يران ينۆەستيتسياسى يگىلىك اكەلە مە؟

كەز كەلگەن ءوڭىر ينۆەستيتسيالىق قاراجات ەسەبىنەن ءوسىپ-وركەندەپ دامي الادى. سوندىقتان دا بۇل ماسەلەگە باتىس قازاقستان وبلى­سىنىڭ اكىمى التاي كولگىنوۆ ايرىقشا ءمان بەرۋدە. ونىڭ قازىرگى ناتيجەلەرى دە كوڭىلگە قونادى. سونىڭ ءبىرى ورال ءوڭىرى مەن يران يسلام رەسپۋبليكاسى اراسىندا ساۋدا-ەكونوميكالىق, ينۆەستيتسيالىق جانە كولىك-لوگيستيكالىق سالادا جاسالعان ىنتىماقتاستىق جونىندەگى كەلىسىم بولىپ تابىلادى. اتالعان كەلىسىمگە وتكەن شىلدە ايىنىڭ اياعىندا تەگەراندا قول قويىلعان بولاتىن. ءوز كەزەگىندە يراندىق وكىل-ينۆەستور تاۆاكول يب­رايمي ورال وڭىرىندە بولعان ساپا­رىندا مۇندا ەكى كەزەڭنەن تۇرا­تىن جىلىجاي قۇرىلىستارىن جۇرگى­زۋ ءۇشىن يران تاراپى ينۆەستي­تسيا قۇيۋعا ءازىر ەكەندىكتەرىن ءمالىم­دەدى. جۇمىستا گوللانديالىق تەحنو­لو­گيانى قولدانۋ بەلگىلەنگەن. ونىڭ ەرەكشەلىكتەرى جونىندە  نيدەر­لاند­تىق اندريەس كوپپەرت ايتىپ بەردى. ياعني, ونىڭ مالىمدەۋىنشە, جو­بانىڭ العاشقى كەزەڭىندە قۇرىلىس اۋماعى قىرىق گەكتاردى قۇراماق. بولاشاقتا جىلىجايدان جينالاتىن ءونىم مولشەرى ءوڭىر تۇرعىندارىنىڭ سۇرانىسىن قامتىپ قانا قويماي, ونى كورشىلەس رەسەي ەلىنە ەكسپورتقا شىعارۋعا بولادى دەگەن بولجام جاسالىپ وتىر. قازاقستان ەۋرازيالىق ەكونوميكالىق وداقتىڭ قۇرامىندا بولعاندىقتان, مۇنداي جاعىمدى جايت رەسەيمەن ساۋدا-ەكونوميكالىق قارىم-قاتىناستاردى ودان ءارى تەرەڭدەتە تۇسۋگە سەپتىگىن تيگى­زەدى دەپ كۇتىلۋدە. ايتىلار وي­دى بۇ­دان دا گورى اشىڭقىراپ ايتقان­دا, قازاق­ستاننىڭ اتالمىش ەكونو­مي­كالىق كەڭىستىكتە ورنالاسۋى يران­دىق ينۆەستورلاردىڭ قىزىعۋ­شىلىعىن ودان ءارى كۇشەيتە تۇسكەندەي كورىنەدى. ءتىپتى, قازىرگى كۇنى ءىرى دە كۇر­دە­لى جىلىجاي جوباسىنىڭ ور­نى بەل­گىلەنىپ تە قويىپتى. ايتا­لىق, «ورال» الەۋمەتتىك-كا­سىپ­كەرلىك كورپوراتسياسى ءوڭىر­دەگى يندۋستريالىق ايماقتى قۇرۋعا بەل شەشە كىرىسىپ, ونىڭ ورنىن بەلگىلەگەن بولاتىن. بۇل ورىن تەرەكتى اۋدانىنداعى پوي­ما تەمىر­جول بەكەتىنە تاياۋ ورنا­لاسقان. يراندىقتار مەن گوللان­ديا­لىقتار بىرلەسىپ قولعا الاتىن جىلىجاي قۇرىلىسى ءدال وسى ارادا بوي كو­تەرمەك. ءوز كەزەگىندە «ورال» اكك اتالعان شەتەلدىك كومپانيامەن بىرلەسىپ جۇمىس جۇرگىزبەك. وسى ورايدا مەردىگەر رەتىندە بەلگى­لەن­گەن «KGS» كومپانياسى قۇنى 176 ميلليون اقش دوللارىن قۇ­رايتىن قۇرىلىستى الداعى ءبىر اي­دىڭ ىشىندە باستاپ كەتۋگە بەل بۋىپ وتىرعانى ۇلكەن سەنىم تۋعىزادى. مەملەكەت باسشىسى نۇرسۇلتان نازارباەۆ ەلىمىزدەگى اتقارۋشى ور­گان جەتەكشىلەرىنە ينۆەستورلار ءۇشىن قولايلى جاعدايلار مەن مۇمكىندىكتەر تۋعىزۋدى باستى مىندەت ەتىپ قويعانى ءمالىم. جوعا­رىدا كورسەتىلگەن جايتتار ورال وڭىرىندە بۇل ءىستىڭ قالىپتى دەڭگەيدە ەكەنىن كورسەتەدى. سونىمەن, يران ينۆەستيتسياسى ورال وڭىرىنە يگىلىك اكەلە الا ما؟  بۇل ساۋالدىڭ جاۋابىنا ۋاقىتتىڭ ءوزى تورەشى بولماق. تەمىر قۇسايىن, «ەگەمەن قازاقستان» ورال