بورىشكەردىڭ ءوندىرىپ الۋشى الدىنداعى وزگە دە جاۋاپكەرشىلىگىن راستاسا; ەگەر تالاپ قويۋعا (وتىنىشكە) قۇقىق تۋىنداعان كۇننەن باستاپ ءۇش جىلدان اسپاسا, نوتاريۋس جاسايدى; اتقارۋشىلىق جازبا بەرىلەتىن تالاپ ءۇشىن قازاقستان رەسپۋبليكاسىنىڭ زاڭناماسىندا وزگە ەسكىرۋ مەرزىمى بەلگىلەنگەن جاعدايدا, اتقارۋشىلىق جازبا وسى مەرزىم شەگىندە بەرىلەدى. اتقارۋشىلىق جازبا, ەگەر زاڭنامادا وزگە مەرزىمدەر بەلگىلەنبەسە, ول جاسالعان كۇننەن باستاپ ءۇش جىل ىشىندە ماجبۇرلەپ ورىنداتۋعا ۇسىنىلادى. اتقارۋشىلىق جازبانى ۇسىنۋ ءۇشىن وتكىزىپ العان مەرزىمدى قالپىنا كەلتىرۋ قازاقستان رەسپۋبليكاسىنىڭ ازاماتتىق پروتسەستىك زاڭناماسىنا سايكەس جۇرگىزىلەدى. 220. بورىشكەردەن اقشا سوماسىن ءوندىرىپ الۋ نەمەسە وزگە دە جىلجىمالى م ۇلىكتى تالاپ ەتۋ ءۇشىن ءوندىرىپ الۋشى نوتاريۋسقا ءوندىرىپ الۋشى مەن بورىشكەردىڭ تەگىن, اتىن, اكەسىنىڭ اتىن (ول بولعان كەزدە), ولاردىڭ جسن مەن تۇرعىلىقتى جەرىن قامتيتىن اتقارۋشىلىق جازبانى جاساۋ تۋرالى ءوتىنىش (بۇدان ءارى - ءوتىنىش) بەرەدى. ەگەر ءوندىرىپ الۋشى جانە/نەمەسە بورىشكەر زاڭدى تۇلعا بولسا, وتىنىشتە زاڭدى تۇلعانىڭ تولىق اتاۋى, ونىڭ بسن, ورنالاسقان جەرىنىڭ مەكەنجايى, بانك دەرەكتەمەلەرى كورسەتىلەدى, سونداي-اق ءبىرىنشى باسشىنىڭ نەمەسە ونىڭ وكىلىنىڭ قول قويۋعا جانە ءوتىنىشتى بەرۋگە وكىلەتتىگى راستالادى. وتىنىشتە ءوندىرىپ الۋشى اتقارۋشىلىق جازبانى جاساۋ كەزىندە بورىشكەرمەن مىندەتتەمەلەردى ورىنداۋ جانە بەرەشەكتى وتەمەۋ تۋرالى سوت داۋىنىڭ بولماۋى تۋرالى مالىمەتتەردى دە كورسەتەدى. جەكە تۇلعانىڭ وتىنىشىندە قويىلعان قولدىڭ تولنۇسقالىعىن نوتاريات كۋالاندىرادى. زاڭدى تۇلعا اتىنان بەرىلەتىن وتىنىشكە ءبىرىنشى باسشى مەن باس بۋحگالتەر (ول بولعان كەزدە) قول قويادى, زاڭدى تۇلعانىڭ مورىمەن راستالادى. ەگەر زاڭدى تۇلعا (شاعىن كاسىپكەرلىك سۋبەكتىسى) ءمورسىز جۇمىس ىستەسە, ءوتىنىش بەرۋشى قويعان قولدىڭ تولنۇسقالىعىن نوتاريات كۋالاندىرادى. جەكە تۇلعالار, زاڭدى تۇلعالار جانە ولاردىڭ باسشىلارى تۋرالى مالىمەتتەردى نوتاريۋس بناج ارقىلى سالىستىرىپ تەكسەرەدى. ءوتىنىش كىرىس قۇجاتتارىن تىركەۋ جۋرنالىندا تىركەلەدى. 221. ءوندىرىپ الۋشى ءوتىنىشتى ءوندىرىپ الۋشى مەن بورىشكەردىڭ ورنالاسقان جەرىنە جانە جازبا بويىنشا اتقارۋ ورنىنا قاراماستان, كەز كەلگەن نوتاريۋسقا بەرۋگە قۇقىلى. 