ترياتلوننان العاش رەت اشىق بىرىنشىلىك وتەدى

قاپشاعاي سۋ قويماسىندا وسى جىلدىڭ 28 تامىزىندا ترياتلوننان كاسىپقويلار مەن اۋەسقويلاردىڭ قاتىسۋىمەن قازاقستاننىڭ «ALTYN ADAM TRIATHLON 2016» ءى اشىق بىرىنشىلىگى وتەدى. قازاقستان ترياتلون فەدەراتسياسىنىڭ ءباسپاسوز قىزمەتى حابارلاعانداي, چەمپيوناتقا كەز كەلگەن تىلەك ءبىلدىرۋشى قاتىسا الادى. جارىس قورىتىندىسى بويىنشا جاقسى ناتيجە كورسەتكەن سپورتشىلار قازاقستان قۇراماسىنا كىرەدى. بىرىنشىلىكتى ۇيىمداستىرۋشىلاردىڭ ايتۋىنشا, «ALTYN ADAM TRIATHLON 2016» جارىسى قاراپايىم ازاماتتارعا سپورت جۇلدىزدارىمەن ەتەنە تانىسۋعا, سونداي-اق, جەڭىسكە دەگەن قۇلشىنىسىن وياتىپ, كۇش-قۋاتىن ارتتىرۋعا مۇمكىندىك بەرەدى. قازاقستان ترياتلون فەدەراتسياسىنىڭ پرەزيدەنتى مۇراتحان توقماديدىڭ سوزىنە قاراعاندا, بىرىنشىلىكتە شەتەلدەردەن دە سپورتشىلار كەلىپ سايىسقا تۇسەدى. ولاردىڭ اراسىندا ترياتلوننان (ITU-حالىقارالىق ترياتلون وداعى) الەمنىڭ 3 دۇركىن چەمپيونى پول امەي بار. سونىمەن قاتار, ول 6-14 قىركۇيەك ارالىعىندا وسى سپورت ءتۇرىنىڭ مايتالمانى كريس ماككورماكتىڭ قاتىسۋىمەن تاجىريبەلى ترياتلونشىلار جيىنى وتەتىنىن, بۇل ءوز كەزەگىندە الماتىنىڭ تۋريزم سالاسىن دامىتۋعا قوسىلار ەلەۋلى ۇلەس بولاتىنىن جەتكىزدى. ال قازاقستان ترياتلون فەدەراتسياسىنىڭ ۆيتسە-پرەزيدەنتى گادجي گادجيەۆ: «قازىرگى تاڭدا ءبىزدىڭ الدىمىزدا تۇرعان نەگىزگى مىندەت – مىقتى, تاجىريبەلى ترياتلونشىلاردى انىقتاپ, ولاردىڭ حالىقارالىق جارىستار مەن الەمدىك بىرىنشىلىكتەرگە دايىنداۋ. الدىمىزدا 2020 جىلى وتەتىن وليمپيادا تۇر. ءبىز وسىنداي بەدەلدى, بيىك دەڭگەيلى جارىستاردا داڭق تۇعىرىنا كوتەرىلۋگە ءتيىستىمىز. بىزدە جەڭىسكە دەگەن قۇشتارلىق مول», – دەدى. ايتا كەتەيىك, 28 تامىزدا ALTYN ADAM TRIATHLON 2016» ءى اشىق بىرىنشىلىگى «ريۆەرا» قوناق ءۇيىنىڭ اۋلاسىنان باستاۋ الادى. ازىرگە, قاتىسۋشىلاردى فەدەراتسيانىڭ www.triathlon.kz سايتى ارقىلى تىركەۋ جۇرگىزىلۋدە. جولدىباي بازار