تابيعاتتىڭ تىلسىم قۇبىلىسىن كورگەندە تاڭعالماسقا شاراڭ جوق. ماسەلەن, استاناداعى ەرجان ەسىمدى تۇرعىننىڭ باقشاسىنداعى جەمىسى پىسۋگە تاياعان الما اعاشى تاعى گۇلدەگەن.
باعباننىڭ ايتۋىنشا, جەمىس اعاشىنىڭ 1 جىلدا ەكى رەت گۇلدەۋى بۇرىن سوڭدى كەزدەسپەگەن دۇنيە. ول: «بۇل مەن ءۇشىن كۇتپەگەن وقيعا بولدى. الما اعاشىن 7-8 جىل بۇرىن ءوزىم وتىرعىزعان ەدىم», – دەيدى.
بۇل قۇبىلىس الما اعاشىن بۋدانداستىرۋدان بولدى ما, جوق باسقا سىرى بار ما, ازىرگە بەلگىسىز. قالاي بولعاندا دا, جازى قىسقا ءارى سالقىنداۋ كەلەتىن استانادا الما اعاشىنىڭ ەكى رەت گۇلدەۋى تاڭدانارلىق جاعداي. مۇنىڭ سەبەبىن الداعى ۋاقىتتا عالىمدار انىقتاپ جاتسا, "ەگەمەن-اقپارات" وقىرماندارىن مىندەتتى تۇردە حاباردار ەتەدى.
تالعات رايىمبەك
