ءوندىرىس – وركەندەۋ وزەگى

پارلامەنت ءماجىلىسىنىڭ دەپۋتاتى, «نۇر وتان» پارتياسى فراك­تسيا­سىنىڭ مۇشەسى باقىتجان ءابدىرايىم قاراتاۋ قالاسىنداعى «شو­لاق­تاۋ» كەن ورنىنىڭ جۇمىسىمەن تانىسىپ, ەڭبەككەرلەرىمەن جۇزدەستى. ايماقتاعى عانا ەمەس, ەلىمىزدەگى ءىرى ءوندىرىس وشاقتارىنىڭ ءبىرى سانالاتىن «قازفوسفات» جشس-نە قاراستى «شولاقتاۋ» ءوندىرىس الاڭىندا بۇگىندە 535 ادام ەڭبەك ەتىپ جاتىر. «قازفوسفات» زاۋىتى جىلىنا 1 ملن 744 مىڭ توننا فوسفوريت شىعاراتىن بولسا, سونىڭ 40 پايىزىن وسى كەن ورنى بەرەدى. بيىلعى جىلدىڭ جەتى ايىندا بۇل الىپ كاسىپورىن مەملەكەت قازىناسىنا 1 ملرد تەڭگە­دەن استام سالىق تولەپتى. 2011-2015 جىلدار ارالىعىندا كاسىپورىنعا 2,5 ملرد تەڭگە ينۆەستيتسيا قۇيىلعان. وسىنىڭ ارقاسىندا كوپتەگەن جاڭا تەحنيكالار الىنىپ, زاۋىتتىڭ قۇ­رال-جابدىقتارى جاڭاردى. تاريحى سوناۋ 1946 جىلدان باس­تاۋ الاتىن «شولاقتاۋ» كەن ور­نى­نىڭ جۇمىسى ءبىر كۇن دە توقتاعان ەمەس. بۇرىن فوسفوريت اشىق ادىسپەن ءون­دىرىلەتىن بولسا, قازىر 300 مەتر تەرەڭ­دىكتەگى شاحتادان قازىپ الىنادى. بۇل كاسىپورىنداعى جۇمىسشىلاردىڭ بار­لىعى دەرلىك جەرگىلىكتى تۇرعىن­دار. جۇمىسشىلاردىڭ ورتاشا جالاقىسى 93 مىڭ تەڭگەنى قۇرايدى. – قازىر ەلىمىزدەگى ءوندىرىس وشاق­تارىنا مەملەكەت تاراپىنان ۇلكەن قولداۋلار بولىپ جاتىر, – دەدى زاۋىت جۇمىسشىلارىمەن جۇزدەس­كەن دەپۋتات. – سوڭعى تەحنولوگيا­لاردى پايدالانا وتىرىپ, ءوندىرىس­تى جاڭا دەڭگەيگە كوتەرۋ ءمىن­­دەتى كۇن تارتىبىنەن ەش تۇسكەن ەمەس. كاسىپ­ورىن جۇمىسىنىڭ العا باسۋى, ارينە, باسشىلارعا دا بايلانىستى. دەگەنمەن دە, سىزدەردىڭ قاجىرلى ەڭبەكتەرىڭىز زاۋىتتىڭ دامۋىن جەدەلدەتە تۇسەدى. بۇل كۇنى ب.ءابدىرايىم «نۇر وتان» پارتياسىنىڭ فيليالىندا جەرگىلىكتى تۇرعىنداردى قابىلداپ, ارىز-شاعىمدارىن تىڭدادى. اۋدان تۇرعىندارى ءبىر كەزدەرى زياندى تسەحتاردا جۇمىس ىستەپ, ۋاقىت وتە كەلە مۇگەدەك بولىپ قالعان عارىپ جان­دار­دىڭ مۇڭىن, قاراتاۋ قالا­سىن­­داعى جول, كوپقاباتتى تۇرعىن ءۇي­لەر­دى جوندەۋ ماسەلەسىن ايتتى. حالىق قالاۋلىسى تۇرعىنداردىڭ ارىز-شا­عىمىن مۇقيات تىڭداپ, بۇل ماسە­لە­لەر­دى شەشۋ ءۇشىن ءتيىستى ورىندارعا حات جولدايتىنىن جەتكىزدى. ورالحان ءداۋىت, «ەگەمەن قازاقستان» جامبىل وبلىسى, قاراتاۋ قالاسى