قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №19-1/446

2015 جىلعى 18 مامىر, استانا قالاسى سۋ قورعاۋ ايماقتارى مەن بەلدەۋلەرiن بەلگiلەۋ قاعيدالارىن بەكiتۋ تۋرالى قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنىڭ 37-بابى 1-تارماعى­نىڭ 22) تارماقشاسىنا سايكەس بۇيىرامىن: 1. قوسا بەرىلىپ وتىرعان سۋ قورعاۋ ايماقتارى مەن بەلدەۋلەرiن بەلگiلەۋ قاعيدالارى بەكiتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ «كەلىسىلگەن» قازاقستان رەسپۋبليكاسىنىڭ ۇلتتىق ەكونوميكا ءمينيسترى ___________ ە.دوساەۆ 2015 جىلعى 4 شىلدە «كەلىسىلگەن» قازاقستان رەسپۋبليكاسى ىشكى ىستەر ءمينيسترى ____________ ق.قاسىموۆ 2015 جىلعى 8 ماۋسىم «كەلىسىلگەن» قازاقستان رەسپۋبليكاسىنىڭ ەنەرگەتيكا ءمينيسترى ___________ ۆ. شكولنيك 2015 جىلعى 4 ماۋسىم قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 18 مامىرداعى № 19-1/446 بۇيرىعىمەن بەكىتىلگەن سۋ قورعاۋ ايماقتارى مەن بەلدەۋلەرiن بەلگىلەۋ قاعيدالارى 1. جالپى ەرەجەلەر 1. وسى سۋ قورعاۋ ايماقتارى مەن بەلدەۋلەرiن بەلگىلەۋ قاعيدالارى (بۇدان ءارi – قاعيدالار) قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنىڭ (بۇدان ءارi – كودەكس) 37-بابى 1-تارماعىنىڭ 22) تارماقشاسىنا سايكەس ازىرلەندى جانە سۋ قورعاۋ ايماقتارى مەن بەلدەۋلەرiن بەلگiلەۋ ءتارتiبiن ايقىندايدى. 2. ەرەكشە قورعالاتىن تابيعي اۋماقتار جەرى مەن مەملەكەتتىك ورمان قورى قۇرامىنا كىرەتىن سۋ وبەكتىلەرىن قوسپاعاندا, سۋ وبەكتىلەرىن جانە سۋ شارۋاشىلىعى قۇرىلىستارىن سانيتاريالىق-گيگيەنالىق جانە ەكولوگيالىق تالاپتارعا سايكەس كۇيدە ۇستاۋ, جەر ءۇستى سۋلارىنىڭ لاستانۋىن, قوقىستانۋى مەن سارقىلۋىن بولدىرماۋ, سونداي-اق وسىمدىكتەر مەن جانۋارلار دۇنيەسiن ساقتاۋ ءۇشiن ەرەكشە پايدالانۋ شارتتارى بار سۋ قورعاۋ ايماقتارى مەن بەلدەۋلەرi بەلگiلەنەدi. 3. سۋدىڭ لاستانۋىن, قوقىستالۋى مەن سارقىلۋىن بولدىرماۋ ءۇشiن شارۋاشىلىق قىزمەتتiڭ ارنايى رەجيمi بەلگىلەنەتiن سۋ وبەكتiلەرi مەن سۋ شارۋاشىلىعى قۇرىلىستارىنا iرگەلەس اۋماق سۋ قورعاۋ ايماعى بولىپ تابىلادى. 4. سۋ قورعاۋ ايماعى شەگiندە شەكتەۋلi شارۋاشىلىق قىزمەت رەجيمi بەلگىلەنگەن سۋ وبەك­تiلەرi iرگەلەس, اۋماعىنىڭ ەنi وتىز بەس مەتردەن كەم ەمەس سۋ قورعاۋ بەلدەۋلەرi اجىراتىلادى. 5. سۋ قورعاۋ ايماقتارىن, بەلدەۋلەرiن جانە ولاردى شارۋاشىلىقتا پايدالانۋ رەجيمiن وبلىستاردىڭ (رەسپۋبليكالىق ماڭىزى بار قالانىڭ, استانانىڭ) جەرگiلiكتi اتقارۋشى ورگاندارى ۋاكىلەتتى ورگانمەن, قورشاعان ورتانى قورعاۋ سالاسىنداعى ۋاكiلەتتi مەملەكەتتiك ورگانمەن, حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىنداعى ۋاكiلەتتi ورگاننىڭ ۆەدومستۆوسىمەن, ال سەل قاۋپi بار اۋدانداردا – قوسىمشا ازاماتتىق قورعاۋ سالاسىنداعى ۋاكىلەتتى ورگانمەن كەلiسiلiپ, بەكiتiلگەن جوبالاۋ قۇجاتتاماسىنىڭ نەگiزiندە بەلگiلەيدi. 6. سۋ قورعاۋ ايماقتارى مەن بەلدەۋلەرiن جوبالاۋدى مامانداندىرىلعان جوبالاۋ ۇيىمدارى جۇزەگە اسىرادى. سۋ قورعاۋ ايماقتارى مەن بەلدەۋلەرiنiڭ جوبالارىنا جەرگiلiكتi اتقارۋشى ورگاندار, ال جەكەلەگەن سۋ وبەكتiلەرi (نەمەسە ولاردىڭ ۋچاسكەلەرi) بويىنشا ناقتى وبەكت بويىنشا سۋ قورعاۋ ايماقتارى مەن بەلدەۋلەرiن بەلگiلەۋ قاجەتتiلiگiنە مۇددەلi جەكە جانە زاڭدى تۇلعالار دا تاپسىرىس بەرۋشى بولادى. 2. سۋ قورعاۋ ايماقتارىن بەلگiلەۋ ءتارتiبi 7. ءاربiر جاعالاۋ بويىنشا سۋ قورعاۋ ايماعىنىڭ ەڭ تار ەنi كوپ جىلدىق مەجەلىك دەڭگەيi كەزiندەگi سۋ جيەگiنەن سۋ تاسقىنى كەزەڭiندەگi كوپ جىلدىق دەڭگەيi كەزiندەگi سۋ جيەگiنە دەيiنگi (وزەن جايىلىمىن, جايىلىم جىلعالارىن, تۇپكi جاعالاۋىنداعى تiك جارلاردى, شۇڭقىرلار مەن سايلاردى قوسا العاندا) جانە مىناداي قوسىمشا قاشىقتىقتار قوسا ەسەپتەلiپ, بەلگiلەنەدi: شاعىن وزەندەر (ۇزىندىعى 200 كيلومەترگە دەيiن) ءۇشiن – 500 مەتر; باسقا وزەندەر ءۇشىن: شارۋاشىلىققا پايدالانۋدىڭ قاراپايىم جاعدايلارى مەن سۋ جيناۋداعى قولايلى ەكولوگيالىق جاعدايىندا – 500 مەتر; شارۋاشىلىققا پايدالانۋدىڭ كۇردەلi جاعدايلارى مەن سۋ جيناۋداعى قاۋىرت ەكولوگيالىق جاعدايىندا – 1000 مەتر. سالالارداعى سۋ قويمالارى ءۇشiن سۋ قورعاۋ ايماعىنىڭ ەڭ تار ەنi ول ورنالاسقان وزەندەگىدەي بەلگiلەنەدi. سۋ قورعاۋ ايماعىنىڭ iشكi شەكاراسى قالىپتى تiرەلگەن دەڭگەيi كەزiندەگi سۋ جيەگi بويىنشا وتەدi. سۋ قۇيىلاتىن سۋ قويمالارى مەن كولدەر ءۇشiن سۋ قورعاۋ ايماعىنىڭ ەڭ تار ەنi سۋ ايدىنىنىڭ اكۆاتورياسى ەكى شارشى كيلومەترگە دەيىن – 300 مەتر جانە اكۆاتورياسى ەكى شارشى كيلومەتردەن acca – 500 مەتر بولىپ بەلگiلەنەدi. كولدەر ءۇشiن سۋ قورعاۋ ايماعىنىڭ iشكi شەكاراسى سۋدىڭ كوپ جىلدىق دەڭگەيiنiڭ جاعالاۋلىق شەگi بويىنشا وتەدi. سۋ قورعاۋ ايماقتارىنىڭ كورسەتiلگەن كولەمدەرi سۋ وبەكتiسiنiڭ شارۋاشىلىق پايدالانۋ ماڭىزى مەن سيپاتىنا, سانيتاريالىق-ەپيدەميولوگيالىق جاي-كۇيiنە, iرگەلەس اۋماقتار مەن وبەكتiلەردiڭ جەرگiلiكتi فيزيكالىق-گەوگرافيالىق, توپىراق, گيدرولوگيالىق, رەلەفتiك جانە باسقا دا جاعدايلارىنا قاراي ناقتىلانادى. ەرەكشە قورعالاتىن تابيعي اۋماقتار مەن مەملەكەتتىك ورمان قورىنىڭ جەرلەرىندە سۋ قورعاۋ ايماعى جانە سۋ وبەكتىلەرىنىڭ جاعالاۋلارىنداعى بەلدەۋلەر ءۇشىن جەر ۋچاسكەلەرى بولىنبەيدى. تابيعي جانە جاساندى شەپتەر نەمەسە جوعارىدا ورنالاسقان اۋماقتاردان (وزەندەر مەن سايلاردىڭ بۇرمالارى, جول-كولiك جەلiسi, توسپالار, ورماندى القاپتاردىڭ مۇيiستەرi) سارقىندى سۋلاردىڭ سۋ وبەكتiلەرiنە اعۋى مۇمكiندiگiن بولدىرمايتىن كەدەرگiلەر سۋ قورعاۋ ايماعىنىڭ شەكاراسى بولادى. 3. سۋ قورعاۋ بەلدەۋلەرiن بەلگiلەۋ ءتارتiبi 8. سۋ قورعاۋ بەلدەۋلەرiنiڭ ەڭ تار ەنى وزەن بويى الاپتارىنىڭ نىسانى مەن تيپi, iرگەلەس دوڭدەردiڭ تiكەڭiستiگiن جاعالاۋلار مەن اۋىل شارۋاشىلىعى القاپتارى قۇرامىنىڭ قايتا وڭدەلۋi بولجامىن ەسەپكە الا وتىرىپ, ايقىندالادى جانە بارلىق سۋ وبەكتiلەرi ءۇشiن مىناداي مولشەرلەردە وسى قاعيدالارعا قوسىمشاعا سايكەس بەلگىلەنەدi. سۋ قورعاۋ بەلدەۋلەرىنىڭ مولشەرi ون جىلعى كەزەڭدەگi جاعالاۋدىڭ تابيعي وزگەرۋىنىڭ ەنiنە كوبەيتىلەدi. جاعالاۋىندا اعاش-بۇتا نەمەسە قورعانىشتىق جانە جاعالاۋدى بەكiتەتiن قۇرىلىستار بولعان جاعدايدا قۇندى اۋىل شارۋاشىلىعى القاپتارىندا سۋ قورعاۋ بەلدەۋلەرi ەنiنiڭ ازايتىلۋىنا رۇقسات ەتىلەدi. 9. ەلدi مەكەندەر شەگiندە سۋ قورعاۋ بەلدەۋلەرiنiڭ شەكاراسى ولاردى سالۋ مەن جوسپارلاۋدىڭ ناقتى جاعدايلارىن, سۋ وبەكتiسiنiڭ قوقىستانۋى جانە لاستانۋىن بولدىرمايتىن جاعالاۋ ايماعىن مiندەتتi تۇردە ينجەنەرلىك نەمەسە ورمان-مەليوراتسيالىق جايلاستىرۋدى (پاراپەتتەر, وراعىتىپ ءوتۋ, ورمان-بۇتا بەلدەۋلەرi جانە تاعى باسقا) ەسكەرە وتىرىپ, بەلگiلەنەدi. 4. ەرەكشە ەرەجەلەر 10. سۋ قورعاۋ ايماقتارى مەن بەلدەۋلەرiن ۇيىمداستىرۋ سۋدى كەشەندi تۇردە پايدالانۋ مەن قورعاۋ سحەمالارىندا كوزدەلگەن سۋ جيناۋداعى سۋ قورعاۋ iس-شارالارى كەشەنiمەن بiرگە جۇرگىزىلەدى. 11. سۋ قورعاۋ ايماقتارىن ۇيىمداستىرۋ سۋمەن جابدىقتاۋ, كۋرورتتىق, ساۋىقتىرۋ جانە وزگە دە حالىق مۇقتاجدارى ءۇشiن پايدالانىلاتىن سۋ كوزدەرiن سانيتاريالىق قورعاۋ ايماقتارىن قۇرۋ قاجەتتىلiگiن جوققا شىعارمايدى, ولاردىڭ شەكارالارى مەن مولشەرلەرi كودەكستىڭ 117-بابىنىڭ 2-تارماعىنا سايكەس بەلگىلەنەدi. سۋ قورعاۋ ايماقتارى مەن بەلدەۋلەرiن بەلگىلەۋ قاعيدالارىنا قوسىمشا سۋ قورعاۋ بەلدەۋلەرiنىڭ ەڭ تار ەنi سۋ وبەكتiلەرi جاعالاۋىنا ىرگەلەس القاپتار تۇرلەرi دوڭدەردiڭ تiكەڭiستiگiنە قاراي سۋ قورعاۋ بەلدەۋiنiڭ ەڭ تار ەنi (مەتر) جاعالاۋدان ەڭiستiگi (نولدiك ەڭiستىك) جاعالاۋعا ەڭiستiگi 3 گرادۋسقا دەيiن 3 گرادۋستان استام شابىندىق 35 55 100 كوگال, پiشەندەمە 35 50 75 ورمان, بۇتا 35 35 55 وزگەلەرi (قولايسىز القاپ) 35 35 100 بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 4 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11838 بولىپ ەنگىزىلدى.