قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №19-2/1053

2015 جىلعى 2 جەلتوقسان, استانا قالاسى بوگەتتەردىڭ قاۋىپسىزدىگى سالاسىنداعى جۇمىستاردى جۇرگىزۋ قۇقىعىنا اتتەستاتتالاتىن ۇيىمدارعا قويىلاتىن تالاپتاردى بەكىتۋ تۋرالى 2003 جىلعى 9 شىلدەدەگى قازاقستان رەسپۋبليكاسى سۋ كودەكسىنىڭ 37-بابى 1-تارماعىنىڭ 28-1) تارماقشاسىنا سايكەس بۇيىرامىن: 1. بوگەتتەردىڭ قاۋىپسىزدىگى سالاسىنداعى جۇمىستاردى جۇرگىزۋ قۇقىعىنا اتتەستاتتالاتىن ۇيىمدارعا قويىلاتىن تالاپتار بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك جيىرما ءبىر كۇن وتكەن سوڭ, بىراق 2016 جىلعى 1 قاڭتاردان كەيىن قولدانىسقا ەنگىزىلەدى. قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ. «كەلىسىلگەن» «كەلىسىلگەن» قازاقستان رەسپۋبليكاسىنىڭ قازاقستان رەسپۋبليكاسىنىڭ ۇلتتىق ەكونوميكا ءمينيسترى ىشكى ىستەر ءمينيسترى ___________ ە.دوساەۆ ___________ ق.قاسىموۆ 2015 جىلعى 25 جەلتوقسان 2015 جىلعى 8 جەلتوقسان قازاقستان رەسپۋبليكاسى اۋىل شارۋاشىلىعى ءمينيسترىنiڭ 2015 جىلعى 02 جەلتوقسانداعى № 19-2/1053 بۇيرىعىمەن بەكىتىلگەن بوگەتتەردىڭ قاۋىپسىزدىگى سالاسىنداعى جۇمىستاردى جۇرگىزۋ قۇقىعىنا اتتەستاتتالاتىن ۇيىمدارعا قويىلاتىن تالاپتار 1. پايدالانۋعا بەرىلگەن كەمىندە I كلاستى ەكى بوگەت, (نەمەسە) II كلاستى بەس بوگەت, (نەمەسە) III كلاستى ون بوگەت قۇرىلىسىنىڭ جوبالارىن ازىرلەۋ تاجىريبەسىنىڭ, سونداي-اق, گيدروتەحنيكالىق قۇرىلىستاردى جوبالاۋ, سالۋ, جوندەۋ جانە رەكونسترۋكتسيالاۋ, پايدالانۋدا جۇمىس تاجىريبەسىنىڭ بولۋى. 2. شتاتتا تەحنيكالىق عىلىمدار (گيدروتەحنيكالىق قۇرىلىستاردى سالۋ جانە پايدالانۋ, گيدروگەولوگيا, گەودەزيا, گەولوگيا, گيدرولوگيا, گيدرومەليوراتسيا), اۋىل شارۋاشىلىعى عىلىمدارى (سۋ رەسۋرستارى جانە سۋدى پايدالانۋ), جاراتىلىستانۋ عىلىمدارى (گيدرولوگيا) سالاسىندا جوعارى كاسىپتىك ءبىلىمى بار مامانداردىڭ, سونداي-اق گيدروتەحنيكالىق قۇرىلىستاردى جوبالاۋ, سالۋ, جوندەۋ جانە رەكونسترۋكتسيالاۋ, پايدالانۋدا اتتەستاتتارى, سەرتيفيكاتتارى, جۇمىس تاجىريبەسى بار, ەڭبەك ءوتىلى 3 جىلدان كەم ەمەس سالاارالىق مامانداردىڭ بولۋى. 3. بوگەتتەردى جوبالاۋ, سالۋ جانە پايدالانۋ سالاسىنداعى نورماتيۆتىك-تەحنيكالىق قۇجاتتامانىڭ (قر قنجە 3.04-01-2008 «گيدروتەحنيكالىق قۇرىلىستار. جوبالاۋدىڭ نەگىزگى ەرەجەلەرى», قر قنجە 3.04-02-2008 «توپىراقتى ماتەريالداردان تۇراتىن بوگەتتەر», قر قنجە 3.04-03-2008 «بەتوندى جانە تەمىربەتوندى بوگەتتەر»), سونداي-اق بوگەتتەردىڭ قاۋىپسىزدىگى سالاسىندا ساراپتاما جۇرگىزۋدى رەگلامەنتتەيتىن باسقا دا قۇجاتتاردىڭ بولۋى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 جەلتوق­سان­داعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12635 بولىپ ەنگىزىلدى.