ايماقتىق بالالار اۋرۋحاناسى وتەگەن باتىر كەنتىندە اشىلدى

جەتكىنشەك ۇرپاقتىڭ دەنى­نىڭ ساۋ بولۋىنا قام­قورلىق جا­ساۋ ماقساتىندا جالپى قۇ­نى 3,3 ملرد. تەڭگە   بولعان اي­ماق­تىق بالالار اۋرۋحاناسى­نىڭ قۇ­رى­لىسى اياقتالىپ,  كۇنى كەشە پايدالانۋعا بەرىلدى. مەملەكەت باسشىسىنىڭ «100 مەكتەپ, 100 اۋرۋحانا» باعدار­لاماسىمەن باعى جانعان اۋرۋحانادا 200 بالا ستاتسيوناردا ەمدەلسە, كۇنىنە 400-دەن اسا ادامعا ءتۇرلى ەمدىك شارالار جاسالادى. ەمحانا كەشەندەرىن زاماناۋي قۇرال-جابدىق­تارمەن قامتۋعا 733 ملن. تەڭگە جۇمسا­لى­پتى. وسىلايشا اۋرۋحانادا 630 قىزمەتكەر جۇمىسپەن قام­تىلدى. ونىڭ 161-ءى  جوعارى ءبىلىمدى كاسىبي دارىگەرلەر. ولاردىڭ قايتارىمدى ەڭبەك ەتۋىنە جاعداي جاساۋ ماقساتىندا جاقىن جەردەن اۋدان بيۋدجەتىنەن بولىنگەن قارجىعا 30 وتباسىلىق تۇرعىن ءۇي قۇرىلىسى دا اياقتالىپ, باسپاناعا ءزارۋ ماماندارعا بەرىلمەكشى. دەمەك, تاعى دا قونىس تويىن تويلايتىن ءسات جاقىن. وتەگەن باتىر كەنتىندەگى ايماقتىق اۋرۋحانانىڭ اشىلۋ سالتاناتىنا وبلىس اكىمى سەرىك ۇمبەتوۆ قا­تىس­تى. اكىم قوعامنىڭ باستى بايلىعى – ادام دەنساۋ­لىعىن قورعاۋ مەن جاقسارتۋ باعىتىنداعى جۇمىستى جەتىلدىرۋ, دارىگەرلەردىڭ بىلىكتىلىگىن ارتتىرۋ بۇگىنگى كۇننىڭ باستى مىندەتى ەكەندىگىن اتاپ كورسەتە كەلىپ, ەندى از ۋاقىتتا تاعى ءبىر دەنساۋلىق نىسانى تالعار قالاسىندا اشىلا­تىنىن دا ەسكە سالا كەتتى. كۇمىسجان بايجان. الماتى وبلىسى.