قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №7-1/431 

2015 جىلعى 12 مامىر, استانا قالاسى «اۋماقتى ايماقتارعا ءبولۋ ەرەجەسىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشىنىڭ 2009 جىلعى 31 جەلتوقسانداعى № 767 بۇيرىعىنا وزگەرىس ەنگىزۋ تۋرالى بۇيىرامىن: 1. «اۋماقتى ايماقتارعا ءبولۋ ەرەجەسىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشىنىڭ 2009 جىلعى 31 جەلتوقسانداعى № 767 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6027 بولىپ تىركەلگەن, 2010 جىلعى 7 شىلدەدەگى № 10 قازاقستان رەسپۋبليكاسىنىڭ ورتالىق اتقارۋشى جانە وزگە ورتالىق مەملەكەتتىك ورگاندارىنىڭ اكتىلەر جيناعىندا جاريالانعان) مىناداي وزگەرىس ەنگىزىلسىن: كورسەتىلگەن بۇيرىقپەن بەكىتىلگەن اۋماقتى ايماقتارعا ءبولۋ قاعيدالارى وسى بۇيرىققا قوسىمشاعا سايكەس جاڭا رەداكتسيادا جازىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريا جانە تاماق قاۋىپسىزدىگى دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 12 مامىرداعى № 7-1/431 بۇيرىعىنا قوسىمشا قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشىنىڭ 2009 جىلعى 31 جەلتوقسانداعى № 767 بۇيرىعىمەن بەكىتىلگەن اۋماقتى ايماقتارعا ءبولۋ قاعيدالارى 1. جالپى ەرەجەلەر 1. وسى اۋماقتى ايماقتارعا ءبولۋ قاعيدالارى (بۇدان ءارى – قاعيدالار) «ۆەتەريناريا تۋرالى» 2002 جىلعى 10 شىلدەدەگى قازاقستان رەسپۋبليكاسى زاڭىنا (بۇدان ءارى – زاڭ) سايكەس ازىرلەندى جانە اۋماقتى ايماقتارعا ءبولۋدىڭ ءتارتىبىن ايقىندايدى. 2. قاعيدالار وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارىنا, ۆەتەريناريا سالاسىنداعى ۋاكىلەتتى ورگاننىڭ ۆەدومستۆوسىنا, سونداي-اق قىزمەتتەرi بەلگىلەنگەن ايماقتار اۋماعىندا جۇزەگە اسىرىلاتىن جەكە جانە زاڭدى تۇلعالارعا قولدانىلادى. 3. اۋماقتى ايماقتارعا ءبولۋ «ۆەتەريناريا سالاسىنداعى نورماتيۆتىك قۇقىقتىق اكتىلەردى بەكىتۋ تۋرالى» (نورماتيۆتىك قۇقىقتىق اكتىلەردى تىركەۋ تىزىلىمىندە № 9891 بولىپ تىركەلگەن) قازاقستان رەسپۋبليكاسى اۋىل شارۋاشىلىعى ءمينيسترىنىڭ 2014 جىلعى 30 قازانداعى № 7-1/559 بۇيرىعىمەن بەكىتىلگەن پروفيلاكتيكاسى, دياگنوستيكاسى جانە جويىلۋى رەسپۋبليكالىق بيۋدجەت قاراجاتى ەسەبىنەن جۇزەگە اسىرىلاتىن جانۋارلاردىڭ اسا قاۋىپتى اۋرۋلارىنىڭ تىزبەسىنە (بۇدان ءارى – تىزبە) ەنگەن اسا قاۋىپتى اۋرۋلار بويىنشا جۇزەگە اسىرىلادى. 4. اۋماقتى ايماقتارعا ءبولۋ: 1) باسقا مەملەكەتتەردەن جانۋارلاردىڭ جۇقپالى جانە ەكزوتيكالىق اۋرۋلارىنىڭ اكەلىنۋى مەن تارالۋىنىڭ الدىن الۋ; 2) ۆەتەريناريالىق ءىس-شارالاردى جوسپارلاۋ; 3) حالىقارالىق ساۋدانى جۇزەگە اسىرۋ ماقساتىندا جۇرگىزىلەدى. 5. جانۋارلاردىڭ جۇقپالى اۋرۋلارىنىڭ تارالۋىنا (تۋىنداۋىنا) جانە وتكىزىلەتىن ۆەتەريناريالىق ءىس-شارالارعا قاراي ايماقتاردىڭ مىناداي تۇرلەرى انىقتالادى: 1) قولايلى ايماق; 2) باقىلاۋ ايماعى; 3) بۋفەرلىك ايماق; 4) قولايسىز ايماق. 2. جانۋارلاردىڭ اسا قاۋىپتi اۋرۋلارى تارالعان (تۋىنداعان) كەزدە اۋماقتى ايماقتارعا ءبولۋ ءتارتىبى. 6. جانۋارلاردىڭ تىزبەگە ەنگەن اسا قاۋىپتi اۋرۋلارى تارالعان (تۋىنداعان) كەزدە اۋماقتى ايماقتارعا ءبولۋ: 1) ىندەت وشاعىن ەپيزووتيالىق زەرتتەپ قاراۋ (اۋرۋعا شالدىعۋ دەڭگەيى, ينفەكتسيا كوزدەرىنىڭ, تاسىمالداۋ فاكتورلارىنىڭ, بەيىم جانۋارلاردىڭ بولۋى, ىندەت وشاعىنىڭ شەكاراسىن زەرتتەپ قاراۋ, اۋرۋدىڭ تارالۋ دارەجەسى جانە بارىسى, ينفەكتسيا قوزدىرعىشىنىڭ تارالۋ قاۋىپ-قاتەرى, جانۋارلاردىڭ نەمەسە اۋرۋعا شالدىعۋ ستاتۋسى ءارتۇرلى تابىنداردىڭ ايماقتار ماڭىندا توپتانۋى; 2) گەوگرافيالىق ەرەكشەلىكتەر (وسىمدىكتەر, لاندشافت جانە باسقا گەوگرافيالىق ەرەكشەلىكتەر); 3) باسقا فاكتورلار (ەلدى مەكەننىڭ, مال شارۋاشىلىعى وبەكتىلەرىنىڭ, جانۋارلاردىڭ ورنالاسۋ تىعىزدىعى, ينفراقۇرىلىمنىڭ دامىعاندىعى, جەرگىلىكتى جانە رەسپۋبليكالىق ماڭىزى بار تراسسالاردىڭ, تەمىر جولداردىڭ, پورتتاردىڭ, اۋەجايلاردىڭ, ساۋدا جولدارىنىڭ, وڭدەۋ كاسىپورىندارىنىڭ بولۋى جانە باسقا فاكتورلار) نەگىزىندە جۇزەگە اسىرىلادى. 7. ايماقتىڭ راديۋسى ينفەكتسيا قوزدىرعىشىنىڭ تۇرىنە بايلانىستى بەلگىلەنەدى, بىراق ەپيزوتيالىق وشاق تىركەلگەن جەردىڭ اينالاسىنان 3 ء(ۇش) كيلومەتردەن كەم بولماۋى ءتيىس. ايماقتىڭ راديۋسى وسى قاعيدالاردىڭ 6-تارماعىندا كورسەتىلگەن فاكتورلارعا بايلانىستى وزگەرەدى. 8. وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانى اۋماقتى ءبولۋ تۋرالى شەشىم شىعارعاندا: 1) 2015 جىلعى 9 اقپانداعى قازاقستان رەسپۋبليكاسىنىڭ اۋىل شارۋاشىلىعى ءمينيسترىنىڭ № 7-1/86 بۇيرىعىمەن بەكىتىلگەن شەكتەۋ ءىس-شارالارىن جانە كاراتيندى بەلگىلەۋ نەمەسە الىپ تاستاۋ قاعيدالارىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10414 بولىپ تىركەلگەن) (بۇدان ءارى - شەكتەۋ ءىس-شارالارىن جانە كارانتيندى بەلگىلەۋ نەمەسە الىپ تاستاۋ قاعيدالارى) سايكەس قابىلدانعان ءتيىستى اكىمشىلىك-اۋماقتىق بىرلىكتەردىڭ جەرگىلىكتى اتقارۋشى ورگاندارىنىڭ (اكىمدەردىڭ) شەكتەۋ ءىس-شارالارىن نەمەسە كارانتيندى بەلگىلەۋ تۋرالى شەشىمىن; 2) ءتيىستى اكىمشىلىك-اۋماقتىق بىرلىكتىڭ باس ۆەتەريناريالىق-سانيتاريالىق ينسپەكتورى وسى قاعيدالاردىڭ 6-تارماعىندا كورسەتىلگەن ەرەكشەلىكتەردى ەسەپكە الا وتىرىپ انىقتاعان اسا قاۋىپتى ينفەكتسيانىڭ تارالۋ ماسشتابىن نەگىزگە الادى. 9. اۋماقتى ايماقتارعا ءبولۋ شەشىمىندە بەلگىلەنەتىن ايماقتاردىڭ راديۋسى جانە ايماقتارداعى اۋىلدىق وكرۋگتەر (ەلدى مەكەندەر) اتاۋلارى كورسەتىلەدى. 10. ايماقتار ەكى جانە ودان كوپ وبلىستاردىڭ اۋماعىن قامتي وتىرىپ بەلگىلەنگەن كەزدە, ءتيىستى اكىمشىلىك-اۋماقتىق بىرلىكتەردىڭ جەرگىلىكتى اتقارۋشى ورگاندارى بىرلەسكەن شەشىم قابىلدايدى. 11. ءتيىستى اكىمشىلىك-اۋماقتىق بىرلىكتەردىڭ مەملەكەتتىك ۆەتەريناريالىق-سانيتاريالىق ينسپەكتورلارى ايماقتى بەلگىلەۋگە قاجەتتى نەگىزگى پارامەترلەردى كورسەتە وتىرىپ گەوگرافيالىق كارتا جۇرگىزەدى. 12. وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانى بەلگىلەنگەن ايماقتان سىرتقارى جەردە جاڭا اۋرۋ وشاعى پايدا بولعان جاعدايدا, وسى قاعيدالاردىڭ 9-تارماعىنا سايكەس بەلگىلەنگەن ايماقتىڭ شەكاراسىن وزگەرتۋ تۋرالى شەشىم قابىلدايدى. 13. ءتيىستى اكىمشىلىك-اۋماقتىق بىرلىكتىڭ ۆەەتريناريا سالاسىنداعى ۋاكىلەتتى ورگانى ۆەدومستۆوسىنىڭ اۋماقتىق بولىمشەسى اۋماقتى ايماققا ءبولۋ جۇرگىزىلىپ جاتقان ينفەكتسيانىڭ تۇرىنە جانە زاڭنىڭ 8-بابى 9) تارماقشاسىنا سايكەس بەكىتىلەتىن ۆەتەريناريالىق (ۆەتەريناريالىق-سانيتاريالىق) قاعيدالارعا بايلانىستى, ءار بەلگىلەنگەن ايماق ءۇشىن ارنايى ۆەتەريناريالىق ءىس-شارالار ازىرلەيدى. 14. وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنىڭ اۋماقتى ايماقتارعا ءبولۋ تۋرالى شەشىمى ارنايى اكىمشىلىك-اۋماقتىق بىرلىكتىڭ جەرگىلىكتى اتقارۋشى ورگانىنىڭ (اكىمدەرىنىڭ) شەكتەۋ ءىس-شارالارىن جانە كارانتيندى بەلگىلەۋ نەمەسە الىپ تاستاۋ قاعيدالارىنا سايكەس قابىلداعان شەكتەۋ ءىس-شارالارىن نەمەسە كارانتيندى الىپ تاستاۋ شەشىمى نەگىزىندە الىنادى. وبلىستىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگانىنىڭ اۋماقتى ايماقتارعا ءبولۋ تۋرالى شەشىمى زاڭنىڭ 27-بابى 4-تارماعىنا سايكەس ۆەتەريناريا سالاسىنداعى ۋاكىلەتتى ورگان ۆەدومستۆوسى بەلگىلەگەن شەكتەۋ ءىس-شارالارى الىپ تاستالعان سوڭ الىنادى. 15. رەسپۋبليكا اۋماعىنىڭ مىندەتتى تۇردە دەكلاراتسيالاۋعا جاتاتىن اۋرۋلار تىزىمىنە ەنگىزىلگەن اۋرۋلار بويىنشا قولايلىلىعىن تانۋ بۇكىلالەمدىك جانۋارلار دەنساۋلىعىن ساقتاۋ ۇيىمى بەلگىلەگەن ۇسىنىمدارعا, تالاپتارعا سايكەس جۇزەگە اسىرىلادى. 3. جانۋارلاردىڭ اسا قاۋىپتى اۋرۋلارىنان بوس اۋماقتى ايماقتارعا ءبولۋ ءتارتىبى 16. جانۋارلاردىڭ اسا قاۋىپتى اۋرۋلارىنان بوس اكىمشىلىك-اۋماقتىق بىرلىكتەردە ولاردا جۇرگىزىلەتىن ۆەتەريناريالىق ءىس-شارالارعا (جانۋارلاردى ۆاكتسينالاۋ) بايلانىستى, ولاردا ۆاكتسيناتسيالاۋمەن جانە (نەمەسە) ۆاكتسيناتسيالاۋسىز قولايلى ايماق بەلگىلەنەدى. 17. ۆەتەريناريا سالاسىنداعى ۋاكىلەتتى ورگاننىڭ ۆەدومستۆوسى اۋماقتى ۆاكتسيناتسيامەن قولايلى ايماققا جانە (نەمەسە) ۆاكتسيناتسياسىز قولايلى ايماققا ءبولۋ ءۇشىن: 1) اكىمشىلىك اۋماقتىق بىرلىكتە جانۋار اۋرۋلارىنىڭ ەپيزووتولوگياسىن وتكىزەتىن ۆەتەريناريالىق ءىس-شارانى (جانۋارلاردى ۆاكتسينالاۋ) زەردەلەيدى; 2) جانۋارلاردىڭ اسا قاۋىپتى جانە ەكزوتيكالىق اۋرۋلارىنىڭ ەنۋىنىڭ, تۋىنداۋىنىڭ جانە تارالۋىنىڭ الەۋەتتى جانە بار قاۋىپتى-قاتەرلەرىن تالدايدى. 18. ۆەتەريناريا سالاسىنداعى ۋاكىلەتتى ورگاننىڭ ۆەدومستۆاسى وسى قاعيدالاردىڭ 17-تارماعىندا كورسەتىلگەن ءىس-شارانى وتكىزگەننەن كەيىن وبلىستىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارىنا, اۋماقتى ۆاكتسيناتسيامەن قولايلى ايماققا جانە (نەمەسە) ۆاكتسيناتسياسىز قولايلى ايماققا ءبولۋ تۋرالى ۇسىنىس ەنگىزەدى. اۋماقتى ۆاكتسيناتسيامەن قولايلى ايماققا جانە (نەمەسە) ۆاكتسيناتسياسىز قولايلى ايماققا ءبولۋ شەشىمىن وبلىستىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارى قابىلدايدى. 19. ۆاكتسيناتسيامەن قولايلى ايماقتا جانە (نەمەسە) ۆاكتسيناتسياسىز قولايلى ايماقتا ۆەتەريناريالىق ءىس-شارالاردى ۆەتەريناريا سالاسىنداعى ۋاكىلەتتى ورگان ۆەدومستۆوسى ايقىندايدى, ەگەر ولار مىنالارعا جاناساتىن بولسا: قازاقستان رەسپۋبليكاسىنىڭ مەملەكەتتىك شەكاراسىنا; كولىك ينفراقۇرىلىمى وبەكتىلەرىنە (جانۋارلاردى, جانۋارلاردان الىناتىن ونىمىدەر جانە شيكىزاتتى تيەۋ جانە ءتۇسىرۋ جۇرگىزىلەتىن تەڭىز پورتتارى, اەروپورتتار, سونداي-اق تەمىرجول ستانتسيالارى); اۋماقتى ۆاكتسيناتسيامەن قولايلى ايماققا جانە (نەمەسە) ۆاكتسيناتسياسىز قولايلى ايماققا ءبولۋ جۇرگىزىلەتىن اۋرۋ قوزدىرعىشتارىمەن جۇمىس ىستەيتىن وزگە وبەكتىلەرگە. 20. وسى قاعيدالاردىڭ 19-تارماعىندا كورسەتىلگەن جاعدايلاردى قوسپاعاندا, ۆاكتسيناتسيامەن قولايلى ايماقتا جانە (نەمەسە) ۆاكتسيناتسياسىز قولايلى ايماقتا ۆەتەريناريالىق ءىس-شارالاردى ءتيىستى اكىمشىلىك-اۋماقتىق بىرلىكتەردىڭ جەرگىلىكتى اتقارۋشى ورگاندارى ايقىندايدى. 21. ۆاكتسيناتسيامەن قولايلى ايماقتاعى جانە (نەمەسە) ۆاكتسيناتسياسىز قولايلى ايماقتاعى ۆەتەريناريالىق ءىس-شارالار بۇكىلالەمدىك جانۋارلار دەنساۋلىعىن ساقتاۋ ۇيىمىنىڭ, ەۋرازيا ەكونوميكالىق وداعى جانە قازاقستان رەسپۋبليكاسىنىڭ زاڭنامالارى نورمالارىمەن بەلگىلەنگەن ۇسىنىستاردى جانە (نەمەسە) تالاپتاردى ەسەپكە الا وتىرىپ ءتيىستى اۋرۋعا قاتىستى جانە ونىڭ قوزدىرعىشىنىڭ قاسيەتتەرى تۋرالى عىلىمي دەرەكتەر, سونداي-اق قاۋىپ-قاتەر باعاسى ارقىلى انىقتالادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 12 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11334 بولىپ ەنگىزىلدى.