222. ءوتىنىشتى بەرگەن كەزدە ءوندىرىپ الۋشى اتقارۋشى­لىق جازبا جاساۋ ءۇشىن نەگىز بولعان قۇجاتتاردى, سونداي-اق بەرەشەك ەسەبىن ۇسىنادى. زاڭدى تۇلعا اتىنان ۇسىنىلاتىن بەرەشەك ەسەبىنە ءبىرىنشى باسشى مەن باس بۋحگالتەر قول قويادى. ۇسىنىلعان قۇجاتتار نەگىزىندە نوتاريۋس بورىشكەردىڭ ءوندىرىپ الۋشى الدىنداعى بەرەشەگىنىڭ نەمەسە وزگە دە جاۋاپكەرشىلىگىنىڭ داۋسىزدىعىن, بەرەشەك مولشەرىن, مالىمدەلگەن تالاپ ەتۋ بويىنشا مەرزىمنىڭ ءوتۋىن تەكسەرەدى. 223. اتقارۋشىلىق جازبا مىناداي قۇجاتتاردى: 1) نوتاريات كۋالاندىرعان مامىلەگە نەگىزدەلگەن مىندەتتەمە بويىنشا بەرەشەكتى ءوندىرىپ الۋعا اتقارۋ­شىلىق جازبانى جاساۋ ءۇشىن: نوتاريات كۋالاندىرعان شارتتىڭ (كەلىسىمنىڭ) تولنۇسقا داناسى نە ونىڭ تەلنۇسقاسى (اقشانى قارىزعا الۋ شارتىن قوسپاعاندا); 2) ورىنداۋ مەرزىمى باستالعان جانە مىندەتتەمەنى ورىنداماۋ بورىشكەر دەپ تانىلاتىن, ونىڭ ىشىندە داۋدى سوتقا دەيىن رەتتەۋ تارتىبىمەن ءوندىرىپ الۋشىعا جىبەرىلگەن نارازىلىققا جاۋاپ رەتىندە, جازباشا مامىلەگە نەگىزدەلگەن مىندەتتەمە بويىنشا بەرەشەكتى ءوندىرىپ الۋعا اتقارۋشىلىق جازبانى جاساۋ ءۇشىن: تولنۇسقا شارتتار (ساتىپ الۋ-ساتۋ, جەتكىزۋ, مەردىگەرلىك, تاسىمالداۋ, قىزمەتتەردى وتەۋلى كورسەتۋ, ساقتاۋ جانە ت.ب.); شارتتار بويىنشا (تاۋارعا ىلەسپە قۇجاتتار, تاۋار-كولىكتىك جۇكقۇجات, تاۋار جۇكقۇجاتى, جۇك جۇكقۇجاتى, كونوسامەنت نەمەسە وزگە دە قۇجات) بەرەشەكتى تولەۋ جونىندەگى بورىشكەردىڭ مىندەتى تۋىنداعانىن راستايتىن قۇجاتتار, ەكى تاراپ تا قول قويعان م ۇلىكتى (تاۋاردى) بەرۋ تۋرالى قۇجاتتى (قابىلداۋ-تاپسىرۋ تۋرالى اكت, م ۇلىكتى (تاۋاردى) بەرۋ تۋرالى اكت, م ۇلىكتى (تاۋاردى) سانى مەن ساپاسى بويىنشا قابىلداۋ تۋرالى اكت), ەكى تاراپ قول قويعان اتقارىلعان جۇمىستاردى (كورسەتىلگەن قىزمەتتەردى) قابىلداۋدى كۋالاندىراتىن قۇجات (اتقارىلعان جۇمىس­تاردى (كورسەتىلگەن قىزمەتتەردى) قابىلداۋ جانە باسقالار), زاكاز-نارياد, شوت-فاكتۋرا جانە ت.ب.; بورىشكەردىڭ بەرەشەك سوماسىن جازباشا مويىن­داعانىن راستايتىن قۇجاتتار, (وسىماقىلار) ء(وندىرىپ الۋشى مەن بورىشكەر قول قويعان جانە مورمەن (ول بولعان كەزدە) راستالعان ەسەپتەردى سالىستىرىپ تەكسەرۋ اكتىسى), بورىشكەر اقشا قاراجاتىن تولەۋ بويىنشا مىندەتتەمەنى مويىندايتىن نارازىلىققا جاۋاپ, اكتسەپتەلگەن تولەم تالابى نەمەسە زاڭنامانىڭ تالاپتارىنا سايكەس رەسىمدەلگەن جانە ۋاكىلەتتى ادام قول قويعان وزگە دە قۇجات; 3) نوتاريۋس جاساعان تولەنبەگەن تولەم, اكتسەپتەلمەگەن جانە ساۋالناماعا كۇن قويماۋ ۆەكسەلىنىڭ نارازىلىعىنا نەگىزدەلگەن مىندەتتەمە بويىنشا بەرەشەكتى ءوندىرىپ الۋعا اتقارۋشىلىق جازبانى جاساۋ ءۇشىن: تولنۇسقا ۆەكسەل جانە نوتاريۋس جاساعان تولەنبەگەن تولەم, اكتسەپتەلمەگەن جانە اكتسەپتكە قول قويىلماعان قۇجاتتار; 4) اكە (انا) بولۋدى بەلگىلەۋگە نەمەسە ءۇشىنشى تۇلعالاردى تارتۋ قاجەتتىگىمەن بايلانىستى ەمەس, كامە­لەتكە تولماعان بالالاردى كۇتىپ-ۇستاۋعا اليمەنتتەردى ءوندىرىپ الۋ تۋرالى مىندەتتەمە بويىنشا بەرەشەكتى ءوندىرىپ الۋعا اتقارۋشىلىق جازبا جاساۋ ءۇشىن اليمەنت­تەردى تولەۋ تۋرالى نوتاريات كۋالاندىرعان كەلىسىم; 5) قوسىمشا شىعىستاردى ءوندىرىپ الۋ تۋرالى تالاپتاردى قوسپاعاندا, «تۇرعىن ءۇي قاتىناستارى تۋرالى» قازاقستان رەسپۋبليكاسىنىڭ زاڭىندا بەكىتىلگەن كوندومينيۋم وبەكتىلەرىنىڭ ورتاق مۇلكىن كۇتىپ-ۇستاۋعا مىندەتتى شىعىستارعا قاتىسۋعا جالتاراتىن, ءۇي-جايلار (پاتەرلەر) مەنشىك يەلەرىنەن بەرەشەكتى ءوندىرىپ الۋ تۋرالى مىندەتتەمە بويىنشا بەرەشەكتى ءوندىرىپ الۋعا اتقارۋشىلىق جازبا جاساۋ ءۇشىن: قىزمەت كورسەتۋگە شارتتىڭ كۋالاندىرىلعان كوشىر­مەسى (ەگەر ءوندىرىپ الۋشى باسقارۋشى كومپانيا بولسا); تاريفتەردى بەلگىلەۋ, وسىماقى بەلگىلەۋ (حاتتاما, ءۇي-جايلار (پاتەرلەر) مەنشىك يەلەرى كووپەراتيۆىنىڭ جالپى جينالىسى شەشىمىنەن ءۇزىندى كوشىرمە) تۋرالى قۇجاتتاردىڭ كوشىرمەسى, كورسەتىلەتىن قىزمەتتەرگە اقى تولەۋ, وسىنداي تولەمدى ۋاقىتىندا جانە/نەمەسە تولىق كولەمدە تولەمەگەنى ءۇشىن وسىماقى بويىنشا بەرەشەك سوماسىنىڭ ء(وندىرىپ الۋشى كۋالاندىرعان, بەرەشەك سوماسىنىڭ ەسەبى بار دەربەس شوتتىڭ كوشىرمەسى نەمەسە ءوندىرىپ الۋشى كۋالاندىرعان دەربەس شوتتان ءۇزىندى كوشىرمە) ەسەبى تۋرالى قۇجات ۇسىنىلعاندا جاسالادى. قۇجات بەرەشەكتى تولەۋ مەرزىمى تۋرالى, تولەم ەنگىزۋ بويىنشا مىندەتتىڭ تۋىنداعان كۇنى تۋرالى مالىمەتتى جانە بورىشكەرگە جىبەرىلگەن بەرەشەك سوماسى جانە ونى وتەۋ مەرزىمدەرى تۋرالى جازباشا حابارلامانى (حابارلاۋدى) قامتيدى. 6) ناقتى تۇتىنىلعان كورسەتىلەتىن قىزمەتتەر (ەلەكتر-, گاز-, جىلۋ-, سۋمەن جابدىقتاۋ جانە باسقالار) ءۇشىن جاريا شارتتار, سونداي-اق بەلگىلەنگەن تاريفتەرگە سايكەس تولەۋ مەرزىمى باستالعان كورسەتىلەتىن قىزمەتتەر ءۇشىن وزگە شارتتار نەگىزىندە بەرەشەكتى ءوندىرىپ الۋ تۋرالى مىندەتتەمە بويىنشا بەرەشەكتى ءوندىرىپ الۋعا اتقارۋشىلىق جازبانى جاساۋ ءۇشىن: ءوندىرىپ الۋشى كۋالاندىرعان شارت كوشىرمەسى, كورسەتىلەتىن قىزمەتتەرگە اقى تولەۋ بويىنشا بەرەشەك سوماسىنىڭ ەسەبى ء(وندىرىپ الۋشى كۋالاندىرعان, بەرەشەك سوماسىنىڭ ەسەبى بار دەربەس شوتتىڭ كوشىرمەسى نەمەسە ءوندىرىپ الۋشى كۋالاندىرعان, دەربەس شوتتان ءۇزىندى كوشىرمە) تۋرالى قۇجات ۇسىنىلعاندا جاسالادى. قۇجات بەرەشەكتى تولەۋ مەرزىمى تۋرالى, تولەم ەنگىزۋ بويىنشا مىندەتتىڭ تۋىنداعان كۇنى تۋرالى مالىمەتتى جانە بورىشكەرگە جىبەرىلگەن بەرەشەك سوماسى جانە ونى وتەۋ مەرزىمدەرى تۋرالى جازباشا حابارلامانى (حابارلاۋ) قامتيدى. 7) جالعا بەرۋ شارتىندا بەلگىلەنگەن مەرزىمدە تولەمدەردى تولەمەۋىنە وراي جالعا بەرۋ تولەمدەرىن ءوندىرىپ الۋ تۋرالى مىندەتتەمە بويىنشا بەرەشەكتى ءوندىرىپ الۋعا اتقارۋشىلىق جازبانى جاساۋ ءۇشىن: جالعا بەرۋ شارتى, بەرەشەكتى وتەۋ تۋرالى نارازىلىق ۇسىنىلعاندا جاسالادى. 224. بورىشكەردەن اقشا سوماسىن ءوندىرىپ الۋ نەمەسە وزگە دە جىلجىمالى م ۇلىكتى تالاپ ەتۋ ءۇشىن نوتاريۋس بەرەشەكتى بەلگىلەيتىن تولنۇسقا قۇجاتتا اتقارۋشىلىق جازبانى جاسايدى. ەگەر اتقارۋشىلىق جازبا قۇجاتقا سىيماسا, ول وسى قاعيدانىڭ 21-تارماعىندا بەلگىلەنگەن تارتىپپەن قۇجاتقا قوسا بەرىلگەن پاراقتا جازىلادى. ەگەر بەرەشەكتى ءوندىرىپ الۋ بولەك-بولەك جۇرگىزىلسە, وندا بورىشكەردىڭ مىندەتتەمەسىن راستايتىن قۇجاتتا ءوندىرىلىپ الۋعا جاتاتىن سوما, ءوندىرىپ الۋ جۇرگىزىلەتىن كەزەڭ, نوتارياتتىق ءىس-ارەكەتتەردى تىركەۋ تىزىلىمىندە تىركەلگەن اتقارۋشىلىق جازبانىڭ كۇنى مەن ءنومىرى كورسەتىلە وتىرىپ, اتقارۋشىلىق جازبانىڭ جاسالعانى تۋرالى بەلگى قويىلادى. اتقارۋشىلىق جازبانىڭ جاسالعانى تۋرالى بەلگى نوتاريۋستىڭ قولىمەن كۋالاندىرىلادى جانە ونىڭ مورىمەن راستالادى. ەگەر بەلگى قۇجاتقا سىيماسا, ول وسى قاعيدانىڭ 21-تارماعىندا بەلگىلەنگەن تارتىپپەن قۇجاتقا قوسا بەرىلگەن پاراقتا جازىلادى. 225. وسى بورىشتىق مىندەتتەمە بويىنشا بەرەشەكتى ءوندىرىپ الۋ بولەك-بولەك جۇرگىزىلگەن جاعدايلاردى قوسپاعاندا, ءاربىر بورىشتىق مىندەتتەمە بويىنشا ءبىر اتقارۋشىلىق جازبا جاسالادى. 226. اتقارۋشىلىق جازبادا: 1) اتقارۋشىلىق جازبانى جاساعان نوتاريۋستىڭ تەگى جانە اتى-ءجونى; 2) ءوندىرىپ الۋشىنىڭ اتاۋى, ونىڭ تۋعان كۇنى, تۇرعى­لىقتى جەرى نەمەسە ورنالاسقان جەرى, جەكە سايكەستەندىرۋ ءنومىرى, زاڭدى تۇلعانىڭ دەرەكتەمەلەرى, بيزنەس-سايكەستەندىرۋ ءنومىرى; 3) بورىشكەردىڭ اتاۋى, ونىڭ تۋعان كۇنى, تۇرعىلىقتى جەرى نەمەسە ورنالاسقان جەرى, جەكە سايكەستەندىرۋ ءنومىرى (ەگەر ول ءوتىنىش بەرۋشىگە بەلگىلى بولسا), زاڭدى تۇلعانىڭ دەرەكتەمەلەرى, بيزنەس-سايكەستەندىرۋ ءنومىرى; 4) ءوندىرىپ الۋ جۇرگىزىلىپ وتىرعان مەرزىمنىڭ كورسەتىلۋى; 5) ءوندىرىلىپ الۋعا جاتاتىن سومانىڭ نەمەسە تالاپ ەتىلۋگە جاتاتىن زاتتاردىڭ, ونىڭ ىشىندە, ەگەر وسىماقى, پايىزدار تيەسىلى بولسا, ولاردىڭ كورسەتىلۋى; 6) ءوندىرىپ الۋشى تولەگەن مەملەكەتتىك باج سوماسىنىڭ نەمەسە جەكەشە نوتاريۋستىڭ نوتارياتتىق ءىس-ارەكەتتەرىنە تولەنگەن سومانىڭ كورسەتىلۋى; 7) اتقارۋشىلىق جازبا جاسالعان كۇن (جىل, اي, كۇن); 8) اتقارۋشىلىق جازبانىڭ تىزىلىمدە تىركەلگەن ءنومىرى; 9) اتقارۋشىلىق جازبانى جاساعان نوتاريۋستىڭ قولتاڭباسى مەن ءمورىنىڭ بەدەرى قامتىلادى. 227. اتقارۋشىلىق جازبانى جاساعاننان كەيىن نوتاريۋس كەلەسى جۇمىس كۇنىنەن كەشىكتىرمەي تابىس ەتۋ تۋرالى حابارلامامەن بىرگە بورىشكەرگە ونىڭ كوشىرمەسىن جىبەرەدى. ىلەسپە حات شىعىس قۇجاتتارىن تىركەۋ جۋرنالىندا تىركەلەدى. جەتكىزۋ بويىنشا شىعىستاردى ءوندىرىپ الۋشى ءوز بەتىنشە تولەيدى. 228. بورىشكەرگە حاتتى تابىس ەتكەن كۇننەن باستاپ (كۇن حابارلامادا كورسەتىلەدى) ون جۇمىس كۇنى وتكەن سوڭ جانە بورىشكەر تاراپىنان قويىلعان تالاپتارعا قارسىلىق تۋرالى جازباشا ءوتىنىش بولماعان كەزدە, نوتاريۋس ءوندىرىپ الۋشىعا اتقارۋشىلىق جازبانى بورىشكەردىڭ تۇرعىلىقتى جەرى نەمەسە ورنالاسقان جەرى بويىنشا سوت ورىنداۋشىسىنا ورىنداۋعا ۇسىنۋ ءۇشىن بەرەدى. 229. ەگەر بورىشكەردەن ون جۇمىس كۇنى ىشىندە وزىنە قويىلعان تالاپقا جازباشا قارسىلىق كەلىپ تۇسسە, نوتاريۋس قارسىلىق كەلىپ تۇسكەن كۇننەن باستاپ ءۇش جۇمىس كۇنىنەن كەشىكتىرمەي, اتقارۋشىلىق جازبانىڭ كۇشىن جويۋ تۋرالى قاۋلى شىعارادى. 230. بورىشكەردىڭ قارسىلىعى نوتاريۋسقا جەكە بەرىلەدى نە حابارلامامەن جىبەرىلەدى جانە كىرىس قۇجاتتارىن تىركەۋ جۋرنالىندا تىركەلەدى. جەكە تۇلعانىڭ وتىنىشىندە قويىلعان قولدىڭ تولنۇسقالىعىن نوتاريات كۋالاندىرادى. زاڭدى تۇلعا اتىنان بەرىلەتىن وتىنىشكە ءبىرىنشى باسشى مەن باس بۋحگالتەر (ول بولعان كەزدە) قول قويادى, زاڭدى تۇلعانىڭ مورىمەن راستالادى. ەگەر زاڭدى تۇلعا (شاعىن كاسىپكەرلىك سۋبەكتىسى) ءمورسىز جۇمىس ىستەسە, ءوتىنىش بەرۋشى قويعان قولدىڭ تولنۇسقالىعىن نوتاريات كۋالاندىرادى. 231. اتقارۋشىلىق جازبانىڭ كۇشىن جويۋ تۋرالى قاۋلىدا: 1) قاۋلى شىعارىلعان كۇنى مەن جەرى; 2) قاۋلى شىعارعان نوتاريۋس تۋرالى مالىمەتتەر; 3) وزىنە قويىلعان تالاپقا قارسى قارسىلىق بىلدىرگەن بورىشكەر ءوتىنىش بەرۋشى تۋرالى مالىمەتتەر; 4) كۇشى جويىلاتىن اتقارۋشىلىق جازبا تۋرالى مالىمەتتەر (كىم جانە قاشان جاسادى, بورىشكەر مەن ءوندىرىپ الۋشى تۋرالى مالىمەتتەر, ءوندىرىلىپ الۋعا جاتاتىن سوما جانە تالاپتار نەگىزى); 5) اتقارۋشىلىق جازبانىڭ كۇشىن جويۋ تۋرالى قاۋلى شىعارعان نوتاريۋستىڭ قولى مەن ءمور بەدەرىن قامتىلادى. 232. اتقارۋشىلىق جازبانىڭ كۇشىن جويۋ تۋرالى قاۋلىنىڭ كوشىرمەلەرى ول شىعارىلعان كۇننەن كەيىن كەلەسى جۇمىس كۇنىنەن كەشىكتىرمەي ءوندىرىپ الۋشىعا جانە بورىشكەرگە جىبەرىلەدى. 233. اتقارۋشىلىق جازبانى جاساعانى ءۇشىن اقىنى جەكەشە نوتاريۋس «نوتاريات تۋرالى» قازاقستان رەسپۋبليكاسى زاڭىنىڭ 30-بابى 2-تارماعىنا جانە 30-1-بابى 22-1) تارماقشاسىنا سايكەس الادى. مەملەكەتتىك باجدى جانە/نەمەسە قۇقىقتىق جانە تەحنيكالىق سيپاتتاعى كورسەتىلەتىن قىزمەتتەرگە اقى تولەۋدەن بوساتىلعان ءوندىرىپ الۋشى اتقارۋشىلىق جازبانى جاساۋ ءۇشىن جۇگىنگەن كەزدە ولاردى تولەۋ بويىنشا مىندەت بورىشكەرگە جۇكتەلەدى. اتقارۋشىلىق جازبانىڭ كۇشى جويىلعان كەزدە نوتاريۋسقا ونى جاساۋ ءۇشىن تولەنگەن سوما قايتارىلۋعا جاتپايدى. 234. نوتاريۋستىڭ ىستەرىندە بەرەشەكتى بەلگىلەيتىن قۇجاتتىڭ كوشىرمەسى وعان جاسالعان اتقارۋشىلىق جازباسىمەن بىرگە قالادى. ەگەر اتقارۋشىلىق جازبانى جاساۋ ءۇشىن بەرەشەكتى بەلگىلەيتىن قۇجاتتان باسقا, بەرەشەكتى ءوندىرىپ الۋ داۋسىز تارتىپپەن جۇرگىزىلەتىن باسقا دا قۇجاتتاردى ۇسىنۋ قاجەت بولسا, وندا ولار اتقارۋشىلىق جازباعا تىگىلمەيدى, نوتاريۋستىڭ ىستەرىندە قالادى.». 2. قازاقستان رەسپۋبليكاسى ادىلەت مينيسترلىگىنىڭ تىركەۋ قىزمەتى جانە زاڭ قىزمەتىن ۇيىمداستىرۋ دەپارتامەنتى: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن بەس جۇمىس كۇنى ىشىندە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ادىلەت ءمينيسترىنىڭ جەتەكشىلىك ەتەتىن ورىنباسارىنا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ادىلەت ءمينيسترى  ب.يماشەۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 31 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13559 بولىپ ەنگىزىلدى.