قاناتقاقتى جوبا قولدانىسقا قولايلى

«ازاماتتارعا ارنالعان ۇكىمەت» مەملەكەتتىك كورپوراتسياسى مەملەكەتتىك قىزمەتتەردى وڭتايلاندىرۋدى جالعاستىرۋدا. ەلدى مەكەندەردە «جەر ۋچاسكەسىنىڭ كاداسترلىق (باعالاۋ) قۇنىن انىقتاۋ جانە بەكىتۋ» كومپوزيتتىك قىزمەتىنە بىردەن ەكى قىزمەت: «جەر ۋچاسكەسىنىڭ كاداسترلىق (باعالاۋ) قۇنىن انىقتاۋ» جانە «ناقتى جەر ۋچاسكەلەرىنىڭ كاداسترلىق (باعالاۋ) قۇنىن بەكىتۋ» قىزمەتتەرى بىرىكتىرىلدى. وڭتايلاندىرۋ ناتيجەسىندە قىزمەت كورسەتۋ مەرزىمدەرى قىسقارتىلدى جانە حالىققا قىزمەت كورسەتۋ ورتالىقتارىنا ەكى رەت بارۋ قاجەتتىلىگى جويىلدى. سونداي-اق, جەرگىلىكتى اتقارۋشى ورگانداردا جەر ۋچاسكەلەرىنىڭ جەرگە ورنالاستىرۋ جوبالارىن ازىرلەۋ جانە بەكىتۋ كومپوزيتتىك قىزمەتىنە بىرىكتىرۋ جۇزەگە اسىرىلدى. مەملەكەتتىك كورپوراتسيانىڭ باس­قارما توراعاسىنىڭ ورىنباسارى مە­دەت قۇمارعاليەۆتىڭ ايتۋىنشا, بۇل باعىت­تاعى قاناتقاقتى جوبا مەملەكەتتىك كورپوراتسيانىڭ قۇرامىندا جەرعوو مەن جمو-نىڭ بىرىگۋى ارقاسىندا مۇمكىن بولدى. ول «جوبانى ەنگىزگەنگە دەيىن تەك كاداسترلىق قۇندى انىقتاۋ جۇمىسىن ورىنداۋ مەرزىمى 10 كۇندى قۇراعان, وعان جەرگىلىكتى اتقارۋشى ورگاننىڭ بەكىتۋىنە 3 جۇمىس كۇنى قوسىلادى. سونداي-اق, ازاماتتارعا حقكو-عا ەكى رەت جۇگىنۋگە تۋرا كەلەتىن: الدىمەن قۇنىن انىقتاۋعا, ودان كەيىن كاداسترلىق قۇندى بەكىتۋگە. ەندى بۇل قىزمەت جەڭىلدەتىلدى – قۇنىن انىقتاۋعا قۇجات تاپسىرا وتىرىپ, قىزمەتتى الۋشى بەكىتىلگەن كاداسترلىق قۇن اكتىسىن الادى. قىزمەت كورسەتۋ مەرزىمى 8 جۇمىس كۇنىنە دەيىن قىسقارتىلعان», دەپ تۇسىندىرە وتىرىپ, قاناتقاقتى جوبانى ىسكە قوسقان ساتتەن باستاپ 1 454 قىزمەت كورسەتىلگەندىگىن اتاپ ءوتتى. جەر ۋچاسكەلەرىنىڭ جەرگە ورنالاستىرۋ جوبالارىن ازىرلەۋ جانە ونى جەرگىلىكتى اتقارۋشى ورگانداردا بەكىتۋ كومپوزيتتىك قىزمەتىنە بىرىكتىرۋدىڭ قاناتقاقتى جوباسى مەملەكەتتىك قىزمەت الۋدى ايتارلىقتاي جەڭىلدەتتى. «بۇرىن تۇتىنۋشىعا جەرگە ورنالاستىرۋ جوباسىن ازىرلەۋ ءۇشىن الدىمەن جەرعوو-عا جۇگىنۋ جانە ونى ازىرلەگەننەن كەيىن عانا جەرگىلىكتى اتقارۋشى ورگاندا بەكىتۋ ءۇشىن حقكو-عا قۇجات تاپسىرۋ كەرەك بولاتىن. ەندى مەملەكەتتىك كورپوراتسيانىڭ فرونت-وفيسىنە جۇگىنۋ جانە جەرگە ورنالاستىرۋ جوباسىن ازىرلەۋگە قۇجاتتار تاپسىرسا جەتكىلىكتى, بەكىتۋگە ول اۆتوماتتى تۇردە جولدانادى. بۇل «ازاماتتارعا ارنالعان ۇكىمەتتىڭ» بارلىق فرونت-وفيستەرگە قوسىلعان «حقكو» ىقپالداستىرىلعان اقپاراتتىق جۇيەسىنىڭ ارقاسىندا مۇمكىن بولدى. قاناتقاقتى جوبانىڭ قولدانىلۋىنان باستاپ ءبىز 4 مىڭ جەرگە ورنالاستىرۋ جوبالارىن ازىرلەدىك جانە 2 مىڭنان استامىن بەكىتۋگە جولدادىق», دەدى مەملەكەتتىك كورپوراتسيا باسقارما توراعاسىنىڭ ورىنباسارى. قاناتقاقتى جوبا مەملەكەتتىك كورپو­راتسيانىڭ بارلىق فرونت-وفيستەرىندە قولدانىلادى جانە 20 تامىزعا دەيىن سوزىلادى. جوبا اياقتالعاننان كەيىن اۋىل شارۋاشىلىعى مينيسترلىگىنە مەملەكەتتىك قىزمەت كورسەتۋ ستاندارتتارىنا وزگەرىستەر ەنگىزۋ جونىندە ۇسىنىستار جولدانادى. بىراق قازىردىڭ وزىندە ول ءىس جۇزىندە ۋاقىتتى, مەرزىمدى, ەكى رەت بارۋدى قىسقارتۋ جانە «ازاماتتارعا ارنالعان ۇكىمەت» ارقىلى كورسەتىلەتىن مەملەكەتتىك قىزمەت ساپاسىنىڭ جاقسارۋ مۇمكىندىگىن كورسەتتى. سونداي-اق, «ازاماتتارعا ارنالعان ۇكىمەت» مەملەكەتتىك كورپوراتسياسى» كە اق ديرەكتورلار كەڭەسىنىڭ وتىرىسىندا وسى جىلدىڭ 3 ماۋسىمىندا «جەر كاداسترى جانە جىلجىمايتىن م ۇلىكتى تەحنيكالىق تەكسەرۋ» ديرەكتسياسى قۇرىلدى. جاڭارتىلعان ديرەكتسيانىڭ العاشقى جوبالارىنىڭ ءبىرى – الدىمەن استانا قالاسى بويىنشا, ءارى قاراي وڭىرلەردە قالا قۇرىلىسى كاداسترىمەن ىقپالداستىرا وتىرىپ, «جەر جانە جىلجىمايتىن م ۇلىك» بىرىڭعاي مەملەكەتتىك كاداسترىن كۇرۋ. «ەگەمەن-اقپارات»