ەلەكتروندى استىق قولحاتىنىڭ ءتيىمدى تۇستارى

بيىلعى جىلى 23 شىلدەدەن باستاپ استىق قولحاتتارى ەلەكتروندى تۇرگە وتكەن بولاتىن. «قازاقستاننىڭ فەرمەرلەر وداعى» رەسپۋبليكالىق قوعامدىق بىرلەستىگىنىڭ توراعاسى اۋەزحان دارينوۆتىڭ ايتۋىنشا, جاڭا ءتارتىپ استىق وسىرۋشىلەردىڭ جۇمىسىن اناعۇرلىم جەڭىلدەتەدى جانە تابىسىن مولايتۋعا دا ىقپال ەتەدى. بۇل تۋرالى ول كەشە پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگتە باياندادى.   اۋەزحان دارىنوۆ جاڭا جۇيەنىڭ ارتىقشىلىقتارىن بىزگە تومەندەگىشە ءتۇسىندىرىپ بەردى. – بۇرىن فەرمەرلەر اكەل­گەن استىقتارىنىڭ قول­حاتىن الۋ ءۇشىن ەلەۆاتورعا بارىپ, سول جەردە تاپجىلماي كۇتىپ وتىراتىن. استىق تۇسىرگەن ءاربىر كولىكتى ەسەپتەپ, كۇن سايىن ەلەۆاتورعا بارۋعا ءماج­­بۇر بولاتىن. قازىرگى ەلەك­­­تروندى استىق قولحاتىن ۇيدە وتىرىپ-اق الۋعا بولادى. ول ءۇشىن كەرەگى ينتەرنەت پەن كومپيۋتەر, سمارتفون دا جارايدى. بۇل – بىرىنشىدەن. ەكىنشىدەن, جۇمىس بارىنشا اشىق جۇرگىزىلەدى. بۇرىن استىق قولحاتىن قىركۇيەكتەن باس­تاپ وتكىزەتىنبىز. سوسىن, ونى ساتۋ ءۇشىن قاراشا, جەل­توقسان ايىنا دەيىن كۇ­تەتىنبىز. قازىر قانشا اس­تىق تاپسىردىق, ول قالاي ساقتالىپ جاتىر دەگەن سىندى كەرەك مالىمەتتىڭ ءبارىن ءۇش كۇن سايىن ءبىلىپ وتىرامىز. ياعني, ەلەكتروندى استىق قولحاتىنىڭ ارقاسىندا استىق وسىرۋشىلەردىڭ قانشالىقتى ەڭبەك ەتسە, سونشالىقتى زەي­نەتىن كورۋگە دەگەن مۇمكىندىگى ارتا تۇسكەن. تاعى ءبىر ايتا كەتەرلىگى, استىق قولحاتتارىنىڭ «قۇندى قاعاز» دەگەن مارتەبەسى بار, ول استىق يەسى قانشالىقتى استىق تاپسىرسا, سونشا م ۇلىك­تىك قۇقىعىن راستايدى. ال ول فەرمەرلەر بانكتەن نەسيە العىسى كەلگەن جاعدايدا كەپىلدىك رەتىندە قولدانۋعا دا جارامدى. ارنۇر اسقاروۆ, «ەگەمەن قازاقستان»