قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №18-1/451

2015 جىلعى 19 مامىر, استانا قالاسى وتىرعىزىلاتىن ماتەريالدى جانە ارنايى ماقساتتاعى پلانتاتسيالىق ەكپەلەردى ءوسىرۋ ءۇشىن مەملەكەتتىك ورمان قورى ۋچاسكەلەرىن پايدالانۋ قاعيدالارىن بەكىتۋ تۋرالى قازاقستان رەسپۋبليكاسىنىڭ 2003 جىلعى 8 شىلدەدەگى ورمان كودەكسىنىڭ 13-بابى 1-تارماعىنىڭ 18-26) تارماقشاسىنا سايكەس بۇيىرامىن: 1. قوسا بەرىلىپ وتىرعان وتىرعىزىلاتىن ماتەريالدى جانە ارنايى ماقساتتاعى پلانتاتسيالىق ەكپەلەردى ءوسىرۋ ءۇشىن مەملەكەتتىك ورمان قورى ۋچاسكەلەرىن پايدالانۋ قاعيدالارى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن; 3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى اۋىل شارۋاشىلىعى ءمينيسترى ا.مامىتبەكوۆ «كەلىسىلگەن» قازاقستان رەسپۋبليكاسى ەنەرگەتيكا ءمينيسترى __________ ۆ.شكولنيك 2015 جىلعى « __ » ________ قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 19 مامىرداعى №18-1/451 بۇيرىعىمەن بەكىتىلگەن وتىرعىزىلاتىن ماتەريالدى جانە ارنايى ماقساتتاعى پلانتاتسيالىق ەكپەلەردى ءوسىرۋ ءۇشىن مەملەكەتتىك ورمان قورى ۋچاسكەلەرىن پايدالانۋ قاعيدالارى 1. وسى وتىرعىزىلاتىن ماتەريال جانە ارنايى ماقساتتاعى پلانتاتسيالىق ەكپەلەردى ءوسىرۋ ءۇشىن مەملەكەتتىك ورمان قورى ۋچاسكەلەرىن پايدالانۋ قاعيدالارى 2003 جىلعى 8 شىلدەدەگى قازاقستان رەسپۋبليكاسىنىڭ ورمان كودەكسىنىڭ 13-بابى 1-تارماعىنىڭ 18-26) تارماقشاسىنا سايكەس ازىرلەندى (بۇدان ءارى–ورمان كودەكسى) جانە وتىرعىزىلاتىن ماتەريالدى جانە ارنايى ماقساتتاعى پلانتاتسيالىق ەكپەلەردى ءوسىرۋ ءۇشىن مەملەكەتتىك ورمان قورى ۋچاسكەلەرىن پايدالانۋ ءتارتىبىن ايقىندايدى. وسى قاعيدالار ەرەكشە قورعالاتىن تابيعي اۋماقتارعا قولدانىلمايدى. 2. وتىرعىزىلاتىن ماتەريالدى جانە ارنايى ماقساتتاعى پلانتاتسيالىق ەكپەلەر ءوسىرۋ ءۇشىن مەملەكەتتىك ورمان قورى ۋچاسكەلەرىن پايدالانۋ ورمان ءوسىرۋدى, رەسپۋبليكا ەكونوميكاسىنىڭ سۇرەك رەسۋرستارىنا مۇقتاجىن قامتاماسىز ەتۋ ماقساتىندا شىعىمدىلىعى جوعارى پلانتاتسيالىق ەكپەلەر قۇرۋدى, مۇراگەرلىك قاسيەتتەرى جاقسارتىلعان ورمان تۇقىمدارىن قولدانىپ سەلەكتسيالىق-گەنەتيكالىق نەگiزدە ورمان پيتومنيكتەرىن قۇرۋ مەن دامىتۋدى جانە وتىرعىزىلاتىن ماتەريال ءوندiرۋدى ىنتالاندىرۋدى كوزدەيدى. 3. وتىرعىزىلاتىن ماتەريالدى جانە ارنايى ماقساتتاعى پلانتاتسيالىق ەكپەلەر ءوسىرۋ ءۇشىن مەملەكەتتىك ورمان قورى ۋچاسكەلەرى جەكە جانە زاڭدى تۇلعالارعا (بۇدان ءارى–ورمان پايدالانۋشى) ورمان كودەكسىنىڭ 5-تاراۋىنا سايكەس ۇزاق مەرزىمدى ورمان پايدالانۋعا بەرىلەدى. 4. ارنايى ماقساتتاعى پلانتاتسيالىق ەكپەلەردى جانە اعاش جانە بۇتا تۇقىمدىلارىنىڭ وتىرعىزىلاتىن ماتەريالدى ءوسىرۋ ءۇشىن مەملەكەتتىك ورمان قورىنىڭ ورمانسىز جەرلەرگە جاتاتىن ۋچاسكەلەرى بولىنەدى. 5. ارنايى ماقساتتاعى پلانتاتسيالىق ەكپەلەردى جانە اعاش جانە بۇتا تۇقىمدىلارىنىڭ وتىرعىزىلاتىن ماتەريالدى ءوسىرۋ جۇمىستارى وسى سالادا ماماندانعان جوبالاۋ-iزدەستiرۋ ۇيىمدارى ورمان پايدالانۋشىلاردىڭ قاراجاتى ەسەبىنەن ازىرلەيتىن تەز وسەتىن اعاش جانە بۇتا تۇقىمدىلارىنىڭ پلانتاتسيالارىن وتىرعىزۋعا جانە وسىرۋگە نەمەسە جەكەشە ورمان پيتومنيكتەرىن قۇرۋعا جانە دامىتۋعا ارنالعان جۇمىس جوباسىنا (بۇدان ءارى–جۇمىس جوباسى) سايكەس جۇزەگە اسىرىلادى. 6. جۇمىس جوباسى ءونىمدى وسىرۋدەن باستاپ وتكىزۋگە نەمەسە وڭدەۋگە دەيىنگى جۇمىستار تسيكلىن قامتيدى جانە مىندەتتى مەملەكەتتىك ەكولوگيالىق ساراپتامادان وتۋگە جاتادى. 7. ورمان پايدالانۋشى مەملەكەتتىك ورمان قورى ۋچاسكەلەرىن وتىرعىزىلاتىن ماتەريالدى جانە ارنايى ماقساتتاعى پلانتاتسيالىق ەكپەلەردى ءوسىرۋ ءۇشىن پايدالانۋ كەزىندە ورمان كودەكسىنىڭ 63 بابى 2 تارماعىمەن بەكىتىلەتىن ورمانداردا ءورت قاۋiپسiزدiگi قاعيدالارىنىڭ, ورمان كودەكسىنىڭ 67 بابى 3 تارماعىمەن بەكىتىلەتىن سانيتاريالىق قاعيدالاردىڭ جانە قازاقستان رەسپۋبليكاسىنىڭ ەكولوگيالىق كودەكسىنىڭ 227 بىبىنا ساكەس ەكولوگيالىق تالاپتاردىڭ ساقتالۋىن قامتاماسىز ەتەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 8 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11589 بولىپ ەنگىزىلدى